Read William Morgan Bible 1588 original edition 2.Cronicl 5 Bible Online

2.Cronicl 5 - William Morgan Bible 1588 original edition bible

2.Cronicl 5

¹Salomon yn dwyn i’r deml offrymmau Dafydd, ac Arch yr Arglwydd. 11 Ac yn peri i’r holl Lefiaid ganu moliant i Dduw. Felly y gorphennwyd yr holl waith yr hwn a wnaeth Salomon yn nhŷ yr Arglwydd: a Salomon a ddug yr hyn a gyssegrase Dafydd ei dad, ac a osododd yn nhryssorau tŷ Dduw yr arian, a’r aur, a’r holl lestri.

²Yna y cynhullodd Salomon henuriaid, Israel, a holl bennau y llwythau, pennau cenedl meibion Israel i Ierusalem, i ddwyn i fynu Arch cyfammod yr Arglwydd o ddinas Dafydd, honno [yw] Sion.

³Am hynny holl wŷr Israel a ymgynnullasant at y brenin, a’r vchel-wŷl honno [oedd yn] y seithfed mîs.

⁴A holl henuriaid Israel a ddaethant, a’r Lefiaid a ddugasant yr Arch,

⁵Yna y dugasant i fynu’r Arch, a phabell y cyfarfod, a holl lestri y cyssegr, y rhai [oeddynt] yn y babell, yr offeiriaid Lefiadaidd ai dugasant hwynt i fynu.

⁶Yna y brenin Salomon, a holl gynnulleidfa Israel y rhai a gyfarfuant ag ef o flaen ’r Arch a aberthasant o ddefaid, a gwartheg fwy nag a ellid eu rhifo nai cyfrif gan luosogrwydd.

⁷Felly’r offeiriaid a ddugasant Arch cyfammod yr Arglwydd iw lle, i gafell y tŷ, i’r cyssegr sancteiddiolaf, hyd tann adenydd y Cerubiaid.

⁸A’r Cerubiaid oeddynt yn lledu eu hadenydd tros lê yr Arch: a’r Cerubiaid a gyscodent yr Arch, a thros ei throsolion oddi arnynt.

⁹Pan estynnent y trosolion y gwelyd pennau y trosolion o’r Arch o flaen y gafell, ac ni welyd hwynt oddi allan: yno hefyd y mae hi hyd y dydd hwn.

¹⁰Nid [oedd] yn yr Arch ond y ddwy lêch, y rhai a roddase Moses yn Horeb, llê y gwnaethe yr Arglwydd gyfammod a meibion Israel pan ddaethent hwy allan o’r Aipht.

¹¹A phan ddaeth yr offeiriaid o’r cyssegr (canys yr holl offeiriaid y rhai a gafwyd, a ymsancteiddiasent heb gadw dosparthiad,

¹²Felly y Lefiaid y rhai oeddynt gantorion o honynt hwy oll [sef] o Asaph, o Heman, o Ieduthun, ac oi meibion hwynt, ac oi brodyr, wedi eu gwisco a lliain main, a Symbalau, ac a nablau, a thelynau, yn sefyll o du dwyrain yr allor, a chyd a hwynt chwech vgain o offeiriaid yn vdcanu mewn vdcyrn.

¹³Ac hwyntau yn gydtun a vdganent, ac a ganent, gan seinio vn sain i glodfori, ac i foliannu yr Arglwydd: ac wrth dderchafu sain mewn vdcyrn, ac mewn Symbalau, ac mewn offer cerdd, ac wrth foliannu’r Arglwydd mai da yw, ac mai yn dragywydd [y mae] ei drugaredd ef) yna y llawnwyd y tŷ a niwl [sef] tŷ’r Arglwydd.

¹⁴Ac ni alle yr offeiriaid sefyll i wasanaethu gan y niwl: o herwydd gogoniant yr Arglwydd a lawnase dŷ Dduw.