Read William Morgan Bible 1588 original edition 1.Brenhinoedd 22 Bible Online

1.Brenhinoedd 22 - William Morgan Bible 1588 original edition bible

1.Brenhinoedd 22

¹Rhyfel Ahab yn erbyn Ramoth. 15 Michea yn prophwydoliaethu y gwîr yn erbyn y gau brophwydi. 40 Ahazia yn teyrnasu yn lle Ahab. 50 Ac Ioram yn lle Iosaphat. Wedi iddynt aros dair blynedd heb ryfel rhwng Syria ac Israel:

²Yna yn y drydedd flwyddyn, Iehosaphat brenin Iuda a ddaeth i wared at frenin Israel.

³A brenin Israel a ddywedodd wrth ei weision, oni wyddoch mai eiddo ni [oedd] Ramoth Gilead? a’n bod ni yn tewi heb ei dwyn hi o law brenin Syria?

⁴Yna efe a ddywedodd wrth Iehosaphat, a ei di gyd a mi i ryfel [yn erbyn] Ramoth Gilead? ac Iehosaphat a ddywedodd wrth frenin Israel, yr ydwyfi fel tithe, fy mhobl i fel dy bobl dithe, fy meirch i fel dy feirch dithe.

⁵Iehosaphat hefyd a ddywedodd wrth frenin Israel: ymgynghora attolwg heddyw a gair yr Arglwydd.

⁶Yna brenin Israel a gasclodd o’r prophwydi yng-hylch pedwar cant o wŷr, ac a ddywedodd wrthynt hwy, a âf fi yn erbyn Ramoth Gilead i ryfel neu a beidiafi? dywedasant hwythau dos i fynu, canys yr Arglwydd ai dyru hi yn llaw’r brenin.

⁷Ac Iehosaphat a ddywedodd, onid [oes] ymma [vn] prophwyd i’r Arglwydd mwyach? fel yr ymgynghorem ag ef?

⁸A brenin Israel a ddywedodd wrth Iehosaphat, [y mae] etto vn gwr drwy’r hwn y [gallem] ymgynghori a’r Arglwydd, eithr câs yw gennyfi ef, canys ni phrophwyda efe i mi ddaioni namyn drygioni: (Michea mab Iimla [yw ei enw)] a dywedodd Ichosphat, na ddyweded brenin felly.

⁹Yna brenin Israel a alwodd ar vn [oi] stafellyddion, ac a ddywedodd: bryssia [galw] Michea fab Iimla.

¹⁰A brenin Israel, ac Iehosaphat brenin Iuda oeddynt yn eistedd bob vn ar ei deyrn-gader wedi eu gwisco mewn [brenhinawl] wiscoedd, mewn llannerch [wrth] ddrws porth Samaria: a’r holl brophwydi oeddynt yn prophwydo ger eu bron hwynt.

¹¹A Zidecia mab Chanaana a wnaeth gyrn heirn: ac a ddywedodd, fel hyn y dywedodd yr Arglwydd, a’r rhai hyn y corni di y Syriaid nes it eu difa hwynt.

¹²A’r holl brophwydi oeddynt yn prophwydo fel hyn gan ddywedyd: dos i fynu i Ramoth Gilead, a ffynna, canys yr Arglwydd ai dyru hi yn llaw yr brenin.

¹³A’r gennad yr hwn a aethe i alw Michea a lefarodd wrtho ef gan ddywedyd: wele yn awr eiriau y prophwydi yn vn air yn dda i’r brenin: bydded attolwg dy air dithe, fel gair vn o’r rhai hynny, a dywet y goref.

¹⁴A dywedodd Michea: [fel] mai byw’r Arglwydd, [diau] mai’r hyn a ddywedodd yr Arglwydd wrthifi, hynny a lefaraf.

¹⁵Felly efe a ddaeth at y brenin, a’r brenin a ddywedodd wrtho, Michae, a awn ni i ryfel [yn erbyn] Ramoth Gilead, ai peidio? dywedodd yntef wrtho, dôs i fynu, a llwydda, canys yr Arglwydd ai dyru hi yn llaw’r brenin.

¹⁶A’r brenin a ddywedodd wrtho ef, hyd ba sawl gwaith yr ydwyfi yn dy dynghedu di, ar na ddywedech di wrthif onid gwirionedd yn enw yr Arglwydd?

