Read William Morgan Bible 1588 original edition 1.Cronicl 27 Bible Online

1.Cronicl 27 - William Morgan Bible 1588 original edition bible

1.Cronicl 27

¹Tywysogion, a swyddogion y brenin. Pedair mil ar hugain [oedd] bob dosparthiad o feibion Israel dann eu rhif, yn bennau cenedl, ac yn dywysogion miloedd, a chantoedd, ai swyddogion yn gwasanaethu’r brenin ym mhob achos [o’r] dosparthiadau, yn dyfod i mewn, ac yn myned allan, mis yn ei fis, drwy holl fisoedd y flwyddyn.

²Ar y dosparthiad cyntaf yn y mîs cyntaf [yr oedd] Iasobeam mab Zabdiel: ac yn ei ddosparthiad ef [yr oedd] pedair mil ar hugain.

³O feibion Pharez [yr oedd] y pennaf, a holl dywysogion y lluoedd tros y mis cyntaf.

⁴Ac ar ddosparthiad’r ail mis [yr oedd] Dodai’r Ahohiad ai ddosparthiad ef, a Micloth yn gapten, ac yn ei ddosparthiad ef bedair mil ar hugain.

⁵Tywysog y tryddydd llu tros y trydydd mis [oedd] Benaiahu mab Iehoiada yr offeiriad pennaf: ac yn ei ddosparthiad ef pedair mil ar hugain.

⁶Y Benaiahu hwn [oedd] gadarn [ym mhlith] y dêc ar hugain, ac oddi ar y dêc ar hugain: ac yn i ddosparthiad ef [yr oedd] Amizabad ei fab ef.

⁷Y pedwerydd dros y pedwerydd mîs [oedd] Asahel brawd Ioab, a Zabadia ei fab yn ei ôl ef: ac yn ei ddosparthiad ef pedair mil ar hugain.

⁸Y pummed dros y pummed mis [oedd] dywysog Samhut yr Izrahiad, ac yn ei ddosparthiad ef pedair mil ar hugain.

⁹Y chweched dros y chweched mis [oedd] Ira mab Iccas y Thecoad: ac yn ei ddosparthiad ef, pedair mil ar hugain.

¹⁰Y seithfed dros y seithfed mis [oedd] Helez y Peloniad o feibion Ephraim: ac yn i ddosparthiad ef, pedair mil ar hugain.

¹¹Yr ŵythfed dros yr ŵythfed mis [oedd] Sibbecai’r Husathiad, o’r Zarhiaid: ac yn ei ddosparthiad ef, pedair mil ar hugain.

¹²Y nawfed tros y nawfed mis [oedd] Abiezer yr Anathothiad o’r Beniaminiaid: ac yn ei ddosparthiad ef pedair mil ar hugain.

¹³Y decfed dros y decfed mis [oedd] Maharai y Netophathiad o’r Zarahiaid: ac yn ei ddosparthiad ef pedair mil ar hugain.

¹⁴Yr vnfed ar ddêc dros yr vnfed mis ar ddec [oedd] Banaia y Parathoniad o feibion Ephraim: ac yn ei ddosparthiad ef pedair mil ar hugain.

¹⁵Y deuddecfed dros y deuddecfed mis [oedd] Heldai y Netophathiad o Othniel, ac yn ei ddosparthiad ef pedair mil ar hugain.

¹⁶Ac ar lwythau Israel, ar y Rubeniaid, Eliezer mab Zichri [oedd] dywysog: ar y Simeoniaid, Sephariah mab Maacha.

¹⁷Ar y Lefiaid Hasabia mab Cemuel: ar yr Haaroniaid Zadoc.

¹⁸Ar Iuda Elihu o frodyr Dafydd: ar Issachar Omri mab Michael.

¹⁹Ar Zabulon Iesmaiahu mab Obadiahu: ar Nephthali Ierimoth mab Azriel.

²⁰Ar feibion Ephraim Hosea mab Azazia: ar hanner llwyth Manasses, Ioel mab Pedaiahu.

²¹Ar yr hanner [arall] i lwyth Manasses yn Gilead, Ido mab Zachariahu: ar Beniamin Iaasiel mab Abner.

²²Ar Dan Azarel mab Iehoram: dymma dywysogion llwythau Israel.

²³Ond ni chymmerth Dafydd eu rhifedi hwynt o fab vgain mlwyd ac isod, canys dywedodd yr Arglwydd am amlhau Israel megis sêr y nefoedd.

²⁴Ioab mab Serfia a ddechreuodd gyfrif ond ni orphennodd efe, am fod o achos hyn lidiawgrwydd yn erbyn Israel, ac nid aeth y cyfrif hwn ym mysc cyfrifon Cronicl y brenin Dafydd.

²⁵Ac ar dryssorau y brenin [yr oedd] Azmaseth mab Adiel, ac ar y tryssorau yn y maes, yn y dinasoedd, yn y pentrefi hefyd, ac yn y tyrau [yr oedd] Iehonathan mab Uzzia.

²⁶Ac ar weith-wŷr y maes [y rhai oeddynt] yn llafurio’r ddaiar [yr oedd] Ezri mab Celub.

²⁷Ac ar y gwinllannoedd [yr oedd] Simei y Ramathiad: ac ar yr hyn [oedd] yn y gwinllannoedd, ac yn y selêrau gwîn [yr oedd] Sabei y Siphmiad.

²⁸Ac ar yr oliwŷdd, ar Sicomor-wŷdd y rhai [oeddynt] yn y dyffrynnoedd yr [oedd] Baal hanan y Gederiad: ac ar y selerau olew [yr oedd] Ioas.

²⁹Ac ar yr ŷchen pascedic yn Saron [yr oedd] Setrai y Saroniad: ac ar yr ŷchen yn y dyffrynnoedd [yr oedd] Saphar mab Adlai.

³⁰Ac ar y camêlod [yr oedd] Obil yr Ismaeliad, ac ar yr assynnod Iediah y Meronothiad.

³¹Ac ar y defaid [yr oedd] Iaziz yr Hageriad, y rhai hyn oll [oeddynt] dywysogion y golud yr hwn [oedd] eiddo y brenin Dafydd.

³²Ac Iehonathan ewythr Dafydd frawd ei dad oedd gynghorwr deallgar, ac scrifennudd: Iehiel hefyd mab Hachmoni [oedd] gyd a meibion y brenin.

³³Ac Ahitophel [oedd] gynghorwr y brenin, a Hussai’r Arciad [oedd] gyfell y brenin.

³⁴Ac ar ôl Ahitophel [yr oedd] Iehoiada mab Benaiahu, ac Abiathar: a thywysog llu y brenin [oedd] Ioab.