Read William Morgan Bible 1588 original edition 2.Samuel 8 Bible Online

2.Samuel 8 - William Morgan Bible 1588 original edition bible

2.Samuel 8

¹Y cenhedloedd a wnaeth Dafydd iddynt dalu teyrnged iddo ef. Ac wedi hyn y tarawodd Dafydd y Philistiaid, ac ai darostyngodd hwynt: a Dafydd a ddug ymmaith ffrwyn y gaethiwed o law y Philistiaid.

²Hefyd efe a darawodd Moab, ac ai mesurodd hwynt a rheffyn gan eu cwympo hwynt i lawr, ac efe ai mesurodd a dau reffyn iw lladd [hwynt,] ac a lloned y rheffyn iw bywhau: felly y Moabiaid fuant i Ddafydd yn weision yn dwyn trêth.

³Tarawodd Dafydd hefyd Hadarezar fab Rehob brenin Zoba, pan oedd efe yn myned i osod ei gryfder wrth afon Euphrates.

⁴A Dafydd a ennillodd oddi arno ef fîl [o gerbydau,] a saith gant o farchogion, ac vgain mil o wŷr traed: a thorrodd Dafydd linynnau garr [meirch] pob cerbyd, ac efe a adawodd o honynt gant cerbyd [yn gyfan.]

⁵Yna y daeth y Syriaid o Ddamascus i gynnorthwyo Hadarezar brenin Zoba: a Dafydd a laddodd o’r Syriaid ddwy fil ar hugain o wŷr.

⁶A Dafydd a osododd swyddogion ar y Syriaid o Ddamascus, a’r Syriaid a fuant weision i Ddafydd yn dwyn trêth: a’r Arglwydd a gadwodd Ddafydd ym mha le bynnac yr aeth efe.

⁷Dafydd hefyd a gymmerth dariannau aur y rhai oeddynt gan weision Hadarezar: ac ai dûg hwynt i Ierusalem.

⁸O Beta hefyd, ac o Berothai dinasoedd Hadarezar, y dûg y brenin Dafydd lawer iawn o brês.

⁹Pan glybu Tohi brenin Hamath, daro o Ddafydd holl nerth Hadarezar.

¹⁰Yna Tohi a anfonodd Ioram ei fab at y brenin Dafydd i geisio ganddo ef heddwch, ac i ddiolch iddo ef, (am iddo ymladd yn er hyn Hadarezar, ai fauddu ef, canys gŵr rhyfelgar oedd Hadarezar [yn erbyn] Tohi) a llestri arian, a llestri aur, a llestri prês oeddynt ganddo ef.

¹¹Y rhai hynny hefyd a gyssegrodd y brenin Dafydd i’r Arglwydd: gyd a’r arian, a’r aur, y rhai a gyssegrase efe o’r holl genhedloedd y rhai a orescynnase efe.

¹²[Sef] oddi ar y Syriaid, ac oddi ar y Moabiaid, ar oddi ar feibion Ammon, ac oddi ar y Philistiaid, ac oddi ar yr Amaleciaid, ac o anrhaith Hadarezar mab Rehob brenin Zoba.

¹³Felly Dafydd a ennillodd [iddo] enw pan ddychwelodd efe o ladd y Syriaid yn nyffryn yr halen: [sef] tair mil ar bymthec.

¹⁴Efe a osododd bennaethiaid ar Edom, ar holl Edom y gosododd efe bennaethiaid, a bu holl Edom yn weision i Ddafydd: a’r Arglwydd a gadwodd Ddafydd ym mha le bynnac y rhodiodd efe.

¹⁵A theyrnasodd Dafydd ar holl Israel: yr oedd Dafydd hefyd yn gwneuthur barn, a chyfiawnder iw holl bobl.

¹⁶Ac Ioab mab Serfia [oedd] benn ar y llu: ac Iebosaphat mab Ahilud yn gofiadur.

¹⁷A Zadoc mab Ahitob, ar Ahimelec mab Abiathar [oeddynt] offeiriaid: Seraiah yn scrifennydd.

¹⁸Benaiabu hefyd mab Iehoioda [oedd] ar y Crethiaid, a’r Pelethiaid: a meibion Dafydd oeddynt dywysogion.