Read William Morgan Bible 1588 original edition 2.Cronicl 35 Bible Online

2.Cronicl 35 - William Morgan Bible 1588 original edition bible

2.Cronicl 35

¹Pasc Iosia, 20 Ei ryfel, 23 Ai farwolaeth. Yna Iosia a gynhaliodd Basc yn Iereusalem: a hwynt a aberthasant y Pasc y pedwerydd [dydd] ar ddêc o’r mîs cyntaf.

²Ac efe a gyfleuodd yr offeiriaid yn eu gorchwyliaethau: ac ai nerthodd hwynt yng-wenidogaeth tŷ’r Arglwydd.

³Dywedodd hefyd wrth y Lefiaid (y rhai oeddynt yn dyscu holl Israel a’r rhai oeddynt sanctaidd i’r Arglwydd) rhoddwch yr Arch sanctaidd yn y tŷ yr hwn a adailadodd Salomon mab Dafydd brenin Israel, na [fydded hi mwyach] i chwi yn faich ar yscwydd: gwasanaethwch yn awr yr Arglwydd eich Duw, ai bobl Israel.

⁴Ymbaratoiwch gan hynny drwy deuluoedd eich tadau yn ôl eich dosparthiadau, fel yr scrifennodd Dafydd brenin Israel, ac yn ôl scrifen Salomon ei fab ef.

⁵A sefwch yn y cyssegr yn ôl dosparthiadau tylwyth tadau eich brodyr meibion y bobl: ac [yn ôl] dosparthiad tŷlwyth tad y Lefiaid.

⁶Felly aberthwch y Pasc: ymsancteiddiwch hefyd, a pharatoiwch eich brodyr i wneuthur yn ôl gair yr Arglwydd drwy law Moses.

⁷Yna Iosia a roddodd i feibion y bobl ddiadell o ŵyn, ac o fynnod ei gyd tu ag at y Pasc aberthau [sef] i bawb a’r a gafwyd hyd rifedi deng-mil ar hugain, a thair mil o eidionnau, hyn [oedd] o gyfoeth y brenin.

⁸Ai dywysogion ef a offrymmasant yn ewyllyscar i’r bobl, i’r offeiriaid, ac i’r Lefiaid: Helcia, a Zacharia, ac Iehiel blaenoriaid tŷ dduw a roddasant i’r offeiriaid tu ag at y Pasc aberthau ddwy fil, a chwe chant [o ddefaid,] a thrŷ chant o eidionnau.

⁹Conania hefyd a Semaiahu, a Nathaneel ei frodyr, ef, Hasabia hefyd, ac Iehiel, ac Iozabad tywysogion y Lefiaid a offrymmasant i’r Lefiaid yn Basc ebyrth bum mil [o ddefaid,] a a thry chant o eidionnau.

¹⁰Felly y paratoiwyd y gwasanaeth: a’r offeiriaid a safasant yn eu llê, a’r Lefiaid yn eu dosparthiadau, yn ôl gorchymyn y brenin.

¹¹A hwynt a aberthasant y Pasc: a’r offeiriaid a daenellasant y [gwaed wedi ei gymmeryd] oi llaw hwynt, a’r Lefiaid oeddynt yn [eu] blingo [hwynt.]

¹²A chymmerasant ymmaith [o’r] poeth offrwm, iw roddi yn ôl dosparthiadau tylwyth tadau meibion y bobl, i offrymmu i’r Arglwydd, fel y mae yn scrifennedic yn llyfr Moses: ac felly am yr eidionnau,

¹³A hwynt a rostiasant y Pasc wrth dân yn ôl y ddefod, a’r cyssegredic bethau a ferwasant hwy mewn crochanau, ac mewn pedill, ac mewn peiriau, ac [ai] rhannasant ar frys i’r holl bobl.

