Read William Morgan Bible 1588 original edition 2.Brenhinoedd 23 Bible Online

2.Brenhinoedd 23 - William Morgan Bible 1588 original edition bible

2.Brenhinoedd 23

¹Ioas yn darllen y gyfraith i’r bobl. 3 Yn gwneuthur cyfammod a Duw. 4 Yn difetha yr eulyn-dduwiau ai hoffeiriaid. 22 Yn cadw Pasc godidog, ac yn difetha y consurwyr. 29 Wedi lladd Iosia y teyrnasodd Ioachas ei fab ef. 33 Yr hwn a garcharodd Pharao Necho ac a wnaeth Ioachim ei frawd ef yn frenin. Yna y brenin a anfonodd: a holl henuriaid Iuda, ac Ierusalem a ymgynnullasant atto ef.

²A’r brenin a aeth i fynu i dŷ’r Arglwydd, a holl wŷr Iuda, a holl drigolion Ierusalem gyd ag ef, yr offeiriaid hefyd a’r prophwydi, a’r holl bobl o fychan hyd fawr: ac efe a ddarllenodd lle y clywsant hwy holl eiriau llyfr y cyfammod, yr hwn a gawsid yn nhŷ’r Arglwydd.

³A’r brenin a safodd wrth y golofn, ac a wnaeth gyfammod ger bron yr Arglwydd ar fyned ar ôl yr Arglwydd, ac ar gadw ei orchymynnion ef, ei destiolaethau, ai ddeddfau, ai holl galon, ac ai holl enaid, gan gwplau geiriau y cyfammod hwn, y rhai oeddynt scrifennedic yn y llyfr hwnnw: a’r holl bobl a safodd wrth y cyfammod.

⁴Yna y brenin a orchymynnodd i Helecia yr arch-offeiriad, ac i’r offeiriaid o’r ail [radd,] ac i geidwaid y cyntedd ddwyn o deml yr Arglwydd yr holl lestri y rhai a wnelsid i Baal, ac i’r llwyn, ac i holl lu y nefoedd: ac ai lloscodd hwynt o’r tu allan i Ierusalem ym meusydd Cedron, ac a ddug eu llŵch hwynt i Bethel.

⁵Ac efe a ddiswyddodd offeriaio [Baal] y rhai a osodase brenhinoedd Iuda i arogldarthu yn yr dchelfcudd, [ac] yn ninasoedd Iuda, ac yn amgylchion Ierusalem: a’r rhai oeddynt yn arogl-darthu i Baal, i’r haul, ac i’r lleuad, ac i’r planedau, ac i holl lû y nefoedd.

⁶Efe a ddûg allan hefyd y llwyn o dŷ’r Arglwydd i’r tu allan i Ierusalem hyd afon Cedron, ac ai lloscodd ef wrth afon Cedron, ac ai malodd yn llwch: ac a daflodd ei lwch ar feddau meibion y bobl.

⁷Ac efe a ddestruwiodd dai y Sodomiaid y rhai [oeddynt] wrth dŷ’r Arglwydd: lle yr oedd y gwragedd yn gweu cortynau i’r llwyn.

⁸Ac efe a ddûg yr holl offeiriaid o ddinasoedd Iuda, ac a halogodd yr vchelfeudd y rhai yr oedd yr offeiriaid yn arogldarthu arnynt o Geba hyd Beer-seba: destruwiodd hefyd vchelfeudd y pyrth y rhai [oeddynt wrth] ddrws porth Iosuah tywysog y ddinas, yr hwn [oedd] ar y llaw asswy i bawb [a’r a ddele] i borth y ddinas.

⁹Etto offeiriaid yr vchelfeudd ni ddaethant i fynu ac allor yr Arglwydd i Ierusalem: ond hwy a fwytawsant fara croiw ym mysc eu brodyr.

¹⁰Efe hefyd a ddifwynodd Topheth yr hon [oedd] yn nyffryn meibion Hinnom: fel na yrre neb ei fab, nai ferch drwy dân i Moloch.

