Read William Morgan Bible 1588 original edition 2.Cronicl 16 Bible Online

2.Cronicl 16 - William Morgan Bible 1588 original edition bible

2.Cronicl 16

¹Hanani yn ceryddu Asa am y cyfammod yr hwn a wnaethe efe a brenin Syria. Yn yr vnfed flwyddyn ar bymthec ar hugain o deyrnasiad Asa y daeth Baasa brenin Israel i fynu yn erbyn Iuda, ac a adailadodd Ramah: fel nad adawe efe [i neb] fyned, na dyfod at Asa brenin Iuda.

²Yna Asa a ddûg allan arian, ac aur o dryssorau tŷ’r Arglwydd, a thŷ’r brenin: ac ai hanfonodd at Benhadad brenin Syna, yr hwn oedd yn trigo yn Damascus gan ddywedyd,

³Cyfammod [sydd] rhyngofi a thi, a rhwng fy nhâd i a’th dâd tithe: wele anfonais atat ti arian, ac aur, dos, torr dy gyfammod a Baasa brenin Israel fel y cilio efe oddi wrthifi.

⁴Felly Benhadad a wrandawodd ar y brenin Asa, ac a anfonodd dywysogion y lluoedd y 182 rhai [oeddynt] ganddo ef yn erbyn dinasoedd Israel, a hwy a darawsant Hion, a Dan, ac Abel-maim: a holl dryssorau dinasoedd Nephthali.

⁵A phan glybu Baasa [hynny,] yna efe a beidiodd ac adailadu Ramah: canys [Asa] a luddiodd ei waith ef.

⁶Yna Asa’r brenin a gymmerth holl Iuda, ac a gludasant gerrig Ramah, ai choed y rhara adailadase Baasa: ac a adailadodd a hwynt Gibea, a Mispah.

⁷Y pryd hynny y daeth Hanani y gweledudd at Asa frenin Iuda: ac a ddywedodd wrtho ef, gan i ti bwyso ar frenin Syria, ac na phwysaist ar yr Arglwydd dy Dduw, am hynny y diangodd llû brenin Syria o’th law di.

⁸Onid oedd yr Ethiopiaid, a’r Lybiaid yn lu dirfawr, a cherbydau, ac a gwŷr meirch yn aml iawn? ond am it bwyso ar yr Arglwydd efe ai rhoddodd hwynt yn dy law di?

⁹Canys y mae llygaid yr Arglwydd yn edrych ar yr holl ddaiar i ymegnio gyd [a’r rhai ydynt] ai calon yn berffaith tu ag atto ef, ynfyd y gwnaethost yn hyn: canys rhyfeloedd bellach fyddant i’th erbyn.

¹⁰Yna y digiodd Asa wrth y gweledudd, ac ai rhoddodd ef mewn carchar-dŷ, canys [yr oedd efe] yn ddiglion wrtho ef am y peth hyn: ac Asa a orthrymmodd [rai] o’r bobl y pryd hynny.

¹¹Ac wele weithrodoedd Asa y rhai cyntaf, a’r rhai diweddaf: ie wele hwynt yn scrifennedic yn llyfr brenhinoedd Iuda, ac Israel.

¹²Ac Asa a glafychodd oi draed yn y bedwaredd flwyddyn ar bymthec ar hugain oi deyrnasiad, nes iw glefyd [ddolurio] yn ddirfawr: etto ni cheisiodd efe yr Arglwydd yn ei glefyd, onid y meddygon.

¹³Felly Asa a hunodd gyd ai dadau: ac a fu farw yn yr vnfed flwyddyn a deugain oi deyrnasiad ef.

¹⁴A chladdasant ef yn ei feddrod yr hwn a wnaethe efe iddo yn ninas Dafydd, a rhoddasant ef i orwedd mewn gwely’r hwn a lawnase efe a phêr aroglau o amryw rywogaethau wedi eu gwneuthur drwy waith apothecari, a hwy a gynneuasant iddo ef gynneu mawr iawn.