Read William Morgan Bible 1588 original edition 1.Brenhinoedd 7 Bible Online

1.Brenhinoedd 7 - William Morgan Bible 1588 original edition bible

1.Brenhinoedd 7

¹Adeiladu ty Salomon. 15 a Hiram yn gwneuthur amryw ddodrefn i’r deml. Yna yr adailadodd Salomon ei dŷ ei hun [mewn] tair blynedd ar ddêc, ac a orphennodd ei holl dŷ.

²Adailadodd efe hefyd dŷ coedwic Libanus, yn gant cufydd ei hŷd, ac yn ddêc cufydd a deugain ei lêd, ac yn ddêc cufydd ar hugain ei vchter: ar bedair rhês o glofnau cedr-wŷdd, a thrawstiau cedr-wŷdd ar y colofnau.

³A byrddiad o cedr-wŷdd [oedd] oddi arnodd ar y trawstiau y rhai [oeddynt] ar y pump colofn a deugain: pymthec [yn] y rhês.

⁴Ac [yr oedd] tair rhês o ffenestri, sef ffenestr ar gyfer ffenestr dair gwaith.

⁵A’r holl ddryssau a’r gorsyngau [oeddynt] bedwar corneloc, [felly’r oedd] y ffenestri: ffenestr ar gyfer ffenestr dair gwaith.

⁶Hefyd efe a wnaeth borth o golofnau yn ddêc cufydd a deugain ei hŷd, ac yn ddêc cufydd ar hugain ei lêd: a’r porth [oedd] oi blaen hwynt, sef ar y colofnau, a swmmerau [oedd] oi blaen hwythau.

⁷Porth yr orseddfa hefyd yr hwn y barne efe ynddo, a wnaeth efe yn borth barn: ac efe a wiscwyd a cedr-wŷdd o sylfaen hyd sylfaen.

⁸Ac [iw] dŷ ei hun yr hwn y trige efe ynddo, yr oedd cyntedd arall o fewn y porth fel y gwaith hyn: gwnaeth efe hefyd dŷ i ferch Pharao’r hon a briodase Salomon, fel y porth hwn.

⁹Hyn oll [oeddynt] o feini gwerthfawr wedi eu naddu wrth fesur, [ai] lladd a llif o fewn, ac allan: a [hynny] o’r sylfaen hyd y llogel: ac oddi allan hyd y cyntedd mawr.

¹⁰Ac efe a sylfaenesid a meini gwerthfawr, a meini mawr, a meini o ddêc cufydd, ac a meini o wyth gufydd.

¹¹Ac oddi arnodd [yr oedd] meini gwerthfawr, wedi eu naddu wrth fesur, a cedr-wŷdd.

¹²Ac [i’r] cyntedd mawr [yr oedd] o amgylch dair rhês o gerric nadd, a rhês o drawstiau cedr-wŷdd: fel [yr oedd] i gyntedd tŷ’r Arglwydd oddi fewn, ac i borth y tŷ.

¹³A’r brenin Salomon a anfonodd, ac a gymmerodd Hiram o Dyrus.

¹⁴Mab gwraig weddw [oedd] hwn o lwyth Nephthali, ai dâd yn ŵr ô Dyrus) gôf prês [ydoedd efe:] a llawn ydoedd efe o ddoethineb a ddeall, a gwybodaeth i weithio pob gwaeth o brês, ac efe a ddaeth at y brenin Salomon, ac a weithiodd ei holl waith ef.

¹⁵Ac efe a luniodd ddwy golofn brês, deu-naw cufydd [oedd] vchter vn golofn, a llinin o ddeuddec cufydd [ai] hamgylche [felly yr oedd] yr ail golofn.

¹⁶Ac efe a wnaeth ddau gnapp o brês tawdd, iw rhoddi ar bennau y colofnau: pump cufydd [oedd] vchter y naill gnapp, a phump cufydd vchter y cnapp arall.

