Read William Morgan Bible 1588 original edition 2.Brenhinoedd 25 Bible Online

2.Brenhinoedd 25 - William Morgan Bible 1588 original edition bible

2.Brenhinoedd 25

¹Nabuchodonosor yn gwarchau ar Ierusalem 6 yn dala Sedecia, yn lladd ei blant, ac yn tynnu ei lygaid ef. o yn difetha y deml, a’r gaer, a’r tai teccaf. 11 yn dwyn i Babilon ran o’r bobl a golud y deml. 25 lladdiad Gedalia 27 ail goruwchafiaeth Ioachim. Ac yn y nawfed flwyddyn oi deyrnasiad ef, yn y decfed mîs, ar y decfed [dydd] o’r mîs y daeth Nabuchodonosor brenin Babilon efe ai holl lû yn erbyn Ierusalem, ac a werssyllodd yn ei herbyn hi: a hwy a adailadasant yn ei herbyn hi wrthglawdd oi hamgylch hi.

²Felly y daeth y ddinas yng-warche hyd yr vnfed flwyddyn ar ddêc i’r brenin Sedecia.

³Ac yn y nawfed [dydd o’r pedwerydd] mîs y gorchfygodd newyn y ddinas, fel nad oedd bara i bobl y wlâd.

⁴Yna y ddinas a dorrwyd, a’r holl ryfelwyr [a ffoasant] liw nôs [ar hyd] ffordd y porth, rhwng y ddau fûr y rhai [ydynt] wrth ardd y brenin, a’r Caldeaid [oeddynt] wrth y ddinas o amgylch: [a’r brenin] a aeth tu a’r rhôs.

⁵A llu y Caldeaid a erlidiasant ar ôl y brenin, ac ai daliasant ef yn rhosydd Iericho: ai holl lu ef a wascarasid oddi wrtho ef.

⁶Yna y daliasant hwy y brenin, ac y dugasant ef i fynu at frenin Babilon i Riblah: ac a draethasant farn yn ei erbyn ef.

⁷Laddasant feibion Sedecia hefyd yn ei olwg ef: a thynnasant lygaid Sedecia, ac ai rhwymasant ef mewn gefynnau, ac ai dugasant ef i Babilon.

⁸Ac yn y pummed mîs, ar y seithfed [dydd] o’r mîs, honno [oedd] y bedwared flwyddyn ar bymthec i frenin Nabuchodonosor brenin Babilon: y daeth Nabuzaradan y distain gwâs brenin Babilon i Ierusalem.

⁹Ac efe a loscodd dŷ’r Arglwydd, a thŷ’r brenin: a holl dai Ierusalem, a phob tŷ mawr a loscodd efe a thân.

¹⁰A holl lu y Caldeaid y rhai [oeddynt gyd] a’r distain a ddinistriasant furoedd Ierusalem oddi amgylch.

¹¹A Nabuzaradan y distain a gaeth-gludodd weddill y rhan arall o’r bobl y rhai oeddynt yn aros yn y ddinas, a’r enciliaid y rhai a giliasent at frenin Babilon gyd a gweddill y dyrfa.

¹²Ac o dlodion y wlâd y gadawodd y distain [rai] yn winllan-wŷr, ac yn ardd-wŷr.

¹³Y colofnau prês hefyd y rhai [oeddynt] yn nhŷ’r Arglwydd, a’r trestêlau, a’r gerwyn brês yr hon [oedd] yn nhŷr Arglwydd a ddrylliodd y Caldeaid: a hwy a ddugasant eu prês hwynt i Babilon.

¹⁴Y crochanau hefyd, a’r rhawiau, ar saltringau, y llwyau, a’r holl lestri prês (y rhai’r oeddid yn gwasanaethu ynddynt) a ddugasant hwy ymmaith.

¹⁵Y pedill tân hefyd, a’r cawgiau y rhai [oeddynt] aur, a’r rhai [oeddynt] arian, a ddûg y distain ymmaith.

