Read William Morgan Bible 1588 original edition 2.Brenhinoedd 24 Bible Online

2.Brenhinoedd 24 - William Morgan Bible 1588 original edition bible

2.Brenhinoedd 24

¹Nabuchodonosor yn gorchfygu Ioachim, ac am ei anufydd-dod yn ei ddifetha ef. 6 Ac Ioachim ei fab yntef yn teyrnasu yn ei le ef hyd oni chaethgludodd Nabuchodonosor ef ai bobl i Babilon, 17 a gwneuthur ei ewythr ef Sedecia yn frenin yn ei le ef. Yn ei ddyddiau ef y daeth Nabuchodonosor brenin Babilon i fynu: ac Ioachim fu yn wâs iddo ef dair blynedd, yna efe a ddychwelodd, ac a wrthryfelodd yn ei erbyn ef.

²A’r Arglwydd a anfonodd yn ei erbyn ef dorfoedd o’r Caldeaid, a thorfoedd o’r Syriaid, a thorfoedd o’r Moabiaid, a thorfoedd o feibion Ammon, ac ai hanfonodd hwynt yn erbyn Iuda iw dinistrio hi: yn ôl gair yr Arglwydd yr hwn a lefarase efe drwy law ei weision y prophwydi.

³Yn vnic, drwy orchymyn yr Arglwydd y bu [hyn] yn erbyn Iuda iw bwrw ymmaith oi ŵydd ef: o achos pechodau Manasses, yn ôl yr hyn oll a wnaethe efe.

⁴Canys efe hefyd a dynnodd waed gwirion fel y llawnodd efe Ierusalem o waed gwirion am hynny ni fynne’r Arglwydd fadde [hynny.]

⁵A’r rhan arall o hanes Ioachim, a’r hyn oll a’r a wnaeth efe: onid ydynt hwy yn scrifennedic yn llyfr Cronicl brenhinoedd Iuda?

⁶Ac Ioachim a hunodd gyd ai dadau: Ioachim ei fab ef a deyrnasodd yn ei lê ef.

⁷Ac ni chwanegodd brenin yr Aipht fyned mwyach oi wlad: canys brenin Babilon a ddugase yr hyn oll a oedd eiddo brenin yr Aipht o afon yr Aipht hyd afon Euphrates.

⁸Mab deu naw-mlwydd [oedd] Ioachim pan aeth efe yn frenin, a thri mis y teyrnasodd efe yn Ierusalem: ac enw ei fam ef [oedd] Nehusta merch Elnathan o Ierusalem.

⁹Ac efe a wnaeth yr hyn oedd ddrwg yng-olwg yr Arglwydd: yn ôl yr hyn oll a wnaethe ei dâd ef.

¹⁰Yn yr amser hwnnw y daeth gweision Nabuchodonosor brenin Babilon i fynu yn erbyn Ierusalem: a gwarchauwyd ar y ddinas.

¹¹A Nabuchodonosor brenin Babilon a ddaeth yn erbyn y ddinas: ai weision ef a warchauasant arni hi.

¹²Yna Ioachim brenin Iuda a aeth allan at frenin Babilon, efe, ai fam, ai weision, ai dywysogion, ai stafellyddion: a brenin Babilon, ai daliodd ef yn yr wythfed flwyddyn oi deyrnasiad ef.

¹³Ac efe a ddûg oddi yno holl dryssorau ty’r Arglwydd, a thryssorau tŷ y brenin: ac a dorrodd yr holl lestri aur y rhai a wnelse Salomon brenin Israel yn nheml yr Arglwydd, fel y llefarase’r Arglwydd.

¹⁴Ac efe a drosgludodd holl Ierusalem, yr holl dywysogion hefyd, a’r holl gedyrn nerthol [sef] deng-mil o gaethion, a phob saer prenn, a gôf: ni adawyd ond pobl dlodion y wlad [yno.]

¹⁵Efe hefyd a drosgludodd Ioachim i Babilon: a mam y brenin, a gwragedd y brenin, ai stafellyddion ef, a chedyrn y wlâd a ddûg efe mewn caethiwed o Ierusalem i Babilon.

¹⁶A’r holl wŷr nerthol, [sef] saith mil, ac o seiri, a gofaint mil, y rhai hyn oll yn rhyfel-wŷr cedyrn: a brenin Babilon ai dûg hwynt yn gaeth i Babilon.

¹⁷A brenin Babilon a osododd Mathania ei ewythr ef frawd ei dad yn frenin yn ei lê ef: ac a drôdd ei henu ef yn Sedecia.

¹⁸Mab vn mlwydd ar hugain [oedd] Sedecia pan ddechreuodd efe deyrnasu, ac vn mlynedd ar ddêc y teyrnasodd efe yn Ierusalem: ac enw ei fam ef [oedd] Hamittal merch Ieremia o Libna.

¹⁹Ac efe a wnaeth yr hyn oedd ddrwg yng-olwg yr Arglwydd: yn ôl yr hyn oll a wnaethe Ioachim.

²⁰Am hynny yn ddiau y bu digofaint yr Arglwydd yn erbyn Ierusalem, ac yn erbyn Iuda, nes iddo ef eu taflu hwynt oi ŵydd, ac y gwrthryfelodd Sedecia yn erbyn brenin Babilon.