¹⁷Efe a wnaeth rwyd-waith, yn blethiadau o waith cadwynau ar y cnappiau y rhai [oeddynt] ar ben y colofnau: saith ar y naill gnapp, a saith ar gnapp arall.

¹⁸Felly y gwnaeth efe y colofnau, a dwy rês o bomgranadau o amgylch ar y naill rwyd waith i guddio y cnappiau y rhai [oeddynt] vwch benn: ac felly y gwnaeth efe i’r cnapp arall.

¹⁹A’r cnappiau y rhai [oeddynt] ar benn y colofnau [oeddynt] o waith lili yn y porth yn bedwar cufydd.

²⁰Ac ar y cnappiau ar y ddwy golofu oddi arnodd ar gyfer y canol [yr oedd pomgranadau] y rhai [oeddynt] tros yr rhwyd-waith: felly y pomgranadau [oeddynt] ddau cant yn rhesau o amgylch ar yr ail cnapp.

²¹Ac efe a gyfododd y colofnau ym mhorth y deml, pan gyfododdefe y golofn ddehau, yna y galwodd efe ei henw hi Iachin, ac efe a gyfododd y golofn asswy, ac a alwodd ei henw hi Boaz.

²²Ac ar benn y colofnau yr [oedd] gwaith lili: felly y gorphennwyd gwaith y colofnau.

²³Ac efe a wnaeth gerwyn dawdd yn ddec cufydd oi hymyl bwy gilydd, [ac] yn gron oddi amgylch: ac yn bump cufydd ei huchter, a llinin o ddêc cufydd a’r hugain ai humgylche hi oddi amgylch.

²⁴A chnappiau ai hamgylchent hi tann ei hympl o amgylch, dêc mewn cufydd oeddynt yn amgylchu y gerwyn o amgylch: y cnappiau [oeddynt] yn ddwy rês wedi eu bwrw pan fwrriwyd hithe.

²⁵Sefyll yr oedd hi ar ddeuddec o ychen, tri oeddynt yn edrych tua yr gogledd, a thri yn edrych tua yr gorllewyn: tri hefyd yn edrych tua yr dehau, a thri yn edrych tua yr dwyrain, a’r gerwyn arnynt oddi arnodd, ai pennau ôl hwynt oll o fewn.

²⁶Ei thewder hi hefyd [oedd] ddyrnfedd, ai hymyl fel gwaith ymyl cwppan: [fel] blodeun lili, dwy fil o Bathau a anne ynddi.

²⁷Hefyd efe a wnaeth ddêc o ystolion pres, pedwar cufydd [oedd] hŷd pobl ystôl, a phedwar cufydd eu llêd, a thri chufydd eu huchter.

²⁸Ac dymma waith yr ystolion, ystlysau [oedd] iddynt, a’r ystlysau [oeddynt] rhwng delltennau.

²⁹Ac ar yr ystlysau y rhai [oeddynt] rhwng y delltennau [yr oedd] llewod, [ac] ychen, a Cherubiaid: ac ar y dellt [yr oedd] ystol oddi arnodd, ac oddi tann y llewod a’r ŷchen [yr oedd] cyssylltiadau o waith teneu.

³⁰A phedair olwyn brês [oedd] i bôb ystôl, a phlangciau prês: ac yn eu pedair congl [yr oedd] derbynniadau iddynt hwy: tann y noe [yr oedd] derbyniadau wedi eu toddi ar gyfer pôb cyssylltiad.

³¹Ai genau [oedd] oddi fewn y cwmpas, ac oddi arnodd wrth [fesur] cufydd, canys ei genau hi oedd grwnn ar waith yr ystôl yn gufydd a hanner: ac ar ei hymyl hi [yr oedd] cerfiadau, ai hystlysau hwynt [oeddynt] yn bedwar ochroc, [ac] nid yn grynnion.

³²A’r pedair olwyn [oedd] tann yr ystlysau, ac echelau yr olwynion trwy yr ystôl: ac vchter pôb olwyn yn gufydd, a hanner cufydd.

