Read William Morgan Bible 1588 original edition 2.Brenhinoedd 12 Bible Online

2.Brenhinoedd 12 - William Morgan Bible 1588 original edition bible

2.Brenhinoedd 12

¹Duwioldeb Ioas, ai ofal i gyweirio y deml, cyn marw Iehoiada. 17 Iehu wedi hynny yn ei fllino ef, ac yntef yn prynu ei heddwch a golud y cyssegr. 20 Ac wedi i ddau oi weision ladd Ioas, Amasia yn teyrnasu yn ei lê ef. Yn y seithfed flwyddyn i Iehu, y dechreuodd Ioas deyrnasu, a deugain mhlynedd y teyrnasodd efe yn Ierusalem: ac enw ei fam ef [oedd] Zibia o Beer-seba.

²Ac Ioas a wnaeth yr hyn oedd inion yngolwg yr Arglwydd ei holl ddyddiau ef: [yn] y rhai y dyscodd Iehoiadah yr offeiriad ef.

³Er hynny ni thynnasid ymmaith yr vchelfeudd: y bobl oeddynt etto yn offrymmu, ac yn arogl-darthu yn yr vchelfeudd.

⁴Ac Ioas a ddywedodd wrth yr offeiriaid: holl arian y pethau cyssegr-edic y rhai a ddygir i mewn i dŷ’r Arglwydd, arian y gŵr a gynniwero, arian gwerth eneidiau pob vn: a’r holl arian a’r a chwennycho neb eu dwyn i mewn i dŷ’r Arglwydd,

⁵Cymmered yr offeiriaid [hynny] iddynt, pawb gan ei gydnabod: ac adnewyddant adwyau y tŷ, pa le bynnac y ceffir adwy ynddo.

⁶Ac yn y drydedd flwyddyn ar hugain i’r brenin Ioas, nid adgyweriase yr offeiriaid agennau y tŷ.

⁷Yna y brenin Ioas a alwodd am Iehoiadah yr offeiriad, a’r offeiriaid [eraill,] ac a ddywedodd wrthynt hwy: pa ham nad ydych chwi yn cyweirio agennau y tŷ? yn awr gan hynny na dderbynniwch arian gan eich cydnabod, onis rhoddwch at [gyweirio] adwyau y tŷ.

⁸A’r offeiriaid a gyd synniasant ar na dderbynnid arian gan y bobl, heb adnewyddu rwygiadau y tŷ.

⁹Yna Iehoiadah yr offeiriad a gymmerth ryw gist, ac a dyllodd dwll yn ei chaead: ac ai rhoddodd hi o’r tu dehau i’r allor ffordd y dele pawb i mewn i dŷ’r Arglwydd, a’r offeiriaid y rhai oeddynt yn cadw y trothwy a roddasant yno’r holl arian a’r a ddygwyd i mewn i dŷ’r Arglwydd.

¹⁰A phan welsant hwy fod llawer o arian yn y gîst: yna y daeth scrifennudd y brenin, a’r arch-offeiriad i fynu, a hwy a rwymasant yr arian pan gyfrifasant yr hyn a gawsid yn nhŷ’r Arglwydd,

¹¹A hwynt a roddasant yr arian yn barod tann ddwylo gweith-wŷr y gwaith, [ac] i oruchwil-wŷr tŷ’r Arglwydd: ac ai talasant i’r seiri pren, ac i’r adailadwyr y rhai oeddynt yn gweithio tŷ’r Arglwydd.

¹²Ac i’r pridd-wŷr, i’r seiri meini hefyd, ac i brynu coed, a cherrig nadd i adnewyddu adwyau tŷ’r Arglwydd: a thu ag at yr hyn oll a’r a aethe allan i adgyweirio y tŷ.

¹³Etto ni wnaed yn nhŷ’r Arglwydd gwpanau arian, saltringau, cawgiau, vdcyrn, [na] dim llestri aur, na llestri arian, o’r arian a ddygasid i mewn i dŷ’r Arglwydd.

¹⁴Eithr hwy ai rhoddasant i weith-wŷr y gwaith: fel yr adnewyddyd tŷ’r Arglwydd a hwynt.

¹⁵Ac ni cheisiasant gyfrif gan y dynion y rhai y rhoddasent hwy’r arian dann eu dwylo iw rhoddi i weith-wŷr y gwaith: canys yr oeddynt hwy yn gwneuthur yn ffyddlon.

¹⁶Arian [dros] gamwedd, ac arian [dros] bechodau ni dducpwyd i mewn i dŷ’r Arglwydd: [canys] eiddo’r offeiriaid oeddynt hwy.

¹⁷Yna Hazael brenin Syria a ddaeth i fynu, ac a ymladdodd yn erbyn Gath, ac ai hennillodd hi: a Hazael a osododd ei wyneb i fyned i fynu yn erbyn Ierusalem.

¹⁸Ac Ioas brenin Iuda a gymmerth yr holl bethau cyssegredic, y rhai a gyssegrase Iehosaphat, ac Ioram, ac Azahia ei henafiaid ef brenhinoedd Iuda, ai gyssegredic bethau ef ei hun, a’r holl aur a’r a gafwyd yn nhryssorau tŷ’r Arglwydd, a thŷ’r brenin: ac efe ai hanfonodd at Hazael brenin Syria, ac efe a ymadawodd oddi wrth Ierusalem.

¹⁹A’r rhan arall o hanes Ioas, a’r hyn oll a’r a wnaeth efe: onid ydynt hwy yn scrifennedic yn llyfr Cronicl brenhinoedd Iuda?

²⁰Ai weision ef a gyfodasant, ac a gydfwriadasant fradwriaeth: ac a darawsant Ioas [yn] nhŷ Milo, wrth ddyfod i wared i Sila.

²¹Felly Iozacar mab Simeath, ac Iozabad mab Somer ei weision ef, ai tarawsant ef, fel y bu efe farw, a hwy ai claddasant ef gyd ai dadau yn ninas Dafydd: ac Amasia ei fab ef a deyrnasodd yn ei lê ef.