Read William Morgan Bible 1588 original edition 1.Brenhinoedd 9 Bible Online

1.Brenhinoedd 9 - William Morgan Bible 1588 original edition bible

1.Brenhinoedd 9

¹Ymddangosiad yr Arglwydd i Salomon yr ail waith. 11 Anfodlonrwydd Hiram i’r dinasoedd y rhai a roddodd Salomon iddo ef. 14 Yr ardreth yr oedd Salomon yn ei gael. 25 A’r modd yr oedd efe yn cyrchu aur o bell. Pan orphennodd Salomon adailadu tŷ yr Arglwydd, a thŷ yr brenin: a chwbl o ddymuniad Salomon, yr hyn a ewyllysiodd efe ei wneuthur:

²Yna yr Arglwydd a ymddangosodd i Salomon yr ail-waith: fel yr ymddangosase iddo ef yn Gibeon.

³A’r Arglwydd a ddywedodd wrtho ef, gwrandewais dy weddi di, a’th ddeisyfiad ti yr hwn a ddeisyfiaist, ger fy mron i, cyssegrais y tŷ ymma yr hwn a adailedaist i osod fy enw ynddo byth: fy llygaid hefyd, a’m calon fyddant yno yr holl ddyddiau.

⁴Ac os rhodî di ger fy mron i megis y rhodiodd Dafydd dy dad ti, mewn perffeithrwydd calon, ac iniondeb, gan wneuthur yn ôl yr hyn oll a orchymynnais i ti: [a] chadw o honot fy neddfau, a’m barnedigaethau maufi,

⁵Yna mi a siccrhâf orsedd-faingc dy frenhiniaeth ar Israel yn dragywydd, fel y lleferais wrth Ddafydd dy dâd, gan ddywedyd, ni thorrir ymmaith oddi wrthit ti ŵr oddi ar orseddfaingc Israel.

⁶Os gan ddychwelyd y dychwelwch chwi a’ch meibion oddi ar fy ôl i, ac heb iwch gadw fyng-orchymynnion [a’m] deddfau, y rhai a roddais o’ch blaen chwi: eithr myned o honoch, a gwasanaethu duwiau dieithr, ac ymgrymmu iddynt hwy,

⁷Yna y torraf Israel oddi ar ŵyneb y ddaiar yr hon a roddais iddynt hwy, a’r tŷ yr hwn a gyssegrais i’m enw a fwriaf o’m gŵydd: ac Israel fydd yn ddammeg, ac yn ddihareb ym mysc yr holl bobloedd.

⁸A’r tŷ vchel hwn fydd [yn siampl,] pawb a gynniwero heibio iddo ef, a fynna, ac a chwibiana: dywedant hefyd, pa ham y gwnaeth yr Arglwydd fel hyn i’r wlâd hon, ac i’r tŷ ymma?

⁹Ac hwy a ddywedant, am iddynt wrthod yr Arglwydd eu Duw yr hwn a ddûg eu tadau hwynt allan o dir yr Aipht, ac iddynt ymaflyd mewn duwiau dieithr, ac ymgrymmu iddynt, ai gwasanaethu hwynt: am hynny y dûg yr Arglwydd arnynt hwy yr holl ddrwg hyn.

¹⁰Ac ym mhen yr vgain mhlyned [yn] y rhai yr adailadodd Salomon y ddau dy: sef tŷ yr Arglwydd, a thŷ yr brenin,

¹¹(am] i Hiram brenin Tyrus ddwyn i Salomon goed cedr, a choed ffynnidwydd, ac aur yn ôl ei holl ewyllys ef) yna yr brenin Salomon a roddes i Hiram vgain nhinas yngwlâd Galile.

¹²A Hiram a aeth o Dyrus i edrych y dinasoedd y rhai a roddase Salomon iddo ef, ac nid oeddynt wrth ei fodd ef.

¹³Ac efe a ddywedodd, pa ddinasoedd [yw] y rhai hyn, y rhai a roddaist i mi fy mrawd? ac efe ai galwodd hwynt gwlâd Cabul hyd y dydd hwn.

¹⁴A Hiram a anfonase i’r brenin chwech vgain talent o aur.

¹⁵Ac dymma swmm y drêth yr hon a gododd y brenin Salomon i adailadu tŷ yr Arglwydd, ai dŷ ei hun, a Milo, a mur Ierusalem: Hazor hefyd, a Megido, a Gezer.

¹⁶Pharao brenin yr Aipht a ddaeth i fynu, ac a ennillood Gezer, ac ai lloscodd hi a thân, ac a laddodd y Canaaneaid y rhai oeddynt yn trigo yn y ddinas: ac ai rhoddodd hi yn anrheg iw ferch gwraig Salomon.

¹⁷Am hynny Salomon a adailadodd Gezer, a Beth-horon issaf,

¹⁸Baalath hefyd, a Thamor yn yr anialwch [ac] yn y wlâd.

¹⁹A holl ddinasoedd y tryssorau y rhai oeddynt gan Salomon, sef dinasoedd y cerbydau, a dinasoedd y gwyrmeirch: a’r hyn [oedd] ewyllys gan Salomon a fynnodd efe adailadu yn Ierusalem, ac yn Libanus, ac yn holl dîr ei arglwyddiaeth ef.

²⁰Yr holl bobl y rhai a adawyd o’r Amoriaid, Hethiaid, Periziaid, Hefiaid, a’r Iebusiaid y rhai nid oeddynt o feibion Israel:

²¹[Sef] eu meibion hwy y rhai a drigasant ar eu hôl hwynt yn y wlâd, y rhai ni allodd meibion Israel eu lladd: hwynt a wnaeth Salomon yn drethawl hyd y dydd hwn.

²²Ond o feibion Israel ni roddodd Salomon [vn] yn [gaeth] wâs: canys hwynt [oeddynt] ryfel-wŷr, a gweision iddo ef, a thywysogion iddo ef, a chapteniaid iddo ef, a thywysogion ei gerbydau ef, ai wŷr meirch ef.

²³Y rhai hyn [oeddynt] dywysogion y swyddogion y rhai [oeddynt] ar waith Salomon: [sef] pump cant, a dêc a deugain oeddynt yn llywodraethu’r bobl y rhai oeddynt yn gweithio yn y gwaith.

²⁴A merch Pharao a ddaeth i fynu o ddinas Dafydd iw thŷ ei hun yr hwn a adailadase [Salomon] iddi hi: yna efe a adailadodd Milo.

²⁵A thair gwaith yn y flwyddyn yr offrymmodd Salomon boeth offrymmau, ac offrymmau hedd ar yr allor yr hon a adailadase efe i’r Arglwydd, ac a arogl-darthodd arni hi, yr hon [oedd] ger bron yr Arglwydd, pan orphennodd efe y tŷ.

²⁶A’r brenin Salomon a wnaeth longau yn Asion Gaber yr hon [sydd] wrth Eloth ar fîn y môr côch yng-wlâd Edom.

²⁷A Hiram a anfonodd ei weision yn y llongau [y rhai oeddynt] long-wŷr yn medru [oddi wrth] y môr, gyd a gweision Salomon.

²⁸Ar hwy a ddaethant i Ophir, a dugasant oddi yno bedwar cant ac vgain o dalentau aur: ac ai cywainasant at y brenin Salomon.