Read William Morgan Bible 1588 original edition 2.Cronicl 20 Bible Online

2.Cronicl 20 - William Morgan Bible 1588 original edition bible

2.Cronicl 20

¹Iehosaphat trwy weddi yn ceisio, ac yn cael y fuddugoliaeth yn erbyn ei elynnion. 30 Ei holl deyrnasiad ef. 35 A’r cerydd a gafodd efe am wneuthur cyfammod a’r anffyddlon. Ac wedi hyn meibion Moab, a meibion Ammon a ddaethant, a chyd a hwynt [eraill] o’r Ammoniaid yn erbyn Iehosaphat i ryfel.

²Yna y deuwyd, ac y mynegwyd i Iehosophat gan ddywedyd, tyrfa fawr a ddaeth yn dy erbyn di o’r tu hwnt i’r môr, [sef] o Syria: ac wele [y maent] hwy yn Hason Thamar honno [yw] Engedi.

³Ac Iehosophat a ofnodd, ac a roddes ei fryd ar geisio’r Arglwydd: ac a gyhoeddodd ympryd drwy holl Iuda.

⁴Ac Iuda a ymgasclasant i ymgynghori a’r Arglwydd: canys hwy a ddaethant o holl ddinasoedd Iuda i ymofyn a’r Arglwydd.

⁵Ac Iehosophat a safodd yng-hynnulleidfa Iuda, ac Ierusalem yn nhŷ’r Arglwydd, o flaen y cyntedd newydd.

⁶Ac efe a ddywedodd: ô Arglwydd Dduw ein tadau, onid tydi ydwyt Dduw yn y nefoedd, a thi ydwyt yn llywodraethu ar holl deyrnasoedd y cenhedloedd: ac yn dy law di [y mae] nerth a chadernid, ac nid oes a ddichon dy wrthwynebu di?

⁷Onid ti ein Duw a yrraist ymmaith bresswyl-wŷr y wlâd hon o flaen dy bobl Israel? ac ai rhoddaîst hi i hâd Abraham dy garedigol yn dragywydd?

⁸A thrigasant ynddi: ac a adailadasant i ti yn ddi gyssegr i’th enw, gan ddywedyd,

⁹Os daw niwed arnom ni [sef] cleddyf barnedigaeth, neu haint, neu newyn, ni a safwn o flaen y tŷ hwn, a cher dy fron di (canys dy enw di [sydd] yn y tŷ hwn) am hynny y gwaeddwn arnat yn ein cyfyngdra, gwrando dithe a gwaret [ni.]

¹⁰Ac yn awr wele feibion* Ammon, a Moab, a [thrigolion] mynydd Seir y rhai ni chanhiedaist i Israel fyned attynt pan ddaethant o wlâd yr Aipht: er iddynt hwy droi oddi wrthynt îe heb eu difa:

¹¹Etto wele hwyntwy yn talu i ni: gan ddyfod i’n bwrw ni allan o’th etifeddiaeth di yr hon a wnaethost i ni ei gorescyn.

¹²Oh ein Duw ni, oni ferni di hwynt? canys nid [oes] gennym ni nerth [i sefyll] o flaen y dyrfa fawr hon yr hon sydd yn dyfod i’n herbyn ni: ac ni ŵyddom ni beth a wnawn, ond arnat ti [y mae] ein llygaid.

¹³A holl Iuda oeddynt yn sefyll ger bron yr Arglwydd: eu plant hefyd, eu gwragedd ai meibion

¹⁴Ac Iahziel mab Zacharia, fab Banaia fab Iehiel, fab Mathania y Lefiad o febion Asaph ydoedd [yno, ac] arno ef y daeth yspryd yr Arglwydd yng-hanol y gyunulleidfa.

¹⁵Ac efe a ddywedodd, gwrandewch holl Iuda, a thrigolion Ierusalem, a [thithe] ô frenin Iehosaphat: fel hyn y dywedodd yr Arglwydd wrthych chwi, nac ofnwch chwi, ac nac arswydwch rhac ofn y dyrfa fawr hon, canys nid eiddo chwi y rhyfel, eithr eiddo Duw.

¹⁶Y foru ewch i wared yn eu herbyn hwynt, wele hwynt yn dyfod i fynu wrth darren Ziz: a chwi ai goddiweddwch hwynt yng-hwrr yr afon tu ag anialwch Ieruel.

¹⁷Nid [rhaid] i chwi ymladd yn y [rhyfel] hwn, sefwch yn llonydd, a gwelwch ymwared yr Arglwydd tu ag attoch chwi ô Iuda, ac Ierusalem nac ofnwch, ac nac arswydwch, ewch y foru allan yn eu herbyn hwynt, a’r Arglwydd [fydd] gyd a chwi.

¹⁸Yna Iehosaphat a ymgrymmodd i lawr ar ei wyneb: holl Iuda hefyd, a holl drigolion Ierusalem a syrthiasant ger bron yr Arglwydd gan addoli’r Arglwydd.