¹¹Ac efe a ddifethodd y meirch y rhai a roddase brenhinoedd Iuda i’r haul, o ddyfodfa tŷ yr Arglwydd i stafell Nathan-melech yr stafelludd yr hwn [oedd swyddog] ar y pentrefydd: ac efe a loscodd gerbydau’r haul yn tân.

¹²Yr allorau hefyd y rhai [oeddynt] ar nenn stafell Ahas, y rhai a wnelse brenhinoedd Iuda, a’r allorau y rhai a wnelse Manasses yn nau gyntedd tŷ’r Arglwydd a ddestruwiodd y brenin: ac a redodd oddi yno, ac a daflodd eu llŵch hwynt i afon Cedron.

¹³Y brenin hefyd a ddifwynodd yr vchelfeudd y rhai [oeddynt] ar gyfer Ierusalem, y rhai [oeddynt] o’r tu dehau i fynydd y llwgredigaeth, y rhai a adailadase Salomon brenin Israel i Asteroth gaudduw y Sidoniaid, ac i Chamos gaudduw y Moabiaid, ac i Milchom gaudduw meibion Ammon.

¹⁴Ac efe a ddrylliodd y delwau, ac a dorrodd y llwynau: ac a lawnodd eu lle hwynt ag escyrn dynion.

¹⁵Yr allor hefyd yr hon [oedd] yn Bethel [a’r] vchelfa’r hon a wnaethe Ieroboam mab Nabat [drwy]’r hon y gwnaethe efe’r Israel bechu, îe’r allor, honno a’r vchelfa a ddestruwiodd efe: ac efe a loscodd yr vchelfa, [ac ai] malodd yn llŵch, ac a loscodd y llwyn.

¹⁶Ac Iosia a edrychodd, ac a ganfu feddau y rhai [oeddynt] yno yn y mynydd, anfonodd hefyd, a chymmerth yr escyrn o’r beddau, ac ai lloscodd ar yr allor, ac ai halgodd hi: yn ôl gair yr Arglwydd yr hwn a gyhoeddase gŵr Duw, yr hwn a bregethase y geiriau hynny.

¹⁷Yna efe a ddywedodd, pa lun [yw] hwn yr hwn yr ydwyfi yn ei weled? a gwŷr y ddinas a ddywedasant wrtho ef, bedd gŵr Duw’r hwn a ddaeth o Iuda, ac a brophwydodd y pethau hyn y rhai a wnaethost ti i allor Bethel.

¹⁸Ac efe a ddywedodd, gedwch ef yn llonydd, nac ymyrred neb ai escyrn ef: felly’r achubasant ei escyrn ef gyd ag escyrn y prophwyd yr hwn a ddaethe o Samaria.

¹⁹Iosia hefyd a dynnodd ymmaith holl dai’r vchelfeudd y rhai [oeddynt] yn ninasoedd Samaria, y rhai a wnelse brenhinoedd Israel i ddigio [’r Arglwydd:] ac efe a wnaeth iddynt yn ôl yr holl weithredoedd y rhai a wnelse efe yn Bethel.

²⁰Ac efe a laddodd holl offeiriaid yr vchelfeudd y rhai [oeddynt] yno, ar yr allorau, ac a loscodd escyrn dynion arnynt hwy: ac a ddychwelodd i Ierusalem.

²¹Yna’r brenin a orchymynnodd i’r holl bobl gan ddywedyd, gwnewch Basc i’r Arglwydd eich Duw, fel y mae yn scrifennedic yn llyfr y cyfammod hwn.

²²Canys ni wnaed y fath Basc a hwn, er dyddiau y barn-wŷr y rhai a farnasant Israel: nac [yn] holl ddyddiau brenhinoedd Israel, na brenhinoedd Iuda.

²³Ac yn y ddeu-nawfed flwyddyn i frenin Iosia y cynhaliwyd y Pasc hwn i’r Arglwydd yn Ierusalem.

