Read William Morgan Bible 1588 original edition 1.Brenhinoedd 6 Bible Online

1.Brenhinoedd 6 - William Morgan Bible 1588 original edition bible

1.Brenhinoedd 6

¹Adailadeth, a llûn y deml. 12. addêwid yr Arglwydd i Salomon. 14 Tegwch, a gwchder y deml. Ac yn y bedwar-vgeinfed, a phedwar cant o flynyddoedd wedi dyfod meibion Israel allan o’r Aipht, yn y bedwaredd flwyddyn o deyrnasiad Salomon ar Israel, yn y mîs Zif (hwnnw yw’r ail mîs) yr adailadodd efe dŷ i’r Arglwydd.

²A’r tŷ’r hwn a adailadodd y brenin Salomon i’r Arglwydd [oedd] dri vgain cufydd ei hŷd, ac yn vgain cufydd ei lêd, ac yn ddêc cufydd ar hygain ei vchter.

³A’r porth o flaen teml y tŷ [ydoedd] vgain cufydd ei hyd, yn vn hyd a llêd y tŷ, [ac] yn ddêc cufydd ei lêd wrth dalcen y tŷ.

⁴Ac efe a wnaeth i’r tŷ ffenestri, yn llydan oddi allan, ac yn gyfyng oddi fewn.

⁵Ac efe a adailadodd wrth bared y tŷ stafelloedd oddi amgylch pared y tŷ, yng-hylch y deml, a’r gafell: ac a wnaeth gelloedd o amgylch.

⁶Yr stafell isaf [oedd] bump cufydd ei llêdd, a’r ganol chwe chufydd ei llêd, a’r drydedd yn saith gufydd ei lled: canys efe a roddase attegion o’r tu allan i’r tŷ oddi amgylch, fel nad attegyd ym mharwydydd y tŷ.

⁷A’r tŷ pan adailadwyd ef, a adailadwyd o gerrig wedi eu cwbl naddu yn y gloddfa: felly ni chlybuwyd yn nhŷ’r Arglwydd wrth ei adailadu ef na morthwylion, na bwyîll, [nac] vn offeryn haiarn.

⁸Drws y gell ganol [oedd] ar ystlys dehau y tŷ, ac ar hŷd grisieu troedic y dringid i’r ganol, ac o’r ganol i’r drydedd.

⁹Felly yr adailadodd efe y tŷ, ac ai gorphennodd: ac a fyrddiodd y tŷ a chleder ac ag ystyllod o cedr-wŷdd.

¹⁰Ac efe a adailadodd [bob] stafell wrth yr holl dŷ yn bump cufydd ei huchter: ac mewn coed cedr yr ymgyssyllte [yr stafelloedd] a’r tŷ.

¹¹Yna y daeth gair yr Arglwydd at Salomon, gan ddywedyd:

¹²Dymma y tŷ [a fynnwn i] yr hwn yr ydwyt ti yn ei adailadu, os rhodi di yn fy neddfau i, a gwneuthur fy marnedigaethau, a chadw fy holl orchymynnion gan rodio ynddynt: yna y cyflawnaf a thi fyng-air yr hwn a leferais wrth Ddafydd dy dâd.

¹³Ac mi a bresswyliaf ym mysc meibion Israel, ac ni adawafi fy mhobl Israel.

¹⁴Felly’r adailadodd Salomon y tŷ, ac ai gorphennodd.

¹⁵Ac efe a fyrddiodd barwydydd y tŷ oddi fewn ag ystyllod cedr-wydd, o lawr y tŷ hyd y llogel y byrddiodd efe ef a choed [cedr] oddi fewn: byrddiodd hefyd lawr y tŷ a phlangciau o ffynnidwŷdd.

¹⁶Ac efe a fyrddiodd vgain cufydd o ystlyssau’r tŷ ag ystyllod cedr, o’r llawr hyd y parwydydd: felly’r adailadodd iddo o fewn y gafell yn y cyssegr sancteiddiolaf.

¹⁷A’r tŷ oedd yn ddeugain cufydd, sef y deml oddi fewn.

