Read William Morgan Bible 1588 original edition 2.Cronicl 23 Bible Online

2.Cronicl 23 - William Morgan Bible 1588 original edition bible

2.Cronicl 23

¹Iehoidah yn peri corôni Ioas. 5 Lladd Athaliah, 17 a dinistrio yr eulyn dduwiau. Ac yn y seithfed flwyddyn yr ymgadarnhaodd Iehoiadah, ac y cymmerodd efe dywysogion y cantoedd, sef Azariah mab Ioram, ac Ismael mab Iohanan, ac Azariah mab Obed, a Maasiah mab Adaiah, ac Elisaphat mab Zichri gyd ag ef mewn cyfammod.

²A hwynt a amgylchasant drwy Iuda, ac a gynnullasant y Lefiaid o Holl ddinasoedd Iuda, a phenau cenedl Israel: ac a ddaethant i Ierusalem.

³A’r holl gynnulleidfa a wnaethant gyfammod a’r brenin yn nhŷ Dduw: ac efe a ddywedodd wrthynt hwy: wele mab y brenin a deyrnasa fel y llefarodd yr Arglwydd am feibion Dafydd.

⁴Dymma y peth yr hwn a wnewch chwi: y drydedd rann o honoch y rhai a ddeuant i mewn [ar] y Sabboth o’r offeiriaid, ac o’r Lefiaid [fyddant] yn borthorion i’r trothwyau.

⁵A’r drydedd rann [fydd] yn nhŷ’r brenin, a’r drydedd rann yn y porth pennaf: a’r holl bobl [a safant] yng-hynteddau tŷ’r Arglwydd.

⁶Ac na ddeled [neb] i dŷ’r Arglwydd, onid yr offeiriaid, a’r gwenidogion o’r Lefiaid, deuant hwy i mewn, canys sanctaidd ydynt: a’r holl bobl a gadwant wiliadwriaeth yr Arglwydd.

⁷A’r Lefiaid a amgylchynant y brenin, pôb vn ai arfau yn ei law, a’r hwn a ddelo i’r tŷ lladder ef: a byddwch gyd a’r brenin pan ddelo efe i mewn, a phan ddelo efe allan.

⁸A’r Lefiaid a holl Iuda a wnaethant yn ôl yr hyn oll a orchymynnase Iehoiadah yr offeiriad, a hwy a gymmerasant bawb eu gwŷr y rhai a oeddynt yn dyfod i mewn [ar] y Sabboth: gyd a’r rhai oeddynt yn myned allan [ar] y Sabboth (canys ni ryddhause Iehoiadah’r offeiriad y dosparthiadau)

⁹Ac Iehoiadah’r offeiriad a roddodd i dywysogion y cantoedd y gwaiw-ffyn, a’r tariannau, a’r estylch y rhai [fuasent] yn eiddo y brenin Dafydd: y rhai [oeddynt] yn nhŷ Dduw.

¹⁰Ac efe a gyfleuodd yr holl bobl, a phob vn ai gleddyf yn ei law, o’r tu dehau i’r tŷ hyd y tu asswy i’r tŷ, yng-hylch yr allor, a’r tŷ, wrth y brenin oddi amgylch.

¹¹Yna y dugasant allan fab y brenin, a rhoddasant y goron arno ef, a’r destiolaeth, ac ai hurddasant ef yn frenin: Iehoiahah hefyd ai feibion ai heneiniasant ef, ac a ddywedasant, byw fyddo’r brenin.

¹²Pan glybu Athaliah drŵst y bobl yn rhedeg, ac yn moliannu y brenin: yna hi a ddaeth at y bobl i dŷ’r Arglwydd.

¹³Pan edrychodd hi, yna wele y brenin oedd yn sefyll yn ei lê wrth y ddyfodfa, a’r tywysogion, a’r vdcyrn o amgylch y brenin, a holl bobl y wlâd yn llawen, ac yn lleisio mewn vdcyrn, a’r cantorion ag offer gerddgar, a’r rhai a fedrent foliannu: yna Athaliah a rwygodd ei gwiscoedd, ac a ddywedodd, bradwriaeth, bradwriaeth.

¹⁴Ac Iehoiadah yr offeiriad a barodd i dywysogion y cantoedd, [sef] swyddogion y llû fyned allan, ac a ddywedodd wrthynt, dygwch hi allan o’r rhessau, a’r hwn a ddelo ar ei hôl hi lladder ef a chleddyf: canys dywedase’r offeiriaid, na ladder hi yn nhŷ’r Arglwydd.

¹⁵Am hynny y gosodasant ddwylo arni hi, a hi a ddaeth tu a’r porth y deue y meirch i dŷ y brenin, ac yno y lladdasant hwy hî.

¹⁶Ac Iehoiadah a wnaeth gyfammod rhyngddo ei hun a’r holl bobl, a’r brenin: i fod yn bobl i’r Arglwydd.

¹⁷Yna’r holl bobl a ddaethant i dŷ Baal, ac ai destruwiasant ef, ai allorau, ei ddelwau hefyd a ddrylliasant hwy: felly y lladasant hwy Mathan offeiriad Baal o flaen yr allor.

¹⁸Ac Iehoiadah a osododd swyddogion [yn] nhŷ’r Arglwydd tann law y Lefiadaidd offeiriaid y rhai a ddosparthase Dafydd yn nhŷ yr Arglwydd i offrymmu poeth offrymmau i’r Arglwydd, fel y mae yn scrifennedic yn llyfr Moses mewn llawenydd a chân: fel y trefnase Dafydd.

¹⁹Ac efe a gyfleuodd y porthorion wrth byrth tŷ’r Arglwydd: fel na ddêle i mewn yr hwn [fydde] aflan mewn dim oll.

²⁰Cymmerodd efe hefyd dywysogion y cantoedd, a’r pendefigion, a’r rhai oeddynt yn arglwyddiaethu ar y bobl, a holl bobl y wlâd, ac efe a barodd i’r brenin ddyfod i wared o dŷ’r Arglwydd, a hwy a ddaethant i fewn porth vchaf tŷ y brenin: a chyfleuasant y brenin ar orseddfa y frenhiniaeth.

²¹A holl bobl y wlâd a lawenychasant, a’r ddinas a fu lonydd wedi lladd o honynt hwy Athaliah a’r cleddyf.