Read William Morgan Bible 1588 original edition 2.Cronicl 13 Bible Online

2.Cronicl 13 - William Morgan Bible 1588 original edition bible

2.Cronicl 13

¹Abia yn Rhyfela yn erbyn Ieroboam, ac yn ei orchfygu ef. Ac yn y ddeu nawfed flwyddyn i’r brenin Ieroboam, y dechreuodd Abiiah deyrnasu ar Iuda.

²Tair blynedd y teyrnasodd efe yn Ierusalem, ac enw ei fam ef [oedd]* Michaiahu merch Uriel o Gibea: a bu ryfel rhwng Abiiah ac Ieroboam.

³Ar Abiiah a gydiodd y rhyfel a llu o ryfel-wŷr cedyrn [sef] pedwar cant mîl o wŷr etholedig: ac Ieroboam a luniaithodd yn ei erbyn ef ryfel, ag ŵyth gant mîl o wŷr etholedig, cedyrn nerthol.

⁴Ac Abiiah a gyfododd oddi ar fynydd Zemaraim yr hwn [sydd] ym mynydd Ephraim: ac a ddywedodd, ô Ieroboam, a holl Israel gwrandewch fi.

⁵Oni [pherthyn] i chwi ŵybod mai Arglwydd Dduw Israel a roddodd y frenhiniaeth i Ddafydd ar Israel yn dragywydd: iddo ef ac iw feibion drwy gyfammod hâlen?

⁶Etto Ieroboam mab Nabat gwâs Salomon fab Dafydd a gyfododd, ac a wrthryfelodd yn erbyn ei arglwydd.

⁷Ac ofer ddynion [sef] meibion y fall a ymgasclasant atto ef, ac a ymgadarnhasant yn erbyn Rehoboam mab Salomon: a Rehoboam oedd fachgen, a gwann ei galon, ac nid ymgadarnhaodd efe iw herbyn hwynt.

⁸Ac yn awr yr ydych yn meddwl i chwi ymgadarnhau yn erbyn brenhiniaeth yr Arglwydd [yr hon sydd] yn llaw meibion Dafydd: am eich bod yn dyrfa fawr, a [bod] gyd a chwi y lloi aur y rhai a wnaeth Ieroboam yn dduwiau i chwi.

⁹Oni yrrasoch ymmaith offeiriaid yr Arglwydd, sef meibion Aaron, a’r Lefiaid? ac oni wnaethoch i chwi offeiriaid fel pobl y gwledydd eraill? pwy bynnac sydd yn dyfod im gyssegru, a bustach ieuangc, ac a saith o hyrddod, hwnnw fydd yn offeiriad i’r [rhai] nid [ydynt] dduwiau.

¹⁰Ninnau [ydym eiddo]’r Arglwydd ein Duw, ac nis gwrthodasom ef: a’r offeiriaid y rhai ydynt yn gwasanaethu’r Arglwydd [yw] meibion Aaron, a’r Lefiaid [ydynt] yn [eu] gorchwyl.

¹¹Ac y maent hwy yn llosci i’r Arglwydd boeth offrymmau bob boreu, a phob hwyr, ac arogl-darth aroglbêr, ac [yn cadw] trefn y bara [gosod] ar y bwrdd pur, a’r canhwyll-bren aur ai lusernau i losci bob prynhawn, canys yr ydym ni yn cadw gorchwyliaeth yr Arglwydd ein Duw: ond chwi ai gwrthodasoch ef.

¹²Ac wele y Duw hwn [sydd] yn bennaf gyd a ni, ai offeiriaid ef, ac vdcyrn soniarus i vdcanu yn eich erbyn chwi: ô feibion Israel nac ymleddwch yn erbyn Arglwydd Dduw eich tadau, canys ni lwyddwch chwi.

¹³Ond Ieroboam a barodd osod cynllwyn o amgylch, a dyfod oi hôl hwynt: felly [’r Israeliaid] oeddynt o flaen Iuda, ar cynllwyn o’r tu ôl iddynt hwy.

¹⁴Yna [meibion] Iuda a edrychasant, ac wele ryfel iddynt ym mlaen, ac yn ôl, a hwynt a waeddasant ar yr Arglwydd: a’r offeiriaid a leisiasant mewn vdcyrn.

¹⁵A gwŷr Iuda a floeddiasant: a phan waedoodd gwŷr Iuda, yna Duw a darawodd Ieroboam, a holl Israel o flaen Abiiah ac Iuda.

¹⁶A meibion Israel a ffoasant o flaen Iuda: a Duw ai rhoddodd hwynt iw llaw hwynt.

¹⁷Ac Abiiah ai bobl ai tarawsant hwy a phlâ mawr: fel y syrthiodd yn archolledic o Israel bump cant mil o wŷr etholedig.

¹⁸Felly y darostyngwyd meibion Israel y pryd hynny: a meibion Iuda a gryfhasant, o herwydd pwyso o honynt hwy ar Arglwydd Dduw eu tadau.

¹⁹Ac Abiiah a erlidiodd ar ôl Ieroboam, ac a ddûg oddiarno ef ddinasoedd, fel Bethel ai phentrefydd, ac Iesanah ai phen-trefydd, ac Ephron ai phen-trefydd.

²⁰Ac ni ennillodd Ieroboam [ei] nerth mwyach yn nyddiau Abiiah: ond yr Arglwydd ai tarawodd ef fel y bu efe farw.

²¹Ond Abiiahu a ymgadarnhaodd, ac a gymmerth iddo bedair ar ddêc o wragedd: ac a genhedlodd ddau fab ar hugain, ac vn ar bymthec o ferched.

²²A’r rhan arall o hanes Abiiah, ai ffyrdd ef, ai eiriau: y maent yn scrifennedic yn llyfr y prophwyd Ido.