¹⁶Y ddau golofn, yr vn gerwyn, a’r trestêlau y rhai a wnelse Salomon i dŷ’r Arglwydd: nid oedd bwys ar brês yr holl lestri hynny.

¹⁷Tri chufydd ar bymthec [oedd] vchter y naill golofn, a chnap prês [oedd] arni hi, ac vchter y cnap [oedd] dri chufydd, pleth hefyd, a phomgranadau [oeddynt] ar y cnap o amgylch yn brês ei gyd: ac felly [’r oedd] yr ail golfn, a’r bleth.

¹⁸A’r distain a gymmerth Seraiah yr offeiriad pennaf, a Sephaniah yr ail offeiriad, a’r tri y rhai oeddynt yn cadw y drws.

¹⁹Ac o’r ddinas efe a gymmerth vn stafelludd yr hwn oedd swyddog ar y rhyfel-wŷr, a phum-ŵr o’r rhai oeddynt yn gweled wyneb y brenin, y rhai a gafwyd yn y ddinas, ac scrifennudd tywysog y llu, yr hwn oedd yn byddino pobl y tir: a thrugain-ŵr o bobl y tir y rhai a gafwyd yn y ddinas.

²⁰A Nabuzaradan y distain ai cymmerth hwynt, ac ai dûg hwynt at frenin Babilon i Riblah.

²¹A brenin Babilon ai tarawodd hwynt, ac ai lladdodd hwynt yn Riblah yng-wlâd Hemath: felly y caeth gludwyd Iuda oi wlâd ei hun.

²²Ac [am] y bobl y rhai a adawsid yng-wlâd Iuda [sef] y rhai a adawse Nabuchodonosor brenin Babilon: efe a wnaeth yn swyddog arnynt hwynt Gedaliah fab Ahicam fab Saphan.

²³Pan glybu holl dywysogion y lluoedd, hwyntwy ai gwŷr wneuthur o frenin Babilon Gedaliah yn swyddog, yna hwy a ddaethant at Gedaliah i Mispah: sef Ismael mab Nethaniah, ac Iohanan mab Cerah, a Seraiah mab Tanhumeth y Netophathiad, ac Iazoniah mab Maacathi, hwynt ai gwŷr.

²⁴A Gedaliah a dyngodd wrthynt hwy, ac wrth eu gwŷr hwynt, ac a ddywedodd wrthynt hwy, nac ofnwch rhac [bod] yn weision i’r Caldeaid: arhoswch yn y tîr, a gwasanaethwch frenin Babilon, felly y bydd daioni i chwi.

²⁵Ac yn y seithfed mîs y daeth Ismael mab Nethaniah fab Elisama o’r brenhinawl hâd, a deng-wr gyd ag ef, ac a darawsant Gedaliah fel y bu efe farw: [tarawsant] hefyd yr Iddewon a’r Caldeaid y rhai oeddynt gyd ag ef ym Mispah.

²⁶Yna’r holl bobl a gyfodasant o fychan hyd fawr, a thywysogion y lluoedd, ac a aethant i’r Aipht: canys ofnasant rhac y Caldeaid.

²⁷Yn yr ail flwyddyn ar bymthec, ar hugain o gaethiwed Ioachim brenin Iuda, yn y deuddecfed mîs, ar y seithfed [dydd] ar hugain o’r mîs: Efil-merodach brenin Babilon (yn y flwyddyn yr aeth efe yn frenin a dderchafodd ben Ioachim brenin Iuda o’r carchar-dŷ,

²⁸Ac efe a ddywedodd yn dêg wrtho ef: ac a osododd ei gadair ef goruwch cadeiriau y brenhinoedd y rhai [oeddynt] gyd ag ef yn Babilon.

²⁹Ac efe a newidiodd ei garchar-wisc ef: ac efe a fwytâdd fwyd yn oestadol ger ei fron ef holl ddyddiau ei enioes.

³⁰Ai lynniaeth ef [oedd] lynniaeth beunyddol, rhoddid iddo ef oddi wrth y brenin ddogn dydd yn ei ddydd, holl ddyddiau ei enioes ef.