²⁴Y swynyddion hefyd, a’r dewiniaid, a’r delwau, a’r eulynnod, a’r holl ffieidd-dra y rhai a welwyd yng-wlâd Iuda, ac yn Ierusalem, a dynnodd Iosia ymmaith: fel y cyflawne efe eiriau y gyfraith, y rhai oeddynt yn scrifennedic yn y llyfr yr hwn a gafodd Helcia’r offeiriad yn nhŷ’r Arglwydd.

²⁵Ac ni bu oi flaen ef frenin oi fath ef, yr hwn a drôdd at yr Arglwydd ai holl galon, ac ai holl enaid, ac ar holl egni, yn ôl cwbl o gyfraith Moses: ac ar ei ôl ef ni chyfododd ei fâth ef.

²⁶Er hynny ni thrôdd yr Arglwydd oddi wrth lid ei ddigofaint mawr ef [drwy]’r hwn y llidiodd ei ddigllonedd ef yn erbyn Iuda: o herwydd yr holl ddigter [drwy] yr hwn y digiase Manasses ef.

²⁷Am hynny y dywedodd yr Arglwydd, Iuda hefyd a fwrriaf ymmaith o’m gŵydd, fel y bwrriais ymmaith y ddinas hon Ierusalem, yr hon a ddetholais, a’r tŷ [am] yr hwn y dywedais, fy enw a fydd yno.

²⁸A’r rhan arall o hanes Iosia, a’r hyn oll a’r a wnaeth efe: onid ydynt hwy yn scrifennedic yn llyfr Cronicl brenhinnoedd Iuda?

²⁹Yn ei ddyddiau ef y daeth Pharao Necho brenin yr Aipht i fynu yn erbyn brenin Assyria hyd afon Euphrates: a’r brenin Iosia a aeth iw gyfarfod ef, a [Pharao] ai lladdodd ef ym Megido, pan ei gwelodd ef.

³⁰Ai weision ai cludasant ef mewn cerbyd yn farw o Megido, ac ai dugasant ef i Ierusalem, ac ai claddasant ef yn ei feddrod ei hun: a phobl y wlâd a gymmerasant Ioachaz ei fab ef, ac ai heneiniasant ef, ac ai hurddasant ef yn frenin yn lle ei dad.

³¹Mab tair blwydd ar hugain [oedd] Ioachaz pan aeth efe yn frenin, a thri mîs y teyrnasodd efe yn Ierusalem: ac enw ei fam ef [oedd] Hamutal merch Ieremia o Libna.

³²Ac efe a wnaeth yr hyn oedd ddrwg yng-olwg yr Arglwydd: yn ôl yr hyn oll a’r a wnaethe ei dadau ef.

³³A Pharao Necho ai rhwymodd ef yn Riblah yng-wlad Hemath, pan oedd efe yn teyrnasu yn Ierusalem: ac a osododd dreth ar y wlâd [sef] cant talent o arian, a thalent o aur.

³⁴A Pharao Necho a osododd Eliacim fab Iosia yn frenin yn lle Iosia ei dâd, ac a drôdd ei henw ef Ioachim: ac efe a ddûg ymmaith Ioachaz, ac a ddaeth i’r Aipht, ac yno y bu efe farw.

³⁵Ac Ioachim a roddodd i Pharao yr arian, a’r aur, ond efe a drethodd y wlâd i roddi arian wrth orchymyn Pharao: efe a drethodd [ar] bob vn o bobl y wlâd yn ôl ei allu, arian, ac aur iw rhoddi i Pharao Necho.

³⁶Mab pum mlwydd ar hugain [oedd] Ioachim pan ddechreuodd efe deyrnasu, ac vn mlynedd ar ddec y teyrnasodd efe yn Ierusalem: ac enw ei fam ef [oedd] Zebuda merch Pedaia o Ruma.

³⁷Ac efe a wnaeth yr hyn oedd ddrwg yng-olwg yr Arglwybd: yn ôl yr hyn oll a wnelse ei dadau ef.