Read William Morgan Bible 1588 original edition 2.Cronicl 14 Bible Online

2.Cronicl 14 - William Morgan Bible 1588 original edition bible

2.Cronicl 14

¹Duwiol lywodraeth Asa. Felly Abiiah a hunodd gyd ai dadau, a chladdasant ef yn ninas Dafydd, ac Asa ei fab a deyrnasodd yn ei lê ef: yn ei ddyddiau ef y cafodd y wlad lonydd ddeng-mhlynedd.

²Ac Asa a wnaeth yr hyn oedd ddâ, ac inion yng-olwg yr Arglwydd ei Dduw.

³Canys efe a fwriodd ymmaith allorau y [duwiau] dieithr, a’r vchelleudd: drylliodd hefyd y delwau, a thorrodd y llwynau.

⁴Ac a ddywedodd wrth Iuda am geisio Arglwydd Dduw eu tadau: ac am wneuthur cyfraith, a gorchymyn [Duw.]

⁵Ac efe a fwriodd ymmaith o holl ddinasoedd Iuda yr vchelfeudd, a’r delwau: am hynny y cafodd y frenhiniaeth lonydd oi flaen ef.

⁶Ac efe a adailadodd ddinasoedd caeroc yn Iuda: am gael o’r wlâd lonydd fel nad [oedd] rhyfel yn ei erbyn ef yn y blynyddoedd hyny, o blegit yr Arglwydd a roddase lonyddwch iddo ef.

⁷Ac efe a ddywedodd wrth Iuda, adailadwn y dinasoedd hyn, ac amgylchwn [hwynt] a mûr, ac a thŷrau, a dryssau, ac a barrau tra [fyddo] y wlâd hon o’n blaen ni, o herwydd ni a geisiasom yr Arglwydd ein Duw ni, ac efe a roddodd lonyddwch i ni o amgylch: felly hwynt a adailadasant, ac a lwyddasant.

⁸Ac yr oedd gan Asa lû o Iuda yn dwyn tariannau a gwaiw-ffyn [sef] try chant mîl, ac o Beniamin dau cant a phedwar vgain-mil yn dwyn tariannau, ac yn tynnu bŵa: y rhai hyn oll [oeddynt wŷr] cedyrn nerthol.

⁹A Zerah yr Ethiopiad a aeth allan yn eu herbyn hwynt a llû o fîl o filoedd, ac a thrychant o gerbydau: ac efe a ddaeth hyd Maresa.

¹⁰Yna Asa a aeth allan yn ei erbyn ef, a hwynt a lumaethasant ryfel yn nyffryn Sephata wrth Maresa.

¹¹Ac Asa a waeddodd ar yr Arglwydd ei Dduw, ac a ddywedodd, ô Arglwydd nid [rhaid] i ti wrth lawer i gynnorthwyo [yr hwn] ni [byddo] ganddo gryfdwr, cynnorthwya di ni ô Arglwydd ein Duw ni, canys pwyso’r ydym ni arnat ti, ac yn dy enw di y daethom yn erbyn y dorf honn: ô Arglwydd ein Duw ni ydwyt ti, na orchfyged dŷn i’th erbyn.

¹²Felly’r Arglwydd a darawodd yr Ethiopiaid o flaen Asa, ac o flaen Iuda: a’r Ethiopiaid a ffoasant.

¹³Ac Asa, a’r bobl y rhai [oeddynt] gyd ag ef ai herlidiodd hwynt hyd Gerar, a syrthiodd [llawer] o’r Ethiopiaid heb fywyd ynddynt, canys drylliasyd hwynt o flaen yr Arglwydd, ac o flaen ei werssyll ef: a hwy a ddugasant ymmaith anrhaith fawr iawn.

¹⁴A tharawsant yr holl ddinasoedd o amgylch Gerar canys yr oedd dychryn yr Arglwydd arnynt hwy: a hwynt a anrhaithiasant yr holl ddinasoedd, canys anrhaith fawr oedd ynddynt.

¹⁵Lluestai hefyd yr anifeiliaid a darawsant hwy, a chaeth gludasant lawer o ddefaid, a chamêlod: a dychwelasant i Ierusalem.