Read William Morgan Bible 1588 original edition 1.Cronicl 13 Bible Online

1.Cronicl 13 - William Morgan Bible 1588 original edition bible

1.Cronicl 13

¹Dygiaid yr Arch o Ciriath-learim i Ierusalem. 9 Uzza yn marw o herwydd cyffwrdd a’r Arch. Yna’r ymgynghorodd Dafydd a chapteniaid y miloedd, a’r cantoedd, ac a’r holl dywysogion.

²A Dafydd a ddywedodd wrth holl gynnulleidfa Israel, os da gennwch chwi, a [bod hynn] o’r Arglwydd ein Duw, ni a rannwn, [ac] a ddanfonwn at ein brodyr, y rhai a weddillwyd drwy holl diroedd Israel, a chyd a hwynt [at] yr offeiriaid, a’r Lefiaid o fewn dinasoedd eu meusydd pentrefol hwynt, iw cynnûll hwynt attom ni.

³Ac ni a ddygwn trachefn Arch ein Duw attom ni, canys nid ymofynnasom a hi yn nyddiau Saul.

⁴A’r holl dyrfa a ddywedasant am wneuthur felly: canys iawn [oedd] y peth yng-olwg yr holl bobl.

⁵Felly y casclodd Dafydd holl Israel, o Sihor yr Aipht hyd y ffordd y delir i Hemath: i ddwyn Arch Duw o Ciriath-Iearim.

⁶Yna’r aeth Dafydd, a holl Israel i Bahalath, o fewn Ciriath-Iearim yr hon [sydd] yn Iuda i ddwyn oddi yno Arch yr Arglwydd Dduw, yr hwn sydd yn presswylio rhwng y Cerubiaid lle y gelwir ar ei enw ef.

⁷A hwy a osodasant Arch Dduw ar fenn newydd o dŷ Abinadab, ac Uzza, ac Ahio oeddynt yn gyrru y fenn.

⁸Yna Dafydd a holl Israel a ymlawenychasant o flaen [Arch] Dduw, ai holl nerth, ac a chaniadau, ac a thelynau, ac a nablau, ac a thympanau, ac a symbalau, ac ag vdcyrn.

⁹A phan ddaethant hwy hyd lawr dyrnu Cidon, yna Uzza a estynnodd ei law i ddala yr Arch canys yr ŷchen a ledpeiasent.

¹⁰Ac enynnodd llid yr Arglwydd yn erbyn Uzza, ac ai lladdodd ef: o blegit iddo estyn ei law ar yr Arch, ac yno y bu efe farw ger bron Duw.

¹¹A bu ddrwg gan Ddafydd am i’r Arglwydd rwygo rhwygiad yn Uzza, ac efe a alwodd y lle hwnnw Perets Uzza hyd y dydd hwn.

¹²A Dafydd a ofnodd Dduw y dydd hwnnw gan ddywedyd: pa fodd y dygaf Arch Dduw i mewn attafi?

¹³Ac ni ddûg Dafydd yr Arch atto ef ei hun i ddinas Dafydd, ond efe ai cludodd hi i dŷ Obed Edom y Gethiad.

¹⁴Ac Arch Dduw a arhosodd gyd a theulu Obed Edom, yn ei dŷ ef dri mîs: a’r Arglwydd a fendithiodd dŷ Obed Edom, a’r hyn oll [ydoedd] eiddo ef.