¹⁷Yna efe a ddywedodd, gwelais holl Israel yn wascaredic ar hŷd y mynyddoedd, fel defaid y rhai ni [bydde] iddynt fugail: a dywedodd yr Arglwydd, nid [oes] feistred arnynt hwy, dychweled pob vn iw dŷ ei hun mewn heddwch.

¹⁸A brenin Israel a ddywedodd wrth Iehosaphat: oni ddywedais i wrthit ti na prophwyde efe ddaioni i mi, eithr drygioni?

¹⁹Ac efe a ddywedodd, clyw gan hynny air yr Arglwydd: gwelais yr Arglwydd yn eistedd ar ei orseddfa, a holl lu y nefoedd yn sefyll o bob parth iddo ef ar ei law ddehau, ac ar ei law asswy ef.

²⁰A’r Arglwydd a ddywedodd, pwy a dwylla Ahab, fel yr elo efe i fynu, ac y syrthio yn Ramoth Gilead: ac vn a ddywedodd fel hyn, ac arall oedd yn dywedyd fel hyn.

²¹Yna yspryd a ddaeth allan, ac a safodd ger bron yr Arglwydd, ac a ddywedodd, myfi ai twyllaf ef: a dywedodd yr Arglwydd wrtho ef, pa fodd?

²²Dywedodd yntef, mi a âf allan, ac a fyddaf yn yspryd celwyddoc yng-enau ti holl brophwydi ef: yna [’r Arglwydd] a ddywedodd, twylli a gorchfygi [ef,] dôs ymmaith, a gwna felly.

²³Ac yn awr wele’r Arglwydd a roddodd yspryd celwyddoc yng-enau dy holl brophwydi hynn: a’r Arglwydd a lefarodd ddrwg am danat ti.

²⁴Yna Zidecia mab Canaanah a nessaodd, ac a darawodd Michea tan [ei] gern: ac a ddywedodd, pa bryd yr aeth yspryd yr Arglwydd oddi wrthifi i ymddiddan a thi?

²⁵A Michea a ddywedodd, wele ti a gei weled yn y dwthwn hwnnw, pan elech di o stafell i stafell i ymguddio.

²⁶A brenin Israel a ddywedodd, cymmer Michea, a dŵg ef at Amon tywysog y ddinas,

²⁷A dywet, fel hyn y dywedodd y brenin, gosodwch hwn yn y charchar-dŷ: a bwydwch ef a bara cystudd, ac a dwfr blinder, nes i mi ddyfod mewn heddwch.

²⁸A dywedodd Michea, os gan ddychwelyd y dychweli di mewn heddwch, ni lefarodd yr Arglwydd ynofi: dywedodd hefyd, gwrandewch [hyn] yr holl bobl.

²⁹Felly brenin Israel, ac Iehosaphat brenin Iuda a aethant i fynu i Ramoth Gilead.

³⁰A brenin Israel a ddywedodd wrth Iehosaphat, mi a newidiaf fy nillad, ac a âf i’r rhyfel, ond gwisc di dy ddillad dy hun: a brenin Israel a newidiodd ei ddillad, ac a aeth i’r rhyfel.

³¹A brenin Syria a orchymynnodd i dywysogion y cerbydau y rhai [oeddynt] ganddo ([sef] deuddec ar hugain) gan ddywedyd, nac ymleddwch a bychan, nac’a mawr: onid a brenin Israel ei hun.

³²Pan welodd tywysogion y cerbydau Iehosaphat, yna hwy a ddywedasant, diau brenin Israel [yw] efe, a hwynt a droasant i ymladd yn ei erbyn ef: a Iehosaphat a waeddodd.

³³A phan welodd tywysogion y cerbydau nad brenin Israel oedd efe: yna hwynt a ddychwelasant oddi ar ei ôl ef.

³⁴Yna rhyw ŵr a dynnodd mewn bŵa ar ei amcan, ac a darawodd frenin Israel rhwng y cyssylltiadau, sef rhwng [cyssylltiadau] y lluric: am hynny efe a ddywedodd wrth ei wastrawd, trô dy law, a dwg fi allan o’r fyddin canys fo’m clwyfwyd i.