³³Gwaith yr olwynion hefyd [oedd] fel gwaith olwynion menn, ei hechelau, ai bothau, ai cammegau, ai hadenyd [oeddynt] oll yn dawdd.

³⁴Ac [yr oedd] pedwar derbynniad ar bedair congl pôb ystôl, o’r ystôl [yr oedd] ei derbyniadau hi.

³⁵Ac ar benn yr ystôl [yr oedd] cwmpas o amgylch o hanner cufydd o vchter, ar benn yr ystôl hefyd [yr oedd] ei hymylau, ai hystlysau, o honi ei hun.

³⁶Ac efe a gerfiodd ar ystyllod ei hymylau hi, ac ar ei hystlysau hi Gerubiaid, llewod, a phalm-wŷdd wrth ystlys eu gilydd, a’r cyssylltiadau iddi o amgylch.

³⁷Fel hyn y gwnaeth efe y dêc ystôl, vn doddiad, vn fesur, ac vn agwedd [oedd] iddynt hwy oll.

³⁸Gwnaeth hefyd ddeng noe brês, deugain Bath a ddalie pôb noe, yn bedwar cufydd bôb noe, [a] phôb noe ar vn ystôl, o’r dec ystôl.

³⁹Ac efe a roddes bump ystôl ar ystlys dehau y tŷ, a phump ar yr ystlys asswy i’r tŷ: a’r gerwyn a roddes efe tu y dehau i’r tŷ tua yr dwyrain, ar gyfer y dehau.

⁴⁰Gwnaeth Hiram hefyd noeau, a rhawiau a chawgiau, a Hiram a orphennodd wneuthur yr holl waith, yr hwn a wnaeth efe i’r brenin Salomon [yn] nhŷ yr Arglwydd.

⁴¹Y ddwy golofn, a’r cnappiau coronoc y rhai oeddynt ar benn y ddwy golofn, a dwy bleth i guddio y ddau gnapp goronoc y rhai [oeddynt] ar y colofnau.

⁴²A phedwar cant o bomgranadau yn y ddwy bleth: dwy rês o bomgranadau [oedd] ar hyd pôb pleth, i guddio y ddau gnapp goronoc y rhai [oeddynt] ar benn y colofnau.

⁴³A’r dêc ystôl, a’r dêc noe ar yr ystôlion.

⁴⁴Ac vn gerwyn, a deuddec o ŷchen tann y gerwyn.

⁴⁵A’r crochanau, a’r rhawiau a’r cawgiau, a’r holl lestri y rhai a wnaeth Hiram i’r brenin Salomon [yn] nhŷ yr Arglwydd [oeddynt] o brês glorw.

⁴⁶Yng-wastadedd Iorddonen y toddodd y brenin hwynt mewn clei-dir, rhwng Succoth, a Zarthan.

⁴⁷A Salomon a beidiodd [a phwyso] yr holl lestri rhac mor ddirfawr aml [oeddynt:] anfeidrol oedd pwys y prês.

⁴⁸A Salomon a wnaeth yr holl ddodrefn y rhai [a berthynent i] dŷ yr Arglwydd: sef yr allor aur, a’r bwrdd aur, yr hwn [yr oedd] y bar a gosod arno.

⁴⁹A phump canhwyll-bren o’r tu dehau, a phump o’r tu asswy o flaen y gafell yn aur pur, a’r blodau, a’r lusernau, a’r gefeiliau o aur.

⁵⁰Y phiolau hefyd, a’r psaltringau, a’r cawgiau, a’r llwyau, a’r thusserau o aur coeth, a bachau dôrau y tŷ o fewn y cyssegr sancteiddiaf, a dorau tŷ y deml [oeddynt] aur.

⁵¹Felly y gorphennwyd yr holl waith yr hwn a wnaeth y brenin Salomon i dŷ yr Arglwydd, a Salomon a ddûg yr hyn a gyssegrase Dafydd ei dâd? yr arian, a’r aur, a’r dodrefn a roddodd efe ym mhlith tryssorau tŷ yr Arglwydd.