Read William Morgan Bible 1588 original edition 1.Brenhinoedd 16 Bible Online

1.Brenhinoedd 16 - William Morgan Bible 1588 original edition bible

1.Brenhinoedd 16

¹Teyrnasiad Baasa. 6 Ela. 9 Zimri. 17 Omri a Thibni. 29 Ac Ahab yr hwn a briododd lesabel. 34 Ac adailadaeth Iericho. Yna y daeth gair yr Arglwydd ac Iehu fab Hanani yn erbyn Baasa gan ddywedyd:

²O herwydd i’m dy dderchafu o’r llwch, a’th roddi yn flaenor ar fy mhobl Israel: a rhodio o honot tithe yn ffordd Ieroboam, a pheri i’m pobl Israel bechu gan fy nigio ai pechodau.

³Wele fi yn torri ymmaith hiliogaeth Baasa, a hiliogaeth ei dy ef: a rhoddaf dy dŷ fel tŷ Ieroboam mab Nabat.

⁴Y cŵn a fwyttu’r hwn fyddo marw o eiddo Baasa yn y ddinas, ac adar y nefoedd a fwyttânt yr hwn fyddo marw oi eiddo ef yn y maes.

⁵A’r rhan arall o hanes Baasa, a’r hyn a wnaeth efe, ai gadernid ef: onid ydynt hwy yn scrifennedic yn llyfr Cronicl brenhinoedd Israel?

⁶A Baasa a hunodd gyd ai dadau, ac a gladdwyd yn Thirsa: ac Ela ei fab ef a deyrnasodd yn ei le ef.

⁷Hefyd drwy law Iehu fab Hanani y prophwyd y bu gair yr Arglwydd yn erbyn Baasa, ac yn erbyn ei dŷ ef, o herwydd yr holl ddyrgioni’r hwn a wnaethe efe yng-olwg yr Arglwydd, gan ei ddigio ef drwy waith ei ddwylaw i fod fel tŷ Ieroboam: ac o blegit iddo ei ladd ef.

⁸Yn y chweched flwyddyn ar hugain i Asa brenin Iuda: y teyrnasodd Ela mab Baasa ar Israel yn Thirsa ddwy flynedd.

⁹A Zimri ei wâs ef tywysog ar hanner y cerbydau a gyd-fwriadodd yn ei erbyn ef: ac efe oedd feddw yn yfed yn Thirsa yn nhy Arsa yr hwn [oedd] ben teulu yn Thirsa.

¹⁰Yna y daeth Zimri, ac ai tarawodd ef ac ai lladdodd yn y seithfed flwyddyn ar hugain i Asa brenin Iuda: ac a deyrnasodd yn ei le ef.

¹¹A phan deyrnasodd efe, ac eistedd ar ei deyrn-gader, efe a laddodd holl dŷ Baasa, ni adawodd efe iddo ef [vn] i bisso yn erbyn y pared: nai geraint, nai gyfeillion.

¹²Felly Zimri a ddinistriodd holl dŷ Baasa: yn ol gair yr Arglwydd yr hwn a lefarodd efe yn erbyn Baasa drwy law Iehu y prophwyd.

¹³O herwydd holl bechodau Baasa, a phechodau Elah ei fâb ef: [drwy]’r rhai y pechasant hwy, a thrwy y rhai y gwnaethant i Israel bechu, gan ddigio Arglwydd Dduw Israel drwy eu gorwagedd hwynt.

¹⁴A’r rhan arall o hanes Ela, a’r hyn oll a wnaeth efe: onid ydynt hwy’n scrifennedic yn llyfr Cronicl brenhinoedd Israel?

¹⁵Yn y seithfed flwyddyn ar hugain i Asa brenin Iuda y teyrnasodd Zimri saith niwrnod yn Thirsa: a’r bobl oeddynt yn gwerssyllu yn erbyn Gibethon yr hon [oedd] eiddo y Philistiaid.

¹⁶A chlybu’r bobl (y rhai oeddynt yn y gwerssyll) ddywedyd, Zimri a gyd fwriadodd, ac a darawodd y brenin: a holl Israel a goronasant Omri tywysog y llu yn frenin y dwthwn hwnnw ar Israel yn y gwerssyll.

