Read William Morgan Bible 1588 original edition 2.Brenhinoedd 14 Bible Online

2.Brenhinoedd 14 - William Morgan Bible 1588 original edition bible

2.Brenhinoedd 14

¹Amasia yn dial ei dâd 7 ac yn lladd llawer o’r Edomiaid 15 Ieroboam yn teyrnasu yn llê Ioas. 29 a Zacharia yn ei le yntef. Yn yr ail flwyddyn i Ioas fab Ioachaz brenin Israel, y teyrnasodd Amasia mab Ioas brenin Iuda.

²Mab pum-mlwydd ar hugain oedd efe pan aeth efe yn frenin, a naw mlynedd ar hugain y teyrnasodd efe yn Ierusalem: ac enw ei fam ef [oedd] Ioadan o Ierusalem.

³Ac efe a wnaeth yr hyn oedd inion yngolwg yr Arglwydd, etto nid fel Dafydd ei dâd: [ond] efe a wnaeth yn ôl yr hyn oll a’r a wnaethe Ioas ei dad ef.

⁴Er hynny ni thynnwyd ymmaith yr vchelfeudd: [canys] y bobl oeddynt etto yn aberthu, ac yn arogl-darthu mewn vchelfeudd.

⁵A phan siccrhauwyd ei deyrnas yn ei law ef: yna efe a laddodd ei weision y rhai a laddasent y brenin ei dâd ef.

⁶Ond ni laddodd efe feibion y rhai a darawsent [ei dâd ef] fel y mae yn scrifennedic yn llyfr cyfraith Moses, [yn] yr hon y gorchymynnase’r Arglwydd gan ddywedyd, na lladder y tadau dros y meibion, ac na lladder y meibion dros y tadau, onid lladder pob vn am ei bechod ei hun.

⁷Efe a darawodd o’r Edomiaid (yn nyffryn yr halen) ddeng-mil, ac a ennillodd [y castell ar] y graig mewn rhyfel: ac a alwodd ei henw ef Ioctheel hyd y dydd hwn.

⁸Yna Amasia a anfonodd gennadau at Ioas fab Ioachaz, fab Iehu brenin Israel gan ddywedyd: tyret, ymwelwn ai gilydd.

⁹Ac Ioas brenin Israel a anfonodd at Amasia brenin Iuda gan ddywedyd, yr yscellyn yr hwn [sydd] yn Libanus a anfonodd at y cedrwydden yr hon [sydd] yn Libanus gan ddywedyd, dyro dy ferch i’m mab i yn wraig: a bwystfil y maes yr hwn [oedd] yn Libanus a drammwyodd, ac a sathrodd yr yscellyn.

¹⁰Gan daro y tarewaist yr Edomiaid, am hynny dy galon a’th falchiodd, ymffrostia, ac eistedd yn dy dŷ, canys i ba beth yr ymrysoni mewn drygioni, fel y fyrthit ti hefyd, ac Iuda gyd a thi?

¹¹Ond ni wrandawodd Amasia, am hynny Ioas brenin Israel a aeth i fynu, a hwy a welsant wynêbau eu gilydd, efe ac Amasia brenin Iuda yn Bethsemes yr hon [sydd] yn Iuda.

¹²Ac Iuda a laddwyd o flaen Israel: fel y ffôdd pawb iw pabellau.

¹³Ond Ioas brenin Israel a ddaliodd Amasia fab Ioas, fab Ahazia, brenin Iuda yn Bethsemes: ac efe a ddaeth i Ierusalem, ac a rwygodd o fûr Ierusalem o dorth Ephraim, hyd borth y gongl bedwar cant cufydd.

¹⁴Ac efe a gymmerth yr holl aur, a’r arian, a’r holl lestri a’r a gafwyd yn nhŷ’r Arglwydd, ac yn nhryssorau tŷ’r brenin, a’r meibion y rhai oeddynt yn wystlon: ac a ddychwelodd i Samaria.

¹⁵A’r rhan arall o hanes Ioas y rhai a wnaeth efe, ai gadernid ef, ac fel yr ymladdodd efe ag Amasia brenin Iuda: onid ydynt hwy yn scrifennedic yn llyfr Cronicl brenhinoedd Israel?

¹⁶Ac Ioas a hunodd gyd ai dadau, ac a gladdwyd yn Samaria gyd a brenhinoedd Israel: ac Ieroboam ei fab a deyrnasodd yn ei lê ef.

¹⁷Ac Amasia mab Ioas brenin Iuda a fu fyw ar ôl marwolaeth Ioas fab Ioachaz brenin Israel bymtheng-mhlynedd.

¹⁸A’r rhann arall o hanes Amasia: onid ydynt hwy yn scrifennedic mewn llyfr Cronicl brenhinoedd Iuda?

¹⁹Ond hwy a frâd-fwriadasant yn ei erbyn ef yn Ierusalem, ac efe a ffôdd i Lachis: etto hwynt a anfonasant ar ei ôl ef i Lachis, ac ai lladdasant ef yno.

²⁰A hwynt ai dugasant ef ar feirch: ac efe a gladdwyd yn Ierusalem gyd ai dadau yn ninas Dafydd.

²¹Yna holl bobl Iuda a gymmerasant Azariah, ac yntef yn fab vn mlwydd ar bymthec: ac ai hurddasant ef yn frenin yn llê Amasia ei dad.

²²Efe a adailadodd Elath, ac ai rhoddodd hi trachefn i Iuda, ar ôl huno o’r brenin gyd ai dadau.

²³O’r bymthecfed flwyddyn i Amasia fab Ioas brenin Iuda, y teyrnasodd Ieroboam mab Ioas brenin Israel yn Samaria vn mlynedd a deugain.

²⁴Ac efe a wnaeth yr hyn oedd ddrwg yng-olwg yr Arglwydd: ni chilioddd efe oddi wrth holl bechodau Ieroboam mab Nabat [drwy] y rhai y gwnaethe efe i Israel bechu.

²⁵Efe a ddug adref derfyn Israel o ddyfodfa Hemath, hyd fôr y rhôs: yn ôl gair Arglwydd Dduw Israel, yr hwn a lefarase efe drwy law ei wâs Ionas mab Amittai y prophwyd, yr hwn [oedd] o Gath Hepher.

²⁶Canys yr Arglwydd a welse gystudd Israel yn flîn iawn: nad [oedd neb] gwarchaedic, na neb wedi ei adel, ac nad [oedd] gynnorthwyudd i Israel.

²⁷Etto ni lefarase yr Arglwydd am ddeleu enw Israel oddi tann y nefoedd: am hynny efe ai gwaredodd hwynt drwy law Ieroboam mab Ioas.

²⁸A’r rhan arall o hanes Ieroboam, a’r hyn oll a’r a wnaethe efe, ai gadernid ef [drwy] yr hwn yr ymladdodd efe, a [thrwy] yr hwn y dug efe adref Ddamascus, a Hemath i Iuda yn Israel: onid ydynt hwy yn scrifennedic yn llyfr Cronicl brenhinoodd Israel?

²⁹Ac Ieroboam a hunodd gyd ai dadau, [sef] gyd a brenhinoedd Israel: a Zacharia ei fab ef a deyrnasodd yn ei lê ef.