Read William Morgan Bible 1588 original edition 2.Brenhinoedd 9 Bible Online

2.Brenhinoedd 9 - William Morgan Bible 1588 original edition bible

2.Brenhinoedd 9

¹Iehu yn difetha Ioram. 27 ac Ahazia 33 ac Iezabel. Yna Eliseus y prophwyd a alwodd ar vn o feibion y prophwydi: ac a ddywedodd wrtho ef, gwregyssa dy lwynau, a chymmer y phioled olew hon yn dy law, a dos i Ramoth Gilead.

²Pan ddelech yno, a gweled o honot yno Iehu mab Iehosaphat mab Nimsi, yna tyret, a phâr iddo godi o fysc ei frodyr, a dŵg ef i stafell ddirgel.

³Yna cymmer y phioled olew, a thywallt am ei ben ef, a dywet, fel hyn y dywedodd yr Arglwydd, mi a’th enieniais di yn frenin ar Israel: yna agor y drŵs, a ffô ymmaith, ac nac aros.

⁴Felly y llangc [sef] gwâs y prophwyd a aeth i Ramoth Gilead.

⁵Pan ddaeth efe i mewn, yna wele tywysogion y llu oeddynt yn eistedd, ac efe a ddywedodd: gair [sydd] gennif attat ti ô dywysog: a dywedodd Iehu, at ba vn o honom ni oll? dywedodd yntef, attat ti ô dywysog.

⁶Ac efe a gyfododd, ac a aeth i mewn i’r tŷ, ac yntef a dywalltodd yr olew ar ei ben ef, ac a ddywedodd wrtho ef: fel hyn y dywedodd Arglwydd Dduw Israel, myfi a’th eneiniais di yn frenin ar bobl yr Arglwydd, [sef] ar Israel.

⁷A thi a darewi dŷ Ahab dy arglwydd: fel y dialwyfi waed fyng-weision y prophwydi, a gwaed holl weision yr Arglwydd oddi a’r law Iezabel.

⁸Canys holl dŷ Ahab a ddifethir, a mi a dorraf ymmaith oddi wrth Ahab yr hwn a bisso ar bared, y gwarchaedig hefyd, a’r hwn a adawyd yn Israel.

⁹- A mi a roddaf dŷ Ahab fel tŷ Ieroboam mab Nabat: ac fel tŷ Baasa mab Ahia.

¹⁰A’r cŵn a fwyttânt Iezabel yn rhandir Iezrahel, ac ni [bydd] ai claddo [hi:] yna efe a agorodd y drŵs, ac a ffôdd.

¹¹Ac Iehu a aeth allan at weision ei arglwydd, a dywedwyd wrtho ef, a yw pob peth yn dda? pa ham y daeth yr ynfyd hwn attat ti? dywedodd yntef wrthynt, chwi a adwaenoch y gŵr, ai ymadroddion.

¹²Dywedasant hwythau, celwydd [yw hynny,] mynega yn awr i ni: dywedodd yntef, fel hyn, ac fel hyn y llefarodd wrthif gan ddywedyd, fel hyn y dywedodd yr Arglwydd, mi a’th eneiniais di yn frenin ar Israel.

¹³Yna hwynt a fryssiasant, ac a gymmerasant bob vn ei wisc, ac ai gosodasant tano ef ar goppa y grissiau: ac a ganâsant mewn vdcorn, ac a ddywedasant, teyrnased Iehu.

¹⁴Ac Iehu mab Iehosaphat, mab Nimsi a gydfwriadodd yn erbyn Ioram: ac Ioram oedd yn cadw Ramoth Gilead, efe a holl Israel rhac ofn Hazael brenin Syria.

¹⁵Ac Ioram y brenin a ddychwelodd i ymiachau i Iezrahel o’r archollau [a] yr rhai yr archollase y Syriaid ef wrth ymladd o honaw yn erbyn Hazael brenin Syria: a dywedodd Iehu, os mynnwch chwi nac eled [vn] yn ddiangol o’r ddinas i fyned i fynegu i Iezrahel.

¹⁶Yna Iehu a farchogodd, ac a aeth i Iezrahel, canys Ioram oedd yn gorwedd yno: ac Ahazia brenin Iuda a ddaethe i wared i edrych Ioram.

¹⁷A’r gwiliwr oedd yn sefyll ar y tŵr yn Iezrael, ac a ganfu fintai Iehu pan oedd efe yn dyfod, ac efe a ddywedodd, yr ydwyf yn gweled torf: ac Ioram a ddywedodd, cymmer ŵr march ac anfon iw cyfarfod hwynt, a dyweded, ai heddwch [yw?]

¹⁸A’r gŵr march a aeth iw gyfarfod ef, ac a ddywedodd, fel hyn y dywedodd y brenin, ai heddwch [sydd?] a dywedodd Iehu, beth [sydd] i ti [a ofynnech] am heddwch? tro yn fy ôl i: a’r gwili-wr a fynegodd gan ddywedyd, y gennad a ddaeth hyd attynt hwy, ond nid yw efe yn dychwelyd.