¹⁷Yna Omri a aeth i fynu, a holl Israel gyd ag ef o Gibethon: ac hwy a warchauasant yn erbyn Thirsa.

¹⁸Pan welodd Zimri fod y ddinas wedi ei hennill, yna efe a ddaeth i balas y brenin: ac efe a loscodd dŷ r’ brenin ar ei vchaf a thân, ac efe a fu farw,

¹⁹Am ei bechodau ef yn y rhai y pechodd efe, gan wneuthur dyrgioni yng-olwg yr Arglwydd: gan rodio yn ffordd Ieroboam ac yn ei bechod [drwy]’r hwn y gwnaeth efe i Israel bechu.

²⁰A’r rhan arall o hanes Zimri ai gydfradwriaeth ef [drwy] yr hwn a cydfwriadodd efe: onid ydynt hwy yn scrifennedic yn llyfr Cronicl brenhinoedd Israel?

²¹Yna yr ymrannodd y bobl yn [ddau] hanner: rhan o’r bobl oedd ar ôl Tibni mab Ginab iw osod ef yn frenin, a rhan ar ôl Omri.

²²A’r bobl y rhai [oeddynt] ar ôl Omri a oruchfygodd y bobl y rhai [oeddynt] ar ôl Tibni 147 mab Ginah: felly Tibni a fu farw, ac Omri a deyrnasodd.

²³Yn yr vnfed flwyddyn ar hugain i Asa brenin Iuda y teyrnasodd Omri ar Israel ddeuddeng mhlynedd: yn Thirsa y teyrnasodd efe chwe blynedd.

²⁴Ac efe a brynodd fynydd Samaria gan Semer er dwy o dalentau arian: ac efe a adailadodd yn y mynydd, ac a alwodd enw yr ddinas yr hon a adailadase efe, ar ôl enw Semer arglwydd mynydd Samaria.

²⁵Ond Omri a wnaeth ddyrgioni yng-ŵydd yr Arglwydd: ac a wnaeth yn waeth na’r holl rai [a fuasent] oi flaen ef.

²⁶Ac efe a rodiodd yn holl ffordd Ieroboam mab Nabat, ac yn ei bechod ef [drwy] yr hwn y gwnaeth efe i Israel bechu: gan ddigio Arglwydd Dduw Israel drwy eu gorwagedd hwynt.

²⁷A’r rhan arall o hanes Omri yr hyn a wnaeth efe, ai gadernid yr hwn a wnaeth efe: onid ydynt hwy yn scrifennedic yn llyfr Cronicl brenhinoedd Israel.

²⁸Ac Omri a hunodd gyd ai dadau, ac a gladdwyd yn Samaria, ac Ahab ei fab ef a deyrnasodd yn i le ef.

²⁹Canys Ahab mab Omri a deyrnasodd ar Israel yn y drydedd flwyddyn ar bympthec ar hugain i Asa brenin Iuda: ac Ahab mab Omri a deyrnasodd ar Israel yn Samaria ddwy flynedd ar hugain.

³⁰Ac Ahab mab Omri a wnaeth yn waeth yng-olwg yr Arglwydd, na’r holl rai a [fuasent] oi flaen ef.

³¹Canys yscafn oedd ganddo ef rodio ym mhechodau Ieroboam mab Nabat: ac efe a gymmerth yn wraig Iesebel merch Ethbaal brenin y Sidoniaid, ac efe a aeth, ac a wasanaethodd Baal, ac a ymgrymmodd iddo ef.

³²Ac efe a gyfododd allor i Baal yn nhy Baal, yr hwn a adailadase efe yn Samaria.

³³Ac Ahab a wnaeth lwyn, ac Ahab a wnaeth fwy i ddigio Arglwydd Dduw Israel na holl frenhinoedd Israel y rhai fuasent oi flaen ef.

³⁴Yn ei ddyddiau ef Hiel y Betheleiad a adailadodd Iericho: drwy [farwolaeth] Abiram ei gyntafenedic y sylfaenodd efe hi, a thrwy [farwolaeth] Segub ei fab ieuangaf y gosododd efe ei phyrth hi, yn ôl gair yr Arglwydd yr hwn lefarase efe drwy law Iosua mab Nun.