Read William Morgan Bible 1588 original edition 2.Samuel 23 Bible Online

2.Samuel 23 - William Morgan Bible 1588 original edition bible

2.Samuel 23

¹Geiriau diweddaf Dafydd. 8 Henwau, a chyflafan cedyrn Dafydd. Dymma eiriau diweddaf Dafydd: dywedodd Dafydd mab Isai, a dywedodd y gŵr yr hwn a osodwyd yn vchel, eneiniog Duw Iacob, a pheraidd yng-haniadau Israel.

²Yspryd yr Arglwydd a lefarodd ynofi: ai ymadrodd ef [oedd] ar fy nhafod.

³Duw Israel a ddywedodd wrthifi, craig Israel a ddywedodd: [byddi] lywodraethwr ar ddynion yn gyfiawn yn llywodraethu [mewn] ofn Duw:

⁴Ac fel boreuol oleuni pan gyfodo haul foreucwaith heb gwmylau, ac nid fel eginin yr hwn a dyf o’r ddaiar drwy lewyrchiad, a glaw.

⁵Canys nid felly y [bydd] fy nhŷ i gyd a Duw: o herwydd cyfammod tragywyddol a osododd efe i mi, wedi ei luniaethu yn hollawl, ac yn gadwedig, canys fy holl iechydwriaeth, a’m holl ddymuniad [yw] na wnaiff efe [iddo] flaguro [felly.]

⁶A’r rhai anwir fyddant oll fel drain symudedic: canys mewn llaw nis cymmerir hwynt.

⁷Ond y gŵr [yr hwn] a gyffwrdd a hwynt a gynnorthwyir a haiarn, ac a phaladr gwaiffon: ac a thân y lloscir hwynt yn [eu] trig-le.

⁸Dymma enwau y cedyrn y rhai [oeddynt] gan Ddafydd: yr hwn a eistedde yng-hader doethineb, yn bennaeth y tywysogion oedd Adino yr Esinad, [efe a ruthrodd] yn erbyn wyth-gant o rhai archolledig ar vnwaith.

⁹Ac ar ei ôl ef [yr oedd] Eleazar mab Dodo, fab Ahohi, ym mhlith y tri cedyrn gyd a Dafydd, pan ddifenwasant hwy y Philistiaid [y rhai] a ymgynnullasant yno i ryfel, pan aeth gwyr Israel i fynu.

¹⁰Efe a gyfododd, ac a darawodd ar y Philistiaid nes deffygio ei law ef, a glynu oi law ef ŵrth y cleddyf, a’r Arglwydd a wnaeth iechydwriaeth mawr y diwrnod hwnnw: a’r bobl a ddychwelasant ar ei ôl ef yn vnic i anrheithio.

¹¹Ac ar ei ôl ef [yr oedd] Samma mab Age yr Harariad: a’r Philistiaid a ymgynnullasant yn dorf, ac yr oedd yno rann o’r maes yn llawn o ffacbys; a’r bobl a ffoawdd o flaen y Philistiaid.

¹²Ond efe a safodd yng-hanol y rhandir, ac ai hachubodd, ac efe a darawodd y Philistiaid: felly y gwnaeth yr Arglwydd ymwared mawr.

¹³A thri o’r dêg pennaeth ar hugain a ddescynnasant, ac a ddaethant y cynhaiaf at Ddafydd i ogof Adulam: a thorf y Philistiaid oedd yn gwerssyllu yn nyffryn y cawri.

¹⁴A Dafydd [oedd] yna mewn amddeffynfa: a sefyllfa y Philistiaid yna [ydoedd] yn Bethlehem.

¹⁵Yna y blyssiodd Dafydd, ac y dywedodd: pwy a’m didda i a dwfr o bydew Bethlehem, yr hwn [sydd] yn y porth?

¹⁶Yna yr tri chedyrn a ruthrasant i werssyll y Philistiaid, ac a dynnasant ddwfr o bydew Bethlehem yr hwn [oedd] yn y porth ac a gymmerasant hefyd, ac a ddugasant at Ddafydd: ond ni fynne efe ei yfed ef, eithr efe ai diod-offrymmodd ef i’r Arglwydd,

¹⁷Ac a ddywedodd, na atto yr Arglwydd i mi wneuthur hyn, a [yfwn i] waed y gwyr a aethant mewn [enbydrwydd] am eu henioes? am hynny ni fynne efe ei yfed: hyn a wnaeth y tri chedyrn hynny.

¹⁸Ac Abisai brawd Ioab, mab Serfia oedd bennaf o’r tri, ac efe a escydwodd ei waiwffon ar dry-chant [ac ai] lladdodd [hwynt:] ac iddo ef [y bu] enw ym mhlith y tri.

¹⁹Onid anrhydeddusach [oedd efe] na’r tri hyn? a bu iddynt yn dywysog: etto ni chyrrheddodd efe y tri [cyntaf.]

²⁰A Banaia mab Iehoiada, mab gŵr grymmus o Cabzel, aml o weithredoedd: efe a laddodd ddau o gedyrn Moab, ac efe aeth i wared, ac a laddodd ryw lew o fewn y pydew yn amser yr eira.

²¹Ac efe a darawodd Aipht-ddyn, gŵr golygus [o faint,] ac yn llaw yr Aiphtiad [yr oedd] gwaiw-ffon, eithr efe a ddaeth i wared atto ef a gwialen: ac a gippiodd y waiw-ffon o law yr Aiphtiad, ac ai lladdodd ef, ai waiw-ffon ei hun.

²²Hyn a wnaeth Banaia mab Iehoiada: ac iddo [y bu] enw ym mhlith y tri cedyrn.

²³Anrhydeddusach [oedd] na’r dêc ar hugain, ond ni chyrheddodd efe y tri [cyntaf:] etto Dafydd ai gosododd ef yn ei gyngor.

²⁴Asahel brawd Ioab [oedd vn] o’r dêc ar hugain: Elhanan mab Dodo y Bethlehemiad.

²⁵Samma’r Harodiad, Elica yr Harodiad

²⁶Helez y Paltiad, Ira mab Icces y Theociad.

²⁷Abieser yr Anatothiad, Mebunnai yr Husathiad,

²⁸Salomon yr Ahohiad, Mahari y Netophathiad.

²⁹Heleb mab Baana y Netophathiad: Ithai mab Ribai o Gibea meibion Beniamin.

³⁰Benaia y Pirathoniad, Hidai o afonydd Gaas.

³¹Abi-albon yr Arbathiad, Azmafeth * y Barhumiad.

³²Elihaba y Saalboniad, o feibion Iasen Ionathan.

³³Samma yr Harariad, Ahiam mab Sarar yr Arariad.

³⁴Eliphelet mab Ahasbai, mab Maachathi: Eliam mab Ahitophel y Giloniad.

³⁵Hesrai y Carmeliad, Paarai, yr Arbiad.

³⁶Igal mab Nathan o Zobah, Bani y Gadiad.

³⁷Selec yr Ammoniad: Nahari y Beerothiad yn dwyn arfau Ioab mab Serfia.

³⁸Ira yr Ithriad, Gareb yr Ithriad.

³⁹Vrias yr Hethiad, dau ar bymthec, ar hugain oll.