Read William Morgan Bible 1588 original edition 2.Cronicl 15 Bible Online

2.Cronicl 15 - William Morgan Bible 1588 original edition bible

2.Cronicl 15

¹Asa wrth gyngor Azaria yn deleu gau-dduwiaeth. 14 yn peri i’r bobl wneuthur cyngrair a’r Arglwydd 16 ac yn diswyddo ei fam am ei gau-dduwiaeth. Yna yspryd Duw a ddaeth ar Azaria fab Obed.

²Ac efe a aeth allan o flaen Asa, ac a ddywedodd wrtho ef, ô Asa, a holl Iuda, a Beniamin gwrandewch fi: yr Arglwydd [sydd] gyd a chwi tra fyddoch gyd ag ef, ac os ceisiwch ef, chwi ai cewch ef, ac os gwrthodwch ef, yntef a’ch gwrthyd chwitheu.

³Dyddiau lawer [fuant] i Israel heb y gwir Dduw, ac heb offeiriad yn ddyscawdur, ac heb gyfraith.

⁴Pan ddychwelodd [neb] yn ei gyfyngdra at Arglwydd Dduw Israel, ai geisio ef, yna hwynt ai cawsant ef.

⁵Ac yn yr amseroedd hynny nid [oedd] heddwch i’r hwn oedd yn myned allan, ac yn dyfod i mewn: ond blinder lawer ym mysc holl bresswyl-wŷr y ddaiar.

⁶Canys cenedl a ddinistriwyd gan genedl, a dinas gan ddinas: o blegit yr Arglwydd ai poenodd hwynt a phob aflwydd.

⁷Cryfhewch gan hynny, ac na laesed eich dwylo: canys y mae gwobr i’ch gwaith chwi.

⁸Pan glybu Asa y geiriau hyn, a phrophwydoliaeth Obed y prophwyd, yna efe a gryfhaodd, ac a fwriodd ymmaith y ffiaidd [eulynnod] o holl wlâd Iuda, a Beniamin, ac o’r holl ddinasoedd y rhai a ennillase efe o fynydd Ephraim: ac efe a adnewyddodd allor yr Arglwydd yr hon [oedd] o flaen porth yr Arglwydd.

⁹Ac efe a gynhullodd holl Iuda, a Beniamin, a’r dieithriaid gyd a hwynt o Ephraim, a Manasses, ac o Simeon: canys hwy a syrthiasant atto ef yn aml o Israel, pan welsant fod yr Arglwydd ei Dduw gyd ag ef.

¹⁰Felly hwynt a ymgynnullasant i Ierusalem yn y trydydd mis: yn y bymthecfed flwyddyn o deyrnasiad Asa.

¹¹A hwynt a aberthasant i’r Arglwydd y dwthwn hwnnw o’r anrhaith [yr hon] a ddugasent, saith gant o eidionnau, a saith mil o ddefaid.

¹²A hwynt a ddaethant dann gyfammod i geisio Arglwydd Dduw eu tadau, ai holl galon, ac ai holl enaid.

¹³A phwy bynnac ni cheisie Arglwydd Dduw Israel, efe a roddid i farwolaeth: yn fychan, [ac] yn fawr, yn ŵr, [ac] yn wraig.

¹⁴A hwynt a dyngasant i’r Arglwydd a llef vchel, ar a bloedd: ag vdcyrn hefyd, ac a thrwmpêdau.

¹⁵A holl Iuda a lawenychasant o herwydd y llŵ, canys ai holl galon y tyngasent, ac ai holl ewyllys y ceisiasant ef, a hwynt ai cawsant ef: a’r Arglwydd a roddodd lonyddwch iddynt hwy o amgylch.

¹⁶A’r brenin Asa a symmudodd Maacha ei fam o [fod] yn dywysoges, o herwydd gwneuthur o honi hi ddelw mewn llwyn: ac Asa a dorrodd ei delw hi, ac ai drylliodd, ac ai lloscodd wrth afon Cedron.

¹⁷Ond nid yscogwyd yr vchelfeudd o Israel: er hod calon Asa yn berffaith ei holl ddyddiau ef.

¹⁸Ac efe a ddûg i mewn i dŷ’r Arglwydd yr hyn a gyssegrase ei dâd ef, a’r hyn a gyssegrasse efe ei hun yn aur, ac yn arian, ac yn lestri.

¹⁹Ac ni bu rhyfel hyd y bymthecfed flwyddyn ar hugain o deyrnasiad Asa.