³⁵A’r rhyfel a gryfhaodd y dwthwn hwnnw, a’r brenin oedd wedi ei osod mewn cerbyd ar gyfer, y Syriaid: ac efe a fu farw gyd ar hwyr, a gwred yr archoll a ffrydiodd i ganol y cerbyd.

³⁶Am hynny yr aeth cyhoeddiad trwy’r gwerssyll yng-hylch machludiad yr haul gan ddywedyd: [eled] pob vn iw ddinas, a phob vn iw wlâd ei hun.

³⁷Felly y bu farw’r brenin, ac y daeth efe i Samaria: a’r [Israeliaid] a gladdasant y brenin yn Samaria.

³⁸Yna y glochwyd ei gerbyd ef yn llynu Samaria, a’r cŵn a lyfasant ei waed ef, (yr arfau hefyd a olchwyd) yn ôl gair yr Arglwydd yr hwn a lefarase efe.

³⁹A’r rhan arall o hanession Ahab, a’r hyn oll a wnaeth efe, a’r tŷ ifori’r hwn a adailadodd efe, a’r holl ddinasoedd y rhai a adailadodd efe: onid ydynt hwy yn scrifennedic yn llyfr Cronicl brenhinoedd Israel?

⁴⁰Felly Ahab a hunodd gyd ai dadau: ac Ahazia ei fab ef a deyrnasodd yn ei lê ef.

⁴¹Ac Iehosaphat mab Asa a aethe yn frenin ar Iuda yn y bedwaredd flwyddyn i Ahab brenin Israel.

⁴²Iehosaphat [oedd] fab pymthengmlwydd ar hugain pan aeth efe yn frenin, a phum mhlynedd ar hugain y teyrnasodd efe yn Ierusalem: ac enw ei fam ef [oedd] Azuba merch Silhi.

⁴³Ac efe a rodiodd yn holl ffordd Asa ei dad, ni ledpeiodd efe oddi wrthi hi, gan wneuthur yr hyn oedd inion yng-olwg yr Arglwydd.

⁴⁴Er hynny ni thynnwyd ymmaith yr vchelfeudd, y bobl oeddynt etto yn offrymmu, ac yn arogldarthu yn yr uchelfeudd.

⁴⁵Ac Iehosaphat a heddychodd a brenin Israel.

⁴⁶A’r rhan arall o hanes Iehosaphat, ai rymmysdra yr hwn a wnaeth efe, a’r môdd yr ymladodd efe: onid ydynt hwy yn scrifennedic yn llyfr Cronicl brenhinoedd Iuda?

⁴⁷A’r rhan arall o’r Sodomiaid a’r a adawyd yn nyddiau Asa ei dad ef: efe ai deleodd hwynt o’r wlâd.

⁴⁸Yna nid [oedd] brenin yn Edom: [onid] duwc oedd yn llê brenin.

⁴⁹Iehosaphat a wnaeth longau môr i fyned i Ophir am aur, ond nid aeth efe, canys y llongau a ddrylliasant yn Ezion Gaber.

⁵⁰Yna y dywedodd Ahazia mab Ahab wrth Iehosaphat, eled fyng-weision i gyd a’th weision di yn y llongau: ond ni fynne Iehosaphat.

⁵¹Ac Iehosaphat a hunodd gyd ai dadau, ac a gladdwyd gyd ai henafiaid yn ninas Dafydd ei dad: ac Ioram ei fab ef a deyrnasodd yn ei le ef.

⁵²Ahazia mab Ahab a aeth yn frenin ar Israel yn Samaria yn y ddwyfed flwyddyn ar bymthec i Iehosaphat brenin Iuda: ac efe a deyrnasodd ar Israel ddwy flynedd.

⁵³Ac efe a wnaeth yr hyn oedd ddrwg yng-olwg yr Arglwydd: ac a rodiodd yn ffordd ei dad, ac yn ffordd ei fam, ac yn ffordd Ieroboam mab Nabat, yr hwn a wnaeth i Israel bechu.

⁵⁴Canys efe a wasanaethodd Baal, ac a ymgrymmodd iddo ef: ac a ddigiodd Arglwydd Dduw Israel, yn ôl yr hyn oll a wnaethe ei dâd ef.