¹⁹Yna efe a anfonodd yr ail gŵr march, ac efe a ddaeth attynt hwy, ac a ddywedodd, fel hyn y dywedod y brenin, [ai] heddwch [sydd? a dywedodd Iehu, beth [sydd] i ti [a ofynnech] am heddwch? tro yn fy ôl i.

²⁰A’r gwili-wr a fynegodd gan ddywedyd, efe a ddaeth hyd attynt hwy, ond nid yw efe yn dychwelyd: ar gyrriad [sydd] fel gyrriad Iehu mab Nimsi, canys y mae efe yn gyrru yn ynfyd.

²¹Yna Ioram a ddywedodd, rhwym [y cerbyd,] yntef a rwymodd ei gerbyd ef: ac Ioram brenin Israel a aeth allan, ac Ahazia brenin Iuda, pob vn iw gerbyd, felly’r aethant i gyfarfod Iehu, a chyfarfuant ag ef yn rhan-dir Naboth yr Iezraheliad.

²²A phan welodd Ioram Iehu, yna efe a ddywedodd, a [oes] heddwch Iehu? dywedodd yntef, pa heddwch? tra [fyddo] putteindra Iezabel dy fam di, ai rhaib mor aml?

²³Am hynny Ioram a drodd ei ddwylaw, ac a ffôdd: ac a ddywedodd wrth Ahazia, [y mae] bradwriaeth ô Ahaziah.

²⁴Yna Iehu a gymmerth fŵa yn ei law, ac a darawodd Ioram rhwng ei yscwyddau, fel yr aeth y saeth drwy ei galon ef: felly efe a syrthiodd yn ei gerbyd.

²⁵Ac [Iehu] a ddywedodd wrth Bidcar ei dywysog, cymmer, bwrw ef i randir maes Naboth yr Iezraheliad: canys cofia ein bod ni mi a thi yn marchogeth yng-hyd ein dau ar ôl Ahab ei dad ef, a chodi o’r Arglwydd arno ef y baich hwn.

²⁶[Nid geir-wir fi] medd yr Arglwydd onid celanedd Naboth, a chelanedd ei feibion ef a welais i neithwyr, am hynny mi a dalaf i ti yn y rhandir hon medd yr Arglwydd: gan hynny cymmer, [a] bwrw ef yn awr yn y rhandir hon yn ôl gair yr Arglwydd.

²⁷Pan welodd Ahazia brenin Iuda [hynny] yna efe a ffôdd tua thŷ’r ardd: ac Iehu a a ymlidiodd ar ei ôl ef, ac a ddywedodd, tarewch hwn hefyd yn [ei] gerbyd, [felly hwynt ai tarawsant ef] yn rhiw Gwrr, yr hon [sydd] wrth Ibleam, ac efe a ffôdd i Megido, ac a fu farw yno.

²⁸Ai weision ai dugasant ef mewn cerbyd i Ierusalem: ac ai claddasant ef yn ei feddrod gyd ai dadau, yn ninas Dafydd.

²⁹Ac yn yr vnfed flwyddyn ar ddêc i Ioram fab Ahab yr aethe Ahazia yn frenin ar Iuda.

³⁰Pan ddaeth Iehu i Iezrahel: yna Iezabel a glybu [hynny,] ac a golurodd ei hwyneb, ac a wiscodd yn wych am ei phenn, ac a edrychodd drwy’r ffenestr.

³¹Pan ddaeth Iehu i’r porth, yna hi a ddywedodd: a [fu] heddwch i Zimri yr hwn a laddodd ei feistr?

³²Ac efe a dderchafodd ei wyneb at y ffenestr, ac a ddywedodd, pwy [sydd] gyd a mi, pwy? yna dau, [neu] dri o’r stafellyddion a edrychasant arno ef.

³³Yntef a ddywedodd tafl hi i lawr, a hwynt ai taflasant hi i lawr: ac efe a daenellodd oi gwaed hi ar y pared, ac ar y meirch, ac ai mathrodd hi.

³⁴Yna efe a ddaeth i mewn, ac a fwyttaodd, ac a yfodd, dywedodd hefyd, edrychwch am y [wraig] felldigedic honno, a chleddwch hi, canys merch brenin [ydyw] hi.

³⁵Pan aethant hwy iw chladdu hi: yna ni chawsant o honi onid y benglog, a’r traed, a chledrau y dwylo.

³⁶Am hynny hwynt a ddychwelasant, ac a fynegasant [hyn] iddo ef: dywedodd yntef, dyna air yr Arglwydd yr hwn a lefarodd efe drwy law ei wasanaethwr Elias y Thesbiad gan ddywedyd: yn rhan-dir Iezrahel y bwytu y cŵn gnawd Iezabel.

³⁷A chelain Iezabel a fydd fel tommen ar wyneb y maes, yn rhan-dir Iezrahel: fel na ellir dywedyd, dymma Iezabel.