Read William Morgan Bible 1588 original edition 2.Cronicl 21 Bible Online

2.Cronicl 21 - William Morgan Bible 1588 original edition bible

2.Cronicl 21

¹Creulondeb a drygioni Ioram yr hwn a deyrnasodd yn lle Iehosaphat. 16 Ac yntef yn cael Dialedd gan y Philistiaid, a thrwy glefyd erchyll. Yna Iehosaphat a hunodd gyd ai dadau, ac a gladdwyd gyd ai henafiaid yn ninas Ddafydd: ac Ioram ei fab a deyrnasodd yn ei le ef.

²Ac iddo ef [yr oedd] brodyr, meibion Iehosaphat, Azaria, ac Iehiel, a Zacharia, ac a Azariahu, a Michael, a Saphatiah: y rhai hyn oll [oeddynt] feibion Iehosaphat brenin Israel.

³Ai tâd hwynt a roddodd iddynt roddion lawer o arian, ac aur, a gwerthfawr bethau gyd a dinasoedd caerog Iuda: ac efe a roddodd y frenhiniaeth i Ioram, canys efe [oedd] y cyntafanedic.

⁴Ac Ioram a gyfododd ar frenhiniaeth ei dad, ac a ymgadarnhaodd, ac a laddodd ei holl frodyr a chleddyf: a [rhai] hefyd o dywysogion Israel.

⁵Mab deuddeng-mlwydd ar hugain [oedd] Ioram pan ddechreuodd efe deyrnasu: ac ŵyth mlynedd y teyrnasodd efe yn Ierusalem.

⁶Ac efe a rodiodd yn ffordd brenhinoedd Israel fel y gwnelse tŷ Ahab, canys merch Ahab oedd yn wraig iddo ef: felly efe a wnaeth yr hyn oedd ddrwg yng-olwg yr Arglwydd.

⁷Ond ni fynne’r Arglwydd ddifetha tŷ Ddafydd er mwyn y cyfammod yr hwn a ammodase efe a Dafydd: fel y dywedase, y rhodde efe iddo oleuni, ac iw feibion byth.

⁸Yn ei ddyddiau ef y gwrthryfelodd Edom oddi tann law Iuda: ac y gosodant frenin i deyrnasu arnynt eu hun.

⁹Ac Ioram a drammwyodd gyd ai dywysogion, ai holl gerbydau gyd ag ef: ac efe a gyfododd liw nos, ac a darawodd yr Edomiaid y rhai oeddynt yn ei amgylchu ef, a thywysogion y cerbydau.

¹⁰Felly Edom a wrthryfelodd rhag [bôd] tann law Iuda hyd y dydd hwn: yna y gwrthryfelodd Libnah y prŷd hynny oddi tann ei law ef: o herwydd iddo ef ymwrthod ag Arglwydd Dduw ei dadau.

¹¹Efe hefyd a wnaeth vchelfeudd ym mynyddoedd Iuda: ac efe a wnaeth i drigolion, Ierusalem butteinio, ac a gymhellodd Iuda [i gau-dduwiaeth.

¹²Daeth hefyd scrifen oddi wrth Elias y prophwyd atto ef gan ddywedyd: fel hyn y dywedodd Arglwydd Dduw Dafydd dy dâd, o herwydd na rodiaist ti yn ffyrdd Iehosaphat dy dâd, nac yn llwybrau Asa brenin Iuda,

¹³Eithr rhodio o honot yn ffordd brenhinoedd Israel, a gwneuthur o honot i Iuda, ac i drigolion Ierusalem butteinio, fel y putteiniodd tŷ Ahab: a lladd o honot dy frodyr hefyd [o] dŷ dy dad, y rhai [oeddynt] well na thi:

¹⁴Wele yr Arglwydd a’th deru di a phlâ mawr, ti a’th bobl: dy feibion hefyd, a’th wragedd, a’th holl olud.

¹⁵A thi [a fyddi] mewn clefydau lawer, mewn clefyd o’th emyscaroedd: nes myned allan o’th goluddion gan y clefyd o ddydd i ddydd.

¹⁶Felly’r Arglwydd a gyffrôdd yn erbyn Ioram yspryd y Philistiaid, a’r Arabiaid y rhai [oeddynt] ger llaw’r Ethiopiaid.

¹⁷A hwynt a ddaethant i fynu i Iuda, ac ai drylliasant hi, caeth-gludasant hefyd yr holl gyfoeth a’r a gafwyd yn nhŷ’r brenin, ai feibion, ai wragedd: ac ni adawyd mab iddo onid Iehoahaz yr ieuangaf oi feibion.

¹⁸Ac wedi hyn oll yr Arglwydd ai tarawodd ef yn ei emyscaroedd ag anaele glefyd.

¹⁹Felly y bu efe o ddyddiau i ddyddiau, ac wedi darfod yspaid dwy flynedd o ddyddiau ei emyscaroedd ef a aethant allan gan ei glefyd, felly y bu efe farw o glefydau drwg: ai bobl ni wnaethant iddo ef y fath gynneuad, ac iw dadau:

²⁰Mab deuddeng-mlwydd ar hugain oedd efe pan ddechreuodd efe deyrnasu, a ŵyth mlynedd y teyrnasodd efe yn Ierusalem: ac efe a rodiodd heb hyfrydwch, a chladdasant ef yn ninas Ddafydd, ond nid ym meddrod y brenhinoedd.