Read William Morgan Bible 1588 original edition 1.Cronicl 26 Bible Online

1.Cronicl 26 - William Morgan Bible 1588 original edition bible

1.Cronicl 26

¹Porthorion y deml, a’r tryssor-dai. Am ddosparthiad y porthorion o’r Corethiaid: Meselemiahu mab Core [oedd] o feibion Asaph.

²A meibion Meselemiahu [oeddynt] Zechariahu y cyntaf-anedic, Iediel yr ail, Zebadiahu y trydydd, Iahniel y pedwerydd.

³Elam y pummed, Iehohanan y chweched, Elihoenai y seithfed.

⁴A meibion Obed Edom, Semeia y cyntaf-anedic, Iehosabad yr ail, Ioah y trydydd, Sacar hefyd y pedwerydd, a Nathanael y pummed.

⁵Ammiel y chweched, Islachar y seithfed Peulthai yr ŵythfed, canys Duw ai bendithiodd ef.

⁶Ac i Semei ei fab ef y ganwyd meibion y rhai a arglwyddiaethasant ar dŷ eu tâd: canys cedyrn a nerth oeddynt hwy.

⁷Meibion Semeia: Othni, Rephael hefyd, ac Obed, Elzabad, ei frodyr ef [oeddynt] feibion nerthol [sef] Elihu, a Semachia.

⁸Y rhai hyn oll o feibion Obed Edom, hwynt ai meibion, ai brodyr yn wŷr nerthol mewn cryfdwr tu ag at y wenidogaeth [oeddynt] dri vgain, a dau o Obed Edom.

⁹Ac o Meselemiahu yn feibion, ac yn frodyr [yr oedd] tri ar bymthec yn feibion nerthol.

¹⁰O Hosa hefyd, o feibion Merari, y meibion [oeddynt] Zimri y pennaf, er nad oedd efe gyntaf-anedic, etto ei dâd ef ai gosododd ef yn ben.

¹¹Helchiahu yn ail, Tebaliahu yn drydydd Zechariahu yn bedwerydd: holl feibion, a brodyr Hosa [oeddynt] dri ar ddêc.

¹²O’r rhai hyn yr [oedd] dosparthiadau y porthorion o bennau gwŷr yr orchwyliaeth ar gyfer eu brodyr i wasanaethu yn nhŷ’r Arglwydd.

¹³A hwy a fwriasant goel-brennau bychan a mawr yn ôl tŷ eu tadau am bob porth.

¹⁴A choel-bren Selemiahu a syrthiodd tu a’r dwyrain, a [thros] Zechariahu ei fab (cynghorwr deallgar) y bwriasant hwy goel-brennau, ai goel-bren ef a ddaeth tu a’r gogledd.

¹⁵I Obed Edom tu a’r dehau, ac iw feibion [y daeth] tŷ Asuppim.

¹⁶I Suppim, a Hosa tu a’r gorllewyn, gyd a phorth y sarn, ym mhriffordd y rhiw [yr oedd] y naill orchwyliaeth ar gyfer y llall.

¹⁷Tua’r dwyrain [yr oedd] chwech o Lefiaid, tua’r gogledd pedwar beunydd, tua’r deau pedwar beunydd, a thuac Asuppim dau [a] dau.

¹⁸I’r gell tua’r gorllewyn [y rhoddwyd] pedwar ar y briffordd, [a] dau ar y gell.

¹⁹Dymma ddosparthiadau y porthorion, o feibion Core, ac o feibion Merari.

²⁰Ac [o’r] Lefiaid Abia [oedd] ar dryssorau tŷ Dduw, ac ar dryssorau y pethau cyssegredic.

²¹Meibion Laadan [sef] meibion Gerson o Laadan yn bennau tylwyth Laadan [oedd] y Gersuniaid, [a’r] Iehieliaid.

²²Meibion Iehieli, Zethan, ac Ioel ei frawd [oeddynt] ar dryssorau tŷ’r Arglwydd.

²³O’r Amramiaid, o’r Izahariaid, o’r Hebroniaid, o’r Ozieliaid.

²⁴A Sebuel mab Gersom, mab Moses [oedd] olygwr ar y tryssorau.

²⁵Ac oi frodyr ef [sef] o Eleazar [yr oedd] Rehabiahu ei fab ef, ac Iesaiahu ei fab yntef, ac Ioram ei fab yntef, a Zichri ei fab yntef, a Selomith ei fab yntef.

²⁶Y Selomith hwnnw ai frodyr [oeddynt] ar yr holl dryssorau cyssegredic, y rhai a barodd Dafydd frenin, a’r tadau pennaf, a thywysogion y miloedd, a’r cantoed, a thywysogion y llu eu cyssegru.

²⁷O’r rhyfeloedd, ac o’r yspail y cyssegrasant [bethau] i gryfhau tŷ’r Arglwydd.

²⁸A’r hyn oll a gyssegrodd Samuel y gweledudd, a Saul mab Cis, ac Abner mab Ner, ac Ioab mab Serfia: pob peth a gyssegrasid [oedd] tann law Selomith ai frodyr.

²⁹O’r Izariaid, Cananiahu ai feibion [oeddynt] yn Israel yn swyddogion, ac yn farn-wŷr ar y gwaith oddi allan.

³⁰O’r Hebroniaid Hasabiahu ai frodyr meibion nerthol mil a saith gant [oedd] mewn swydd [yn] Israel o’r tu hwynt i’r Iorddonen tua’r gorllewyn, yn holl waith yr Arglwydd, ac yng-wasanaeth y brenin.

³¹O’r Hebroniaid Iedia [oedd] benn o’r Hebroniaid yn ôl ei genedlaethau ef, drwy [ei] deuluoedd, yn y ddeugeinfed flwyddyn o deyrnasiad Dafydd y ceisiwyd hwynt, ac fe a gafwyd yn eu mysc hwy [wŷr] cryfion nerthol yn Aser Gilead.

³²Ai frodyr ef yn feibion nerthol [oeddynt] ddwy fil a seith gant o bennau cenedl: a Dafydd y brenin ai gosododd hwynt ar y Rubeniad, a’r Gadiaid, a hanner llwyth Manasses, ym mhob gorchwyl Duw, a gorchwyl y brenin.