Read William Morgan Bible 1588 original edition 1.Cronicl 29 Bible Online

1.Cronicl 29 - William Morgan Bible 1588 original edition bible

1.Cronicl 29

¹Dafydd ai dywysogion yn offrymmu tu ag at waith y deml. 10 Dafydd yn moliannu Duw, ac yn cynghori y bobl. 22 Coroniad Salomon a diweddiad Dafydd. Yna y dywedodd Dafydd y brenin wrth yr holl dyrfa, Duw a ddewisodd iddo fy vn mab Salomon yn ieuangc ac yn dyner: a’r gwaith [sydd] fawr, canys nid tŷ [yw efe] i ddyn, onid i’r Arglwydd Dduw.

²Ac a’m holl gryfdwr y paratoais i dŷ fy Nuw aur i’r [gwaith] aur ac arian i’r arian a phrês i’r prês, a haiarn i’r haiarn, a choed a’r [gwaith] coed: meini Onix. a [meini] gosod, meini Carbunculus, ac o amryw liw a phob maen gwerthfawr, a meini Marmor yn aml.

³Ac etto am [fod] fy ewyllys tua thŷ fy Nuw, y mae gennif o’m heiddo fy hun aur, ac arian yr hwn a roddaf tu ag at dŷ fy Nuw: heb law yr hyn oll a baratoais tua thŷ y cyssegr.

⁴Tair mil o dalentau aur, o aur Ophir: a faith mil o dalentau arian puredic, i orenro parwydydd y tai.

⁵Yr aur i’r [gwaith] aur, a’r arian i’r arian, a thu ag at yr holl waith drwy law y rhai celfydd: pwy hefyd a ymrydd yn ewyllyscar i ymgyssegru heddyw i’r Arglwydd?

⁶Yna tywysogion y teuluoedd, a thywysogion llwythau Israel, a thywysogion y miloedd, a [thywysogion] y cantoedd, a thywysegion gwaith y brenin a offrymmasant yn ewyllyscar.

⁷A hwy a roddasant tu ag at wasanaeth tŷ Dduw bum mil o dalentau aur, a deng-mil o sylltau, a deng-mil o dalentau arian, a deunaw mil o dalentau prês, a chant mil o dalentau haiarn.

⁸A chyd a’r hwn y caed meini hwy ai rhoddasant i dryssor tŷ’r Arglwydd drwy law Iehiel y Gersuniad.

⁹A’r bobl a lawenhasant pan offrymmasant oi gwirfodd: canys mewn calon berffaith ewyllyscar yr offrymmasant i’r Arglwydd: a Dafydd y brenin hefyd a lawenychodd a llawenydd mawr.

¹⁰Yna y bendithiodd Dafydd yr Arglwydd yng-ŵydd yr holl dyrfa, a dywedodd Dafydd, bendigedic [wyt] ti Arglwydd Dduw Israel ein tad ni o dragywyddoldeb, hyd dragywyddoldeb.

¹¹I ti arglwydd [y mae] mawredd, a gallu, gogoniant hefyd, goruwchafiaeth, a harddwch: canys y cwbl yn y nefoedd, ac yn y ddaiar [sydd] eiddo ti, y deyrnas [sydd] eiddo ti Arglwydd, yr hwn hefyd a ymdderchefaist yn benn ar bawb.

¹²Cyfoeth hefyd ac anrhydedd [a ddeuant] oddi wrthit ti, a thi sydd yn arglwyddiaethu ar bawb, ac yn dy law di y mae nerth, a chadernid, îe yn dy law di hefyd [y mae] mawrhau, a nerthu pob dim.

¹³Ac yn awr ein Duw ni, yr ydym ni yn dy foliannu, ac yn clodfori dy enw gogoneddus.

¹⁴Eithr pwy ydwyfi?] a phwy [yw] fy mhobl i, fel y caem ni rym i offrymmu yn ewyllyscar fel hyn? ond oddi wrthit ti [y mae] pob peth, ac o’th law di y rhoesom i ti?