¹⁸A’r cedr-wŷdd yn tŷ oddi fewn [oeddynt] wedi eu cerfio yn gnappiau, ac yn flodau gwascaredic: y cwbl [oedd] cedr-wydd, ni welyd carrec.

¹⁹Y gafell a ddarparodd efe ynghanol y tŷ o fewn: i roddi yno Arch cyfammod yr Arglwydd.

²⁰Ac o fewn y gafell [yr oedd] vgain cufydd o hŷd, ac vgain cufydd o lêd, ac vgain cufydd [oedd] ei huchter: ac efe ai gwiscodd ag aur pûr, felly y gwiscodd efe’r allor o cedr-wŷdd.

²¹Salomon hefyd a wiscodd y tŷ oddi fewn ag aur pûr, ac a roddes farrau ar draws wrth gadwyni aur o flaen y gafell, ac a wiscodd hynny ag aur.

²²Ie’r holl dŷ a wiscodd efe ag aur, nes gorphen yr holl dŷ: yr allor hefyd oll yr hon [oedd] wrth y gafell a wiscodd efe ag aur.

²³Ac efe a wnaeth yn y gafell ddau o Gerubiaid, o bren oliwŷdd, [pob vn ydoedd] ddêc cufydd ei vchter.

²⁴A’r naill aden i’r Cerub [oedd] bump cufydd, a’r aden arall i’r Cerub [oedd] bump cufydd: dêc cufydd [oedd] o’r naill gwrr iw adenydd ef hyd y cwrr arall iw adenydd ef.

²⁵A’r ail Cerub oedd o ddêc cufydd: vn fesur, ac vn agwedd [oedd] i’r ddau Gerub.

²⁶Uchter y naill Gerub [oedd] o ddêc cufydd: ac felly [’r oedd] y Cerub arall.

²⁷Ac efe a roddodd y Cerubiaid yng-hanol y tŷ oddi fewn, ac adenydd y Cerubiaid a ymledasant fel y cyffyrddodd aden y naill a’r [naill] bared, ac aden y Cerub arall oedd yn cyffwrdd a’r pared arall: ai hadenydd hwy yng-hanol y tŷ oeddynt yn cyffwrdd ai gilydd.

²⁸Ac efe a wiscodd y Cerubiaid ag aur.

²⁹A holl barwydydd y tŷ o amgylch a gerfiodd efe ag agored gerfiadau Cerubiaid, a a phalm-wŷdd, a blodau gwascaroc o fewn ac oddi allan.

³⁰Llawr y tŷ hefyd a wiscodd efe ag aûr oddi fewn, ac oddi allan.

³¹Ac i ddrŵs y gafell y gwnaeth efe ddôrau o goed oliwŷdd, cappan y drws [a’r] gorsyngau [oeddynt] bummed rann y pared.

³²Ac ar y ddwy ddôr o goed oliwydd y cerfiodd efe gerfiadau Cerubiaid, a phalmwŷdd a blodau gwascaroc, ac [ai] gwiscodd ag aur: ac a yrrodd yr aur yn dene ar y Cerubiaid, ac ar y palm-wŷdd.

³³Ac felly y gwnaeth efe i ddrws y deml, orsyngau o goed oliwŷdd [y rhai oeddynt] o bedwaredd rann [y pared.]

³⁴Ac yr [oedd] dwy ddôr o goed ffynnidwŷdd, dwy ddalen blygedic [oedd] i’r naill ddôr, a dwy ddalen blygedic i’r ddôr arall.

³⁵Ac efe a gerfiodd Gerubiaid a phalmwydd, a blodau gwascaroc, ac [ai] gwiscodd ag aur, yr hwn a gymhwyswyd ar y cerfiad.

³⁶Ac efe a adailadodd y cyntedd nessaf i mewn a thair rhês o [gerric] nadd, ac a rhês o drawstiau cedr-wŷdd.

³⁷Yn y bedwaredd flwyddyn y sylfaenwyd tŷ’r Arglwydd ym mîs Zif.

³⁸Ac yn yr vnfed flwyddyn ar ddêc, ym mis Bul, dyna’r wythfed mis y gorphennwyd y tŷ, ai holl berthynasau, ac ai holl gyfreidiau: felly [mewn] saith mlynedd yr adailadodd efe ef.