¹⁹A’r Lefiaid [y rhai oeddynt] o feibion y Cehathiaid, ac o feibion y Corathiaid a gyfodasant i foliannu Arglwydd Dduw Israel a llef fawr odieth.

²⁰Felly hwynt a gyfodasant yn forau, ac a aethant drwy anialwch Thecoa: ac wrth fyned o honynt, Iehosophat a safodd, ac a ddywedodd, gwrandewch fi ô Iuda, a thrigolion Ierusalem credwch i’r Arglwydd eich Duw, a chwi a siccrheuir, coeliwch ei brophwydi ef, ac chwi a ffynnwch.

²¹Ac efe a ymgynghôrodd a’r bobl, ac a osododd gantorion i’r Arglwydd, a rhai yn moliannu ym mhrydferthwch y cyssegr: pan aent allan o flaen y rhyfel-wŷr yna y dywedent, clodforwch yr Arglwydd o herwydd ei drug aredd [a beru] yn dragywydd.

²²Ac yn yr amser y dechreuasant hwy y gân a’r moliant y rhoddodd yr Arglwydd gynllwynwyr yn erbyn meibion Ammon, a Moab, a [thrigolion] mynydd Seir (y rhai oeddynt yn dyfod yn erbyn Iuda (fel y lladasant bawb ei gilydd.

²³Canys meibion Ammon, a Moab a gyfodasant yn erbyn trigolion mynydd Seir iw difrodi, ac iw difetha [hwynt:] a phan orphennasent hwy drigolion Seir helpiasant ddifa pawb ei gilydd.

²⁴Pan ddaeth Iuda hyd Mispa yn yr anialwch: yna’r edrychasant ar y dyrfa, ac wele hwynt yn gelaneddau yn gorwedd ar y ddaiar, ac heb [vn] diangol.

²⁵Am hynny Iehosaphat ai bobl a ddaeth i sclyfaethu eu hyspail hwynt, a chawsant yn eu mysc hwy lawer o olud, a dillad, a thlysau dymunol, sclyfaethasant iddynt beth anfeidrol: a thri diau y buant yn sclyfaethu’r yspail, canys mawr oedd hi.

²⁶Ac ar y pedwerydd dydd yr ymgynnullasant i ddyffryn y fendith, canys yno y bendithiasant yr Arglwydd: am hynny y gelwir henw y fann honno dyffryn y fendith hyd heddyw.

²⁷Yna holl wŷr Iuda, ac Ierusalem a ddychwelasant gyd ag Iehosaphat eu pennadur hwynt, gan fyned yn ôl i Ierusalem mewn llawenydd: canys yr Arglwydd a roddase lawenydd iddynt hwy ar eu gelynnion.

²⁸A hwynt a ddaethant i Ierusalem a nablau, a thelynau hefyd, ac vdcyrn i dŷ’r Arglwydd.

²⁹Ac ofn Duw fu ar holl deyrnasoedd y ddaiar: pan glywsant hwy fel y rhyfelase yr Arglwydd yn erbyn gelynnion Israel.

³⁰Felly teyrnas Iehosaphat a gafodd lonydd ai Dduw a roddodd iddo ef lonyddwch o amgylch.

³¹Ac Iehosaphat a deyrnasodd ar Iuda: mab pymtheng-mlwydd ar hugain [oedd efe] pan ddechreuodd efe deyrnasu, a phum mhlynedd ar hugain y teyrnasodd efe yn Ierusalem, ac enw ei fam ef [oedd] Azuba merch Silhi.

³²Ac efe a rodiodd yn ffordd Asa ei dad, ac ni chiliodd oddi wrth hi: gan wneuthur yr hyn oedd inion yng-olwg yr Arglwydd.

³³Er hynny, ni thynnwyd yr vchelfeudd ymmaith: canys ni pharatoase y bobl eu calon etto at Dduw eu tadau.

³⁴A’r rhan arall o’r gweithredoedd cyntaf a diweddaf i Iehosaphat: wele hwynt yn scrifennedic ym mysc geiriau Iehu mab Hanani’r hwn ai scrifennodd hwynt yn llyfr brenhinoedd Israel.

³⁵Ac wedi hyn Iehosaphat brenin Iuda a ymgyfeillodd ag Ahazia brenin Israel: hwnnw a ymroddase i ddrygioni.

³⁶Ac efe a vnodd ag ef ar wneuthur llongau i fyned i Tharsis: a gwnaethant longau yn Ezion Gaber.

³⁷Yna Eliezer mab Dodafah o Maresah a brophwydodd yn erbyn Iehosaphat gan ddywedyd: o herwydd i ti ymgyfeillach ag Ahazia, yr Arglwydd a rwygodd dy waith di, a’r llongau a ddrylliwyd fel nad allasant fyned i Tharsis.