¹⁵O herwydd dieithriaid [ydym] ni ger dy fron di, ac alltudion fel ein holl dadau: fel cyscod [yw] ein dyddiau ni ar y ddaiar, a [hwnnw] heb aros.

¹⁶Oh Arglwydd ein Duw ni, yr holi amlder hyn y rhai a baratoasom ni i adailadu i ti dŷ, i’th enw sanctaidd: o’th law di [y mae] hyn, ac eiddo ti [yw] hyn oll.

¹⁷Gwn hefyd ô fy Nuw mai ti sydd yn profi y galon, ac a ewyllysi gyfiawnder: myfi yn iniondeb fyng-halon o wirfodd a offrymmais hyn oll, at yn awr y gwelais dy bobl y rhai a gafwyd ymma, mewn llawenydd yn offrymmu yn ewyllyscar i ti.

¹⁸Arglwydd Dduw Abraham, Isaac, ac Israel ein tadau ni, cadw hyn yn dragywydd ym mrŷd meddyliau calon dy bobl: a pharatoa galon dy bobl attat ti.

¹⁹A dyro i Salomon fy mab galon berffaith i gadw dy orchymynnion, dy destiolaethau a’th ddeddfau, ac iw gwneuthur [hwynt] oll, ac i adailadu y tŷ’r hwn a ddarperais i.

²⁰Dywedodd Dafydd hefyd wrth yr holl dyrfa, bendithiwch attolwg eich Arglwydd Dduw: yna’r holl dyrfa a fendithiasant Arglwydd Dduw eu tadau, ac a ymgrymmasant, ac a ymostyngasant i’r Arglwydd, ac i’r brenin.

²¹Aberthasant hefyd ebyrth i’r Arglwydd, a thrannoeth [yn ôl] y dydd hwnnw, yr aberthasant yn boeth offrymmau i’r Arglwydd fil o fustych, [a] mil o hyrddod, mil o ŵyn ai diod offrwm: ac ebyrth yn aml dros holl Israel.

²²Yna y bwyttasant hwy, ac yr yfasant ger bron yr Arglwydd y diwrnod hwnnw mewn llawenydd mawr, a gosodasant Salomon fab Dafydd yn frenin yr ail waith: ac eneiniasant ef i’r Arglwydd yn flaenor, a Zadoc yn offeiriad.

²³Felly’r esteddodd Salomon ar orseddfa’r Arglwydd yn frenin yn lle Dafydd ei dad, ac a lwyddodd: a holl Israel a wrandawsant arno ef.

²⁴Yr holl dywysogion hefyd, a’r cedyrn, a chyd a hynny holl feibion y brenin Dafydd a dyngasant [ar fod] tann Salomon y brenin.

²⁵A’r Arglwydd a fawrygodd Salomon yn rhagorol yng-ŵydd holl Israel, ac a roddes iddo ogoniant brenhinawl, mâth yr hwn ni bu i vn brenin oi flaen ef yn Israel.

²⁶Felly Dafydd mab Isai a deyrnasodd ar holl Israel.

²⁷A’r dyddiau y teyrnasodd efe ar Israel [oeddynt] ddeugain mhlynedd: saith mlynedd y teyrnasodd efe yn Hebron, a thair blynedd ar ddec ar hugain y teyrnasodd efe yn Ierusalem.

²⁸Ac efe a fu farw mewn oedran têg, yn gyflawn o ddyddiau, cyfoeth, ac anrhydedd: a Salomon ei fab a deyrnasodd yn ei lê ef.

²⁹Ac [am] weithredoedd cyntaf a diweddaf y brenin Dafydd, wele y maent yn scrifennedic yng-eiriau Samuel y gweledudd, ac yng-eiriau Nathan y prophwyd, ac yng-eiriau Gad y gweledudd,

³⁰Gyd ai holl frenhiniaeth ef, ai gadernid, a’r amserau y rhai a aethant trosto ef, a thros Israel, a thros holl deyrnasoedd y ddaiar.