Read William Morgan Bible 1588 original edition 2.Cronicl 31 Bible Online

2.Cronicl 31 - William Morgan Bible 1588 original edition bible

2.Cronicl 31

¹Gofal Hezecia yn erbyn gau-dduwiaeth, a thros iawn wasanaeth Duw. Pan orphennwyd hyn ei gyd, holl Israel y rhai a gafwyd yn ninasoedd Iuda a aethant allan, ac a ddrylliasant y delwau, ac a dorrasant y llwynau, ac a ddestruwiasant yr vchelfeudd a’r allorau o holl Iuda a Beniamin, yn Ephraim hefyd, a Manasses, nes [eu] difa [hwynt:] yna holl feibion Israel a ddychwelasant bob vn at ei feddiant, iw dinasoedd.

²Ac Hezecia a osododd ddosparthiadau’r offeiriaid, a’r Lefiaid yn eu trefniadau, pob vn yn ôl ei wenidogaeth, yr offeiriaid a’r Lefiaid i’r poeth offrwm, ac i’r ebyrth hedd i weini, i foliannu hefyd, ac i ganmol ym mhyrth gwerssyllau yr Arglwydd.

³A rhan y brenin [oedd] oi olud ei hun yn boeth offrymmau, [sef] yn boeth offrymmau y borau a’r hwyr, ac yn boeth offrymmau ar y Sabbothau, ac ar y newydd loerau, a’r gŵyliau arbennic: fel y mae yn scrifennedic yng-hyfraith yr Arglwydd.

⁴Efe hefyd a ddywedodd wrth y bobl sef trigolion Ierusalem am roddi rhan i’r offeiriaid, a’r Lefiaid: fel yr ymgryfhaent yng-hyfraith yr Arglwydd.

⁵A phan gyhoeddwyd y gair hwn, meibion Israel a ddugasant yn aml flaen-ffrwyth yr ŷd, y gwîn, yr olew hefyd, a’r mêl, ac o holl gnŵd y maes: a’r degwm o bob peth a ddugasant hwy yn helaeth.

⁶A meibion Israel ac Iuda y rhai oeddynt yn trigo yn ninasoedd Iuda, ie hwynt hwy [a ddugasant] ddegwm gwartheg, a defaid, a degwm y pethau cyssegredic y rhai a gyssegrasid i’r Arglwydd eu Duw: dugasant, a dodasant [hwy] bob yn ben-twrr.

⁷Yn y trydydd mîs y dechreuasant hwy seilio y pentyrrau: ac yn y seithfed mis y gorphennasant hwy.

⁸Pan ddaeth Hezecia a’r tywysogion, a gweled o honynt y pentyrrau: yna y bendithiasant yr Arglwydd ai bobl Israel.

⁹Ac Hezecia a ymofynnodd a’r offeiriaid, a’r Lefiaid o herwydd y pentyrrau.

¹⁰Ac Azaria yr offeiriad pennaf o dŷ Zadoc a ddywedodd wrtho ef, ac a lefarodd, er pan ddechreuwyd dwyn offrwm i dŷ’r Arglwydd bwytawsom ac fe a’n digonwyd ni, gweddillasom hefyd amldra mawr, canys yr Arglwydd a fendithiodd ei bobl, a’r amldra hyn a weddillwyd.

¹¹Ar Hezecia a ddywedodd am baratoi celloedd yn nhŷ’r Arglwydd, a hwynt ai paratoasant.

¹²A hwynt a ddugasant y blaen-ffrwyth, a’r degwm, a’r pethau cyssegredic yn ffyddlon: a Chonaniah y Lefiad [oedd] yn flaenor arnynt hwy, a Simei ei frawd ef yn ail.

¹³Iehiel hefyd, ac Azaria, a Nahath, ac Azahel, ac Ierimoth, ac Iozabad, ac Eliel, ac Ismachia, Mahath hefyd, a Benaia [oeddynt] swyddogion tann law Chonaniah, a Simei ei frawd ef drwy orchymyn Hezecia y brenin, ac Azaria [oedd] flaenor yn nhŷ Dduw.

¹⁴A Chore mab Imnah y Lefiad porthor tua’r dwyrain [oedd] ar y pethau a offrymmid yn ewyllyscar i Dduw: i roddi y blaenffrwyth i’r Arglwydd, a’r cyssegredic bethau y rhai a gyssegrasid.

¹⁵A thann ei law ef [yr oedd] Eden, a Miniamin, ac Iesua, a Semaiah, Amariahu, a Secaniahu yn ninasoedd yr offeiriaid mewn ffyddlondeb: i roddi iw brodyr eu rhan, i fawr, ac i fychan.

¹⁶(Heb law y gyrfiaid oi hiliogaeth hwynt o fab tair blwydd ac vchod) i bawb a’r a oedd yn dyfod i dŷ’r Arglwydd traul dydd yn ei ddydd: yn eu gwasanaeth hwynt o fewn eu gorchwyliaethau, yn ôl eu dosparthiadau.

¹⁷Ac i hiliogaeth yr offeiriaid drwy dŷ eu tadau hwynt, a’r Lefiaid, o fab vgain mlwydd ac vchod: yn ôl eu gorchwyliaethau yn eu dosparthiadau.

¹⁸Ac i hiliogaeth eu holl blant hwynt, eu gwragedd hwynt, eu meibion hefyd, ai merched [sef] i’r holl gynnulleidfa: o blegit trwy eu ffyddlondeb hwynt y trinent hwy yn sanctaidd yr hyn oedd sanctaidd.

¹⁹Ac i feibion Aaron yr offeiriaid [y rhai oeddynt] ym meusydd pentrefol eu dinasoedd, ym mhob dinas y gwŷr y rhai a henwasid wrth eu henwau: i roddi rhannau i bob gwryw ym mysc yr offeiriaid, ac i holl hiliogaeth y Lefiaid.

²⁰Ac fel hyn y gwnaeth Hezecia drwy holl Iuda: ac efe a wnaeth yr hyn oedd yn ddâ, ac yn inion, a’r gwirionedd ger bron yr Arglwydd ei Dduw.

²¹Ac ym mhob gwaith yr hwn a ddechreuodd efe yng-wenidogaeth tŷ Dduw, ac yn y gyfraith, ac yn y gorchymyn, gan geisio ei Dduw: efe ai gwnaeth ai holl galon, ac a ffynnodd.