Read William Morgan Bible 1588 original edition 1.Cronicl 23 Bible Online

1.Cronicl 23 - William Morgan Bible 1588 original edition bible

1.Cronicl 23

¹Dafydd tu ai ddiwedd yn rhoddi y frenhiniaeth i Salomon. 3 Ac yn gosod i bawb o’r Lefiaid ei swydd. Pan [oedd] Dafydd yn hên, ac yn gyflawn o ddyddiau: yna y gosododd efe Salomon ei fab yn frenin ar Israel.

²Ac efe a gasclodd holl dywysogion Israel: yr offeiriaid hefyd, a’r Lefiaid.

³A’r Lefiaid a gyfrifwyd o fab deng-mlwydd ar hugain, ac vchod: ai nifer hwy wrth eu pennau bob yn ŵr [oedd] onid dwy fil deugain.

⁴O’r rhai hyn pedair mîl ar hugain [oeddynt] i orchwylio ar waith tŷ yr Arglwydd: y swyddogion hefyd, a’r rhaglawiaid [oeddynt] chwe mil.

⁵A phedair mîl yn borthorion, a phedair mil yn moliannu’r Arglwydd a’r offer y rhai a wnelswn i iw foliannu [ef].

⁶Yna y dosparthodd Dafydd ddosparthiadau, yn ôl meibion Lefi [sef] Gerson, Cehath, a Merari.

⁷O’r Gersoniaid [yr oedd] Laadan, a Semei.

⁸Pen meibion Laadan [oedd] dri, Iehiel, a Zethan, ac Ioel.

⁹Meibion Semei [oeddynt] dri, Selomith, a Haziel, a Haran: y rhai hyn [oeddynt] bennau cenhedl Laadan.

¹⁰Meibion Semei hefyd [oeddynt] Iahath, Zina, Ieus hefyd, a Beriah: Dyna bedwar mab Semei.

¹¹Ac Iahath oedd bennaf, yna Ziza yn ail: ond i Ieus, a Beriah nid oedd nemmor o feibion, am hynny yr oeddynt hwy yn vn genhedlaeth o gyfrif.

¹²Meibion Cehath [oeddynt] bedwar, Amram, Isahar, Hebron, ac Uzziel.

¹³Meibion Amram [oeddynt] Aaron, a Moses: ac Aaron a nailltuwyd i sancteiddio y cyssegr sancteiddiolaf, efe ai feibion byth, i arogldarthu ger bron yr Arglwydd, iw wasanaethu ef, ac i fendigo yn ei enw ef yn dragywydd.

¹⁴Moses hefyd [oedd] ŵr [i] Dduw, ei feibion ef a alwyd gyd a llwyth Lefi.

¹⁵Meibion Moses [oedd] Gersom, ac Eliezer.

¹⁶[O] feibion Gersom, Sebuel [oedd] y pennaf.

¹⁷A meibion Eliezer oeddynt Rehabia y cyntaf: ac i Eliezer nid oedd meibion eraill, a meibion Rehabia a amlhausant yn ddir-fawr.

¹⁸Meibion Isahar, Selomith y pennaf.

¹⁹Meibion Hebron, Ieriahu y cyntaf, Amaria’r ail, Iahaziel y trydydd, ac Iecamiam y pedwerydd.

²⁰Meibion Uzziel [oeddynt] Mica y cyntaf, ac Iesia’r ail.

²¹Meibion Merari [oeddynt] Mahali, a Musi: meibion Mahali, Eleazar, a Chis.

²²A bu farw Eleazar, a meibion nid oeddynt iddo ef, ond merched: a meibion Cis eu brodyr ai priodasant hwy.

²³Meibion Musi [oeddynt] dri: Mahali, ac Eder, ac Ieremoth.

²⁴Dymma feibion Lefi yn ôl tŷ eu tadau pennau [eu] cenedl wrth eu rhifedi, dann nifer [eu] henwau wrth eu pennau, y rhai oeddynt yn gwneuthur gwaith yng-wasanaeth tŷ’r Arglwydd o fab vgain mlwydd ac vchod.

²⁵Canys dywedodd Dafydd, Arglwydd Dduw Israel a roddes lonyddwch iw bobl, i aros yn Ierusalem byth.

²⁶Ac nid [rhaid] hefyd i’r Lefiaid ddwyn y tabernacl, ai holl lestri iw gwasanaeth.

²⁷Canys yn ôl geiriau diweddaf Dafydd, dymma nifer meibion Lefi o fab vgain mlwydd ac vchod.

²⁸Ai gwasanaeth hwynt [oedd] tann law meibion Aaron yng-wenidogaeth tŷ’r Arglwydd yn y cynteddau, ac yn y celloedd, ac yn y puredigaethfa, ym mhob sanctaidd beth, a gwaith gwenidogaeth tŷ Dduw.

²⁹Yn y bara gosod hefyd, ac yn y peillied, yn y bwyd offrwm, ac yn yr afrllad croiw, yn y radell hefyd, ac yn y badell ffrio: ac ym mhob mesur, a meidroldeb.

³⁰Ac i sefyll bob borau i foliannu, ac i ogoneddu yr Arglwydd: felly hefyd bryd nawn.

³¹Ac i offrymmu pob offrwm poeth i’r Arglwydd ar y Sabbothau, ar y newydd loerau, ac ar y gwyliau arbennic wrth rifedi yn ôl y ddefod sydd arnynt yn wastadol ger bron yr Arglwydd.

³²Cadwant hefyd orchwyliaeth pabell y cyfarfod, a gorchwyliaeth y cyssegr, a gorchwyliaeth meibion Aaron eu brodyr hwynt, yng-wasanaeth tŷ’r Arglwydd.