Read William Morgan Bible 1588 original edition 1.Cronicl 18 Bible Online

1.Cronicl 18 - William Morgan Bible 1588 original edition bible

1.Cronicl 18

¹1 Rhyfel Dafydd yn erbyn y Philistiaid, 2 Moab. 3 Zoba, 5 Damascus, 12 Ac Edom. A Darfu wedi hyn i Ddafydd daro y Philistiaid, ai darostwng hwynt: ac efe a ddug Gath ai phentrefydd o law y Philistiaid.

²Hefyd efe a darawodd Moab, a’r Moabiaid a fuant weision i Ddafydd yn dwyn trêth.

³Tarawodd Dafydd hefyd Hadarezar, breinin Zoba [yn] Hemath, pan oedd efe yn myned i osod ei gryfdwr wrth afon Euphrates.

⁴A chymmerth Dafydd oddi wrtho ef fil o gerbydau, a saith mil o farchogion, ac vgain mîl o wyr traed, a thorrodd Dafydd linynnau garr [meirch] bôb cerbyd: ond efe a adawodd o honynt gant cerbyd.

⁵Yna y daeth y Siriaid o Ddamascus i gynhorthwyo Hadarezar brenin Zoba: yna Dafyd a ladodd o’r Siriaid ddwy fil ar hugain o wŷr.

⁶A gosododd Dafydd [swyddogion] ar y Siriaid o Ddamascus: a bu y Siriaid weision i Ddafydd yn Dwyn treth: a’r Arglwydd a waredodd Ddafydd ym mha le bynnac yr aeth.

⁷Dafydd hefyd a gymmerodd dariannau aur y rhai oeddynt gan weision Hadarezar, ac ai dûg hwynt i Ierusalem.

⁸Dûg Dafydd hefyd o Tebhath, ac o Chun, dinasoedd Hadarezar lawer iawn o brês, â hwn y gwnaeth Salomon y gerwyn brês, a’r colofnau, a’r llestri prês.

⁹Pan glybu * Tohu brenin Hemath daro o Ddafydd holl nerth Hadarezar brenin Zoba,

¹⁰Yna efe a anfonodd at y brenin Dafydd Hadoram ei fâb, a phob llestri aur, ac arian, a phrês i geisio heddwch ganddo ef, ac iw fendithio ef, am iddo ryfela yn erbyn Hadarizar ai daro ef: canys rhyfelwr oedd Hadarezar [yn erbyn] Tohu.

¹¹Y rhai hynny hefyd a gyssegrodd y brenin Dafyd i’r Arglwydd, gyd a’r arian, a’r aur, y rhai a ddygase efe oddi ar yr holl genhedloedd [sef] oddi ar Edom, ac oddi ar Moab, ac oddi ar feibion Ammon, ac oddi ar y Philistiaid, ac oddi ar Amalec.

¹²Ac Abisai mab Serfia a laddodd o Edom yn nyffryn yr halen dair mîl ar bymthec.

¹³Ac efe a osododd bennaethiaid yn Edom, a’r holl Edomiaid a fuant weision i Ddafydd, a’r Arglwydd a gadwodd Ddafydd, ym mha le bynnac y rhodiodd efe.

¹⁴A Dafydd a ddeyrnasodd ar holl Israel, ac yr oedd efe yn gwneuthur barn, a chyfiawnder iw holl bobl.

¹⁵Ac Ioab mab Serfia [oedd benn] ar y llu: ac Iehosaphat mab Ahilud yn gofiadur.

¹⁶A Zadoc mab Ahitub, ac Abimelec mab Abiathar [oeddynt] offeiriaid, a Sausa yn scrifennudd.

¹⁷Benaiahu hefyd mab Iehoiada [oedd] ar y Crethiaid, a’r Pelethiaid: a meibion Dafydd [oeddynt] y rhai nesaf at law y brenin.