Read William Morgan Bible 1588 original edition 1.Cronicl 16 Bible Online

1.Cronicl 16 - William Morgan Bible 1588 original edition bible

1.Cronicl 16

¹1 Gosodiad yr Arch yn y babell. 4 Dafydd yn gosod Asaph, ac eraill i weini yn y babell. 7 Dafydd yn gwneuthur Psalm i Dduw. 57 Adroddiad swydd y Lefiaid. Felly dugasant hwy Arch Dduw i mewn, ac ai gosodasant hi yng-hanol y babell, yr hon a ystynnase Dafydd iddi hi: a hwy a offrymmasant offrymmau poeth, ac ebyrth hedd ger bron Duw.

²Pan ddiweddodd Dafydd aberthu offrymmau poeth, ac ebyrth hedd: yna y bendithiodd efe y bobl yn enw yr Arglwydd.

³Ac efe a rannodd i bôb vn [o] Israel, yn wr, ac yn wraig dorth o fara, a golwyth, a chostreled [o wîn.]

⁴Ac efe a osododd ger bron Arch ’r Arglwydd wenidogion o’r Lefiaid i goffau, ac i foliannu, ac i ogoneddu Arglwydd Dduw Israel.

⁵Asaph [oedd] bennaf, ac yn ail iddo ef Zacharia, Ieiel, a Semiramoth, ac Iehiel, a Mathathia, ac Eliab, a Benaia, ac Obed Edom, ac Ieiel ag offer, nablau, a thelynau, ac Asaph oedd yn lleisio a Symbalau.

⁶Benaia hefyd, ac Iahaziel yr offeiriaid [oeddynt] ag vdcyrn yn wastadol o flaen Arch cyfammod Duw.

⁷Yna yn y dydd hwnnw y rhoddes Dafydd [y psalm hon] yn gyntaf i foliannu yr Arglwydd drwy law Asaph ai frodyr.

⁸Moliennwch yr Arglwydd, gelwch ar ei enw ef, hyspyswch ei weithredoedd ef i’r bobloedd.

⁹Cenwch iddo, clodforwch ef, ymadroddwch am ei holl ryfeddodau.

¹⁰Ymlawenychwch yn ei enw sanctaidd ef: ymhyfryded calon y sawl a geisiant ’r Arglwydd

¹¹Ymofynnwch [am] yr Arglwydd, ai nerth ef: ceisiwch ei wyneb ef yn wastadol.

¹²Cofiwch ei wrthiau ef, y rhai a wnaeth efe, ei ryfeddodau, a barnedigaethau ei enau ef.

¹³Hâd Israel ei wâs ef: meibion Iacob ei etholedigion ef:

¹⁴Efe yw’r Arglwydd ein Duw ni, ei farnedigaethau ef [ydynt[ dros yr holl ddaiar.

¹⁵Cofiwch yn dragywydd ei gyfammod ef, [sef] y gair a orchymynnodd efe i fil o oesoedd

¹⁶Yr hwn a gyfammododd efe ag Abraham, ai lŵ ef i Isaac.

¹⁷Ac a osododd efe yn ddeddf i Iacob, [ac] yn gyfammod tragywyddol i Israel.

¹⁸Gan ddywedyd, i ti y rhoddaf dîr Canaan, rhandir eich etifeddiaeth.

¹⁹Pan oeddych yn bobl anaml, ac yn ddieithriaid yno.

²⁰A phan rodient hwy o genhedlaeth i genhedlaeth, ac o frenhiniaeth at bobl eraill.

²¹Ni adawodd efe i neb eu gorthrymmu hwy: onid efe a geryddodd frenhinoedd oi plegit hwy [gan ddywedyd,]

²²Na chyffyrddwch am eneiniog, ac na ddrygwch fy mhrophwydi.

²³Cenwch i’r Arglwydd yr holl ddaiar mynegwch o ddydd i ddydd ei iechydwriaeth ef.

²⁴Adroddwch ei ogoniant ef ym mhlith y cenhedloedd, ai wrthiau hefyd ym-mhlith yr holl bobloedd.

²⁵Canys mawr [yw]’r Arglwydd, a clodforusaf: ofnadwy hefyd yw efe vwch yr holl dduwiau.

²⁶O herwydd holl dduwiau y bobloedd [ydynt] eulynnod, onid yr Arglwydd a wnaeth y nefoedd.

²⁷Gogoniant a phrydferthwch [sydd] ger ei fron ef, nerth a gorfoledd yn ei fangre ef.

²⁸Moeswch i’r Arglwydd chwi deuluoedd y bobloedd, moeswch i’r Arglwydd ogoniant, a nerth.

²⁹Moeswch i’r Arglwydd ogoniant ei enw ef: dygwch ebyrth, a deuwch ger ei fron ef: ymgrymmwch i’r Arglwydd ym mhrydferthwch sanctaiddrwydd.

³⁰Dychrynwch rhagddo ef yr holl ddaiar, îe y byd a siccrhauir, fel na syflo.

³¹Ymlawenyched y nefoedd, ac ymhyfryded y ddaiar, a dywedant ym mhlith y cenhedloedd, yr Arglwydd sydd yn teyrnasu.

³²Rhued y môr ai lawndra, llawenhaed y maes a’r hyn oll [y sydd] ynddo.

³³Yna prennau y goedwig a ganant o flaen’r Arglwydd, pan ddelo efe i farnu y ddaiar.

³⁴Moliannwch yr Arglwydd canys da yw efe: o herwydd ei drugaredd [sydd] yn dragywydd.

³⁵A dywedwch, achub ni ô Dduw ein iechywriaeth, cascl ni hefyd, a gwaret ni oddi wrth y cenhedloedd, i foliannu dy enw sanctaidd di, gan ymogoneddu yn dy foliant di.

³⁶Bendigedic [yw] Arglwydd Dduw Israel o Dragywyddoldeb, hyd dragywyddoldeb: a dyweded yr holl bobl Amen: gan foliannu yr Arglwydd.

³⁷Ac efe a adawodd yno o flaen Arch cyfammod yr Arglwydd Asaph ai frodyr, i weini ger bron yr Arch yn wastadol y peth [oedd raid] dydd yn ei ddydd.

³⁸Ac Obed Edom, sef Obed Edom mab Ieduthun, ac Hoso, ac ŵyth a thri vgain oi brodyr hwynt oeddynt yn borthorion.

³⁹Zadoc hefyd yr offeiriad, ai frodyr ef yr ofeiriaid oeddynt o flaen tabernacl yr Arglwydd, yn yr vchelfa yr hon [ydoedd] yn Gibeon,

⁴⁰I offrymmu poeth offrymmau’r Arglwydd ar allor y poeth offrwm yn wastadol y boreu a’r hwyr: yn ôl yr hyn oll a’r y sydd scrifennedic yng-hyfraith yr Arglwydd, yr hon a orchymynnodd efe i Israel.

⁴¹A chyd a hwynt Heman, ac Ieduthun, a gweddill yr etholedigion, y rhai a ddewisasyd wrth [eu] henwau i foliannu yr Arglwydd: canys ei drugaredd [sydd] yn dragywydd.

⁴²A chyd a hwynt Heman, ac Ieduthun yn lleisio ag vdcyrn, ac a Symbalau, ac offer cerdd Duw: a metbion Ieduthun [oeddynt] wrth y porth.

⁴³Yna yr holl bobloedd a aethant, pob vn iw dy ei hun: a Dafydd a ddychwelodd i fendigo ei dŷ yntef.