Read William Morgan Bible 1588 original edition 2.Cronicl 27 Bible Online

2.Cronicl 27 - William Morgan Bible 1588 original edition bible

2.Cronicl 27

¹Teyrnasiad Iotham ar Iuda. Mab pum mlwydd ar hugain [oedd] Iotham pan ddechreuodd efe deyrnasu, ac vn mlynedd ar bymthec y teyrnasodd efe yn Ierusalem: ac enw ei fam ef [oedd] Ierusa merch Zadoc.

²Ac efe a wnaeth yr hyn oedd inion yngolwg yr Arglwydd yn ôl yr hyn oll a wnelse Uzzia ei dâd ef, eithr ni ddaeth efe i deml yr Arglwydd: a’r bobl oeddynt etto yn ymlygru.

³Efe a adailadodd y porth vchaf i dŷ’r Arglwydd: ac ar fûr y tŵr yr adailadodd efe lawer.

⁴Dinasoedd hefyd a adailadodd efe ym mynyddoedd Iuda: ac yn y coedydd yr adailadodd efe balâsau, a thŷrau.

⁵Ac efe a ryfelodd yn erbyn brenin meibion Ammon, ac ai gorthrechodd hwynt, a meibion Ammon a roddasant iddo ef gant talent o arian yn y flwyddyn honno, a deng-mil Corus o wenith, a deng-mil Corus o haidd: hyn a roddodd meibion Ammon iddo ef yr ail flwyddyn a’r drydedd.

⁶Felly Iotham a ymgadarnhaodd: canys efe a baratôdd ei ffyrdd ger bron yr Arglwydd ei Dduw.

⁷A’r rhan arall o hanes Iotham, ai holl ryfeloedd ef, ai lwybrau ef: wele y maent yn scrifennedic yn llyfr brenhinoedd Israel ac Iuda.

⁸Mab pum mlwydd ar hugain oedd efe pan ddechreuodd efe deyrnasu: ac vn mlynedd ar bymthec y teyrnasodd efe yn Ierusalem.

⁹Ac Iotham a hunodd gyd ai dadau, a chladdasant ef yn ninas Dafydd: ac Ahaz ei fab ef a deyrnasodd yn ei lê ef.