Read William Morgan Bible 1588 original edition 2.Cronicl 17 Bible Online

2.Cronicl 17 - William Morgan Bible 1588 original edition bible

2.Cronicl 17

¹Duwiol a llwyddiannus deyrnasiad Iehosaphat. Ac Iehosaphat ei fab ef a deyrnasodd yn ei lê ef: ac a orthrechodd ar Israel.

²Ac efe a roddodd fyddin ym mhob vn o gaeroc ddinasoedd Iuda: ac a roddes raglawiaid yng-wlâd Iuda, ac yn ninasoedd Ephraim y rhai a ennillase Asa ei dad ef.

³A’r Arglwydd a fu gyd ag Iehosaphat: canys efe a rodiodd, yn ffyrdd cyntaf Dafydd ei dad, ac nid ymofynnodd am Baalim.

⁴Eithr Duw ei dâd a geisiodd efe, ac yn ei orchymynnion ef y rhodiodd efe: ac nid yn ôl arfer Israel.

⁵Am hynny’r Arglwydd a siccrhaodd y frenhiniaeth yn ei law ef, a holl Iuda a roddasant anrhegion i Iehosaphat: felly’r ydoedd iddo ef olud, ac anrhydedd yn helaeth.

⁶Ac efe a dderchafodd ei galon yn ffyrdd yr Arglwydd: ac efe a fwriodd ymmaith hefyd yr vchelfeudd a’r llwynau o Iuda.

⁷Yn y drydedd flwyddyn oi deyrnasiad, efe a anfonodd ei dywysogion, sef Benhail, ac Obadia, a Zacharia, Nathaneel hefyd a Michaiahu, i ddyscu drwy ddinasoedd Iuda.

⁸A chyd a hwynt [yr anfonodd efe] y Lefiaid hyn, Semeiahu, a Nethaniahu, a Zebadiahu, ac Asael, a Semiramoth, ac Iehonathan, ac Adoniahu, Tobiahu hefyd, a Thob-adoniahu y Lefiaid: a chyd a hwynt Elisama, ac Ioram yr offeiriaid.

⁹A hwynt a ddyscasant yn Iuda, ac chyd a hwynt [yr oedd] llyfr cyfraith yr Arglwydd: felly’r amgylchasant hwy holl ddinasoedd Iuda, ac y dyscasant y bobl.

¹⁰Ac arswyd yr Arglwydd oedd ar holl deyrnasoedd y gwledydd y rhai [oeddynt] o amgylch Iuda: fel nad ymladdasant hwy yn erbyn Iehosaphat.

¹¹A [rhai] o’r Philistiaid oeddynt yn dwyn i Iehosaphat anrhegion, a theyrnged o arian: yr Arabiaid hefyd oeddynt yn dwyn iddo ef fân yscrubliaid, [sef] saith mîl, a saith gant o hyrddod, a saith mil, a saith gant o fychod.

¹²Felly Iehosaphat oedd yn myned rhagddo, ac yn cynnyddu yn oruchel: ac efe a adailadodd yn Iuda balâsau, a dinasoedd tryssorau.

¹³A llawer o waith oedd ganddo ef yn ninasoedd Iuda: a rhyfel-wŷr cedyrn nerthol yn Ierusalem.

¹⁴Ac dymma eu rhifedi hwynt yn ôl tŷ eu tadau: o Iuda yn dywysogion y miloedd [yr oedd] Adna y tywysog, a chyd ag ef dry-chant mîl [o wŷr] cedyrn nerthol.

¹⁵Ac yn nesaf atto ef Iehohanan y tywysog: a chyd ag ef ddau cant a phedwar vgain mil.

¹⁶A cher llaw iddo ef Amasia mab Zichri yn ei ymroddi ei hun i’r Arglwydd: a chyd ag ef ddau cant mîl [o wŷr] cedyrn nerthol.

¹⁷Ac o Beniamin [yr oedd] Eliada yn [ŵr] cadarn nerthol: a chyd ag ef ddau can-mil yn arfogion o fwâu, a thariannau.

¹⁸A cher llaw iddo ef Iehozabad: a chyd ag ef gant a phedwar vgain mil wedi ymwregysu i’r llû.

¹⁹Y rhai hyn oeddynt yn gwasanaethu’r brenin heb law y rhai a roddase, y brenin yn y dinasoedd caeroc drwy holl Iuda.