Read William Morgan Bible 1588 original edition 2.Cronicl 3 Bible Online

2.Cronicl 3 - William Morgan Bible 1588 original edition bible

2.Cronicl 3

¹Gwaith y deml, y porth, ai perthynasau. A Salomon a ddechreuodd adailadu tŷ yr Arglwydd yn Ierusalem ym mynydd Moria: lle yr ymddangosase [yr Arglwydd] i Ddafydd ei dad ef yn y lle yr hwn a ddarparase Dafydd yn llawr dyrnu Ornan y Iebusiad.

²Ac efe a ddechreuodd adailadu ar yr ail [dydd] o’r ail mîs, yn y bedwaredd flwyddyn oi deyrnasiad ef.

³Ac dymma [fesurau] sylfaeniad Salomon wrth adailadu tŷ Dduw, yr hyd [oedd] o gufyddau wrth y mesur cyntaf yn dri vgain cufydd, a’r lled yn vgain cufydd.

⁴A’r porth yr hwn [oedd] wrth dalcen hŷd y tŷ [oedd] vn hŷd a lled y tŷ yn vgain cufydd, ai vchter yn chwech vgain cufydd, ac efe a oreurodd hwn o fewn ag aur pûr.

⁵A’r tŷ mawr a fyrddiodd efe a ffynnid-wŷdd, ac ai goreurodd ag aur da, ac a gerfiodd balm-wŷdd, a chadwynau ar hyd-ddo ef.

⁶Ac efe a wiscodd y tŷ a meîni gwerthfawr yn hardd, a’r aur [oedd] aur Parfaim.

⁷Ie efe a oreurodd y tŷ, y trawstydd, y rhiniogau, ei barwydydd hefyd, ai ddorau ag aur: ac efe a gerfiodd Gerubiaid ar y parwydydd.

⁸Ac efe a wnaeth dŷ y cyssegr sancteiddiolaf, ei hŷd [oedd] vn hyd a llêd y tŷ yn vgain cufydd, ai lêd yn vgain cufydd: ac efe ai goreuodd ef ag aur dâ [sef] a chwe-chant talent.

⁹Ac [yr oedd] pwys yr hoelion o ddêc sicl a deugain o aur, y llofftydd hefyd a oreurodd efe ag aur.

¹⁰Ac efe a wnaeth yn nhŷ y cyssegr sancteiddiolaf ddau Gerub ar waith bechgin, ac ai gwiscasant hwynt hefyd ag aur.

¹¹Ac adenydd y Cerubiaid [oeddynt] vgain cufydd eu hyd, y naill aden o bump cufydd yn cyffwrdd a phared y tŷ: a’r aden arall o bump cufydd yn cyffwrdd ag aden y Cerub arall.

¹²Ac aden y Cerub arall o bump cufydd yn cyffwrdd a phared [arall] y tŷ, a’r aden arall o bump cufydd yng-lyn wrth aden y Cerub arall.

¹³Adenydd y Cerubiaid hyn a ledwyd yn vgain cufydd, a hwythau oeddynt yn sefyll ar eu traed, ai hwynebau tu ag i fewn.

¹⁴Ac efe a wnaeth wahan-lenn o sidan glâs, a phorphor, ac scarlet, a lliain main, ac a gerfiodd Gerubiaid ar hynny.

¹⁵Gwnaeth hefyd ddwy golofn o flaen y tŷ, yn bymthec cufydd ar hugain o hŷd, a chap [pob vn] yr hwn [oedd] ar ei phen o bum cufydd.

¹⁶Ac efe a wnaeth gadwyni wrth y gafell, ac ai rhoddodd ar benn y colofnau: ac efe a wnaeth gant a bomgranadau, ac ai rhoddodd ar y cadwynau.

¹⁷A chyfododd y colofnau o flaen y deml, vn o’r tu dehau, ac vn o’r tu asswy, ac a alwodd henw yr dehau Iachin, a henw yr asswy Boaz.