Read William Morgan Bible 1588 original edition 2.Samuel 7 Bible Online

2.Samuel 7 - William Morgan Bible 1588 original edition bible

2.Samuel 7

¹A Phan eisteddodd y brenin yn ei dŷ: a rhoddi o’r Arglwydd lonydd iddo ef rhac ei holl elynion oddiamgylch:

²Yna y dywedodd y brenin wrth Nathan y prophwyd, wele yn awr fi yn preswylo mewn tŷ o cedr-wŷdd: ac Arch Dduw yn aros o fewn y cortinau.

³Yna Nathan a ddywedodd wrth y brenin, dos, gwna’r hyn oll [sydd] yn dy galon, canys yr Arglwydd [sydd] gyd a thi.

⁴A bu y nosson honno i air yr Arglwydd ddyfod at Nathan gan ddywedyd:

⁵Dos, a dywet wrth fyng-wâs Dafydd, fel hyn y dywed yr Arglwydd: ai ty di a adailedi i mi dŷ lle y cyfanneddwyfi?

⁶Canys nid arhosais mewn tŷ er y dydd yr arweiniais blant Israel o’r Aipht hyd y dydd hwn: eithr bum yn rhodio mewn pabell ac mewn tabernacl.

⁷Ym mha [le] bynnac y rhodiais gyd a holl feibion Israel, a yngenais i air wrth vn o lywodraethwŷr Israel i’r rhai y gorchymynnais borthi fy mhobl Israel, gan ddywedyd pa ham nad adailadasoch i mi dŷ o cedr-wŷdd?

⁸Ac yn awr fel hyn y dywedi di wrth fyngwâs Dafydd, fel hyn y dywedodd Arglwydd y lluoedd, myfi a’th gymmerais di o’r gorlan oddiar ôl y praidd: i fod yn flaenor ar fy mhobl Israel.

⁹A bum gyd a thi ym mha [le] bynnac y rhodiaist, torrais ymmaith hefyd dy holl elynnion di o’th flaen: a gwneuthum enw mawr i ti megis enw’r rhai mwyaf [ar ydynt] yn y tîr.

¹⁰(Gosodaf hefyd i’m pobl Israel lê, a phlannaf ef, fel y trigo efe yn ei le ei hun, ac na symmuder ef mwyach: a meibion anwiredd ni chwanegant ei gystuddio ef megis gynt.

¹¹Sef er y dydd yr hwn yr ordeiniais i farnwŷr ar fy mhobl Israel) a rhoddaf hefyd lonyddwch i ti oddi wrth dy holl elynnion: yr Arglwydd hefyd sydd yn mynegu i ti, y gwnaiff yr Arglwydd dŷ i ti.

¹²Pan gyflawnir dy ddyddiau di, a huno o honot gyd a’th dadau, yna y gosodaf dy hâd ti ar dy ôl di, yr hwn a ddaw allan o’th emyscaroedd di: a mi a gadarnhaf ei frenhiniaeth ef.

¹³Efe a adailada dŷ i’m enw i: minne a gadarnhaf orseddfaingc ei frenhiniaeth ef byth.

¹⁴Myfi a fyddaf iddo ef yn dâd, ac yntef fydd i mi yn fab: pan droseddo efe, yna y ceryddaf ef a gwialen ddynawl, sef a phlagau meibion Dynion.

¹⁵Ond fy nhrugaredd ni ymedu ag ef: megis ac y tynnais ymmaith oddi wrth Saul yr hwn a dynnais ymmaith o’th flaen di.

¹⁶A’th dŷ di a siccrheuir a’th frenhiniaeth yn dragywydd o’th flaen di: dy orsedd-faingc a fydd gadarn byth.

¹⁷Yn ôl yr holl eiriau hyn, ac yn ôl yr holl weledigaeth hon: felly y llefarodd Nathan wrth Ddafydd.

¹⁸Yna y daeth y brenin Dafydd, ac a eisteddodd ger bron yr Arglwydd, ac a ddywedodd, pwy [ydwyfi] ô Arglwydd Dduw, a phwy [yw] fy nhylwyth, pan ddygit ti fi hyd ymma?

¹⁹Ac etto bychan oedd hyn yn dy olwg di ô Arglwydd Dduw, am hynny y lleferaist am dŷ dy wâs dros hîr amser: fel dymma arfer dŷn ô Arglwydd Dduw.

²⁰Pa beth mwyach a ddywed Dafydd yn chwaneg wrthit? canys ti a adwaenost dy wâs ô Arglwydd Dduw.

²¹Er mwyn dy air di, ac yn ôl dy feddwl dy hun y gwnaethofi yr holl fawredd hyn, iw hyspyssu i’th wâs.

²²Am hynny i’th fawrhauwyd ô Arglwydd Dduw: canys nid [oes neb] feltydi, ac nid [oes] Duw onid ti, yn ôl yr hyn oll a glywsom ni a’n clustiau.

²³A pha vn genedl [sydd] yn y tir megis dy bobl Israel yr hon yr aeth Duw iw gwaredu yn bobl iddo ef ei hun, ac i osod iddo enw; ac i wneuthur eroch chwi fawrhydri, a [phethau] ofnadwy yn dy dir di, [ô arglwydd gan fwrw allan] genhedloedd, ai duwiau o flaen dy bobl y rhai a waredaist ti o’r Aipht?

²⁴Canys ti a siccrheaist i ti dy bobl Israel yn bobl i ti byth: a thi Arglwydd ydwyt iddynt hwy yn Dduw.

²⁵Ac yn awr ô Arglwydd Dduw cwplâ byth y gair yr hwn a leferaist am dy wâs, ac am ei dŷ ef: a gwna megis y dywedaist.

²⁶Fel y mawrhaer dy enw yn dragywydd gan ddywedyd, Arglwydd y lluoedd [sydd] Dduw ar Israel, a bydded tŷ dy wâs Dafydd yn gadarn ger dy fron di.

²⁷Canys ti ô Arglwydd y lluoedd Duw Israel a fynegaist i’th wâs gan ddywedyd, adailadaf dŷ i ti: am hynny dy wâs a gafodd ei galon [atto,] i weddio attati y weddi hon.

²⁸Ac yn awr ô Arglwydd Dduw, ti ydwyt Dduw, a’th eiriau di fyddant mirionedd, a thi a leferaist am dy wâs y daioni hwn.

²⁹Yn awr gan hynny rhynged bodd it fendigo tŷ dy wâs i fod ger dy fron di yn dragywydd: canys ti ô Arglwydd Dduw a leferaist, ac a’th fendith di y bendithier tŷ dy wâs yn dragywydd.