¹⁴Wedi hynny y paratoasant hwy iddynt eu hunain, ac i’r offeiriaid, canys yr offeiriaid eu hunain, ac i’r offeiriaid, canys yr offeiriaid meibion Aaron oeddynt yn offrymmu y poeth offrwm, a’r brasder hyd y nôs: am hynny y Lefiaid oeddynt yn paratoi iddynt eu hunain, ac i’r offeiriaid meibion Aaron.

¹⁵A meibion Asaph y cantorion [oeddynt] yn eu sefyllfa yn ôl gorchymyn Dafydd, ac Asaph, a Heman, ac Ieduthun gweledudd y brenin, a’r porthorion ym mhob porth: ni chaent hwy ymado oi gwasanaeth, canys eu brodyr y Lefiaid a baratoent iddynt hwy.

¹⁶Felly y paratoiwyd holl wasanaeth yr Arglwydd y dwthwn hwnnw, gan gynnal y Pasc, ac offrymmu poeth offrymmau ar allor yr Arglwydd, yn ôl gorchymyn y brenin Iosia.

¹⁷A meibion Israel y rhai a gafwyd, a gynhaliasant y Pasc yr amser hwnnw: a gŵyl y bara croiw saith niwrnod.

¹⁸Ac ni chynhaliasid Basc fel hwnnw yn Israel er dyddiau Samuel y prophwyd: ac ni wnaeth neb o frenhinoedd Israel gyffelib i’r Pasc yr hwn a wnaeth Iosia, a’r offeiriaid, a’r Lefiaid, a holl Iuda, a’r neb a gafwyd o Israel, a thrigolion Ieruslaem.

¹⁹Yn y ddeunawfed flwyddyn o deyrnasiad Iosia y cynhaliwyd y Pasc hwnnw.

²⁰Wedi hyn oll, pan baratoase Iosia y tŷ: Necho brenin yr Aipht a ddaeth i fynu i ryfela yn erbyn Carchemis wrth Euphrates: ac Iosia a aeth allan iw gyfarfod ef.

²¹Yntef a anfonnodd gennadau atto ef gan ddywedyd, beth [sydd] i mi [a wnelwyf] a thi ô frenin Iuda? nid yn dy erbyn di [y daethum i] heddyw, ond yn erbyn tŷ [arall y mae] fy rhyfel i, a Duw a archodd i mi fryssio: paid â Duw yr hwn [sydd] gyd a mi, fel na ddifetho efe di,

²²Ond ni throe Iosia ei wyneb oddi wrtho ef, eithr newidiodd ei ddillad i ymladd yn ei erbyn ef, ac ni wrandawodd ar eiriau Necho [y rhai oeddynt] o enau Duw: ond efe a ddaeth i ymladd i ddyfryn Megido.

²³A’r saethyddion a saethasant y brenin Iosia: yna y brenin a ddywedodd wrth ei weision, dygwch fi ymmaith canys clwyfwyd fi yn dôst.

²⁴Felly ei weision ai tynnasant ef o’r cerbyd, ac ai gosodasant ef yn yr ail cerbyd yr hwn [oedd] ganddo, ef, dugasant ef hefyd i Ierusalem, ac efe fu farw, ac a gladdwyd ym meddrod ei dadau: a holl Iuda, ac Ierusalem a alarasant am Iosia.

²⁵Ieremi hefyd a alar-nadodd am Iosia, a’r holl gantorion, a’r cantoresau yn eu galar-nadau a soniant am Iosia hyd heddyw, a hwy ai rhoddasant hwynt yn ddefod yn Israel: ac wele hwynt yn scrifennedic yn y galar-nadau.

²⁶A’r rhan arall o hanes Iosia ai dduwioldeb ef: (fel y mae yn scrifennedic yng-hyfraith yr Arglwydd)

²⁷Ai weithredoedd ef cyntaf a diweddaf: wele hwynt yn scrifennedic yn llyfr brenhinoedd Israel, ac Iuda.