Read William Morgan Bible 1588 original edition 2.Cronicl 12 Bible Online

2.Cronicl 12 - William Morgan Bible 1588 original edition bible

2.Cronicl 12

¹Sesac (am i Rehoboam bechu yn erbyn Duw) yn cael ei ddrygu ef. A Phan siccrhaodd Rehoboam y frenhiniaeth, ai chadarnhau, efe a wrthododd gyfraith yr Arglwydd: a holl bobl Israel gyd ag ef.

²Ac yn y bummed flwyddyn i’r brenin Rehoboam y daeth Sesac brenin yr Aipht i fynu yn erbyn Ierusalem: (canys hwy a wrthryfelasent yn erbyn yr Arglwydd)

³A mil a dau cant a gerbydau, a thri vgainmil o wŷr meirch, ac nid [oedd] nifer ar y bobl y rhai a ddaethant gyd ag ef o’r Aipht [sef] y Lybiaid, y Succiaid, a’r Ethiopiaid.

⁴Ac efe a ennillodd y dinasoedd caeroc y rhai [oeddynt] yn Iuda: ac a ddaeth hyd Ierusalem.

⁵Yna Semaiah y prophwyd a ddaeth at Rehoboam, a thywysogion Iuda y rhai oeddynt wedi ymgasclu yn Ierusalem rhac ofn Sesac: ac efe a ddywedodd wrthynt, fel hyn y dywedodd yr Arglwydd, chwi a’m gwrthodasoch i, am hynny myfi a’ch gadawaf chwi yn llaw Sesac.

⁶Yna tywysogion Israel a ymostyngasant, ac a ddywedasant, cyfiawn yw’r Arglwydd.

⁷Pan welodd yr Arglwydd iddynt hwy ymostwng, daeth gair yr Arglwydd at Semaiah gan ddywedyd, hwynt a ymostyngasant [am hynny] ni ddifethaf hwynt: onid rhoddaf iddynt ymwared ar fyrder, ac ni ddifera fy llid yn erbyn Ierusalem drwy law Sesac.

⁸Etto byddant yn weision iddo ef: fel yr adnabyddant fyng-haethiwed mau fi, a chaethiwed brenhinoedd y ddaiar.

⁹Yna Sesac brenin yr Aipht a ddaeth i fynu yn erbyn Ierusalem, ac a gymmerth dryssorau tŷ’r Arglwydd, a thryssorau tŷ y brenin, ac ai dûg hwynt ymmaith oll: dûg ymmaith y tariannau aur y rhai a wnaethe Salomon.

¹⁰A’r brenin Rehoboam a wnaeth yn eu llê hwynt dariannau prês: ac ai rhoddodd [hwynt] i gadw tann law tywysogion y rhedegwyr y rhai oeddynt yn cadw drws tŷ y brenin.

¹¹A phan ele’r brenin i dŷ’r Arglwydd: y rhedeg-wŷr a ddeuent, ac ai dygent hwy, ac ai dygent trachefn i stafell y rhedeg-wŷr.

¹²Am hynny pann ymostyngodd efe, llid yr Arglwydd a ddychwelodd oddi wrtho ef fel nas dinistrie yn hollawl: ac felly y bu [pob] peth yn dda yn Iuda.

¹³Felly y brenin Rehoboam a ymgryfhaodd yn Ierusalem, ac a deyrnasodd: a mab vn mlwydd a deugain [oedd] Rehoboam pan ddechreuodd efe deyrnasu, a dwy flynedd ar bymthec y teyrnasodd efe yn Ierusalem, (y ddinas yr hon a ddewisase’r Arglwydd i osod ei enw ef ynddi o holl lwythau Israel) ac enw ei fam ef [oedd] Naamah yr Ammonites.

¹⁴Ac efe a wnaeth yr hyn oedd ddrwg: canys ni ddarparodd efe ei galon i geisio’r Arglwydd.

¹⁵Am y gweithredoedd cyntaf a diwethaf i Rehoboam, onid ydynt hwy yn scrifennedic yng-eiriau Semaiah y prophwyd, ac Ido y gweledudd yn yr achau: a [bu] rhyfeloedd [rhwng] Rehoboam ac Ieroboam yr holl ddyddiau.

¹⁶A Rehoboam a hunodd gyd ai dadau, ac a gladdwyd yn ninas Dafydd: ac Abiiah ei fab ef a deyrnasodd yn ei lê ef.