Read William Morgan Bible 1588 original edition 2.Cronicl 8 Bible Online

2.Cronicl 8 - William Morgan Bible 1588 original edition bible

2.Cronicl 8

¹Y dinasoedd y rhai a adailadodd, ac a ennillodd Salomon. 12 ei aberthau, ai aur ef. Ac wedi yr vgain mhlynedd [yn] y rhai’r adailadodd Salomon dŷ’r Arglwydd, ai dŷ ei hun.

²Yna Salomon a adailadodd y dinasoedd y rhai a roddase Hiram i Salomon: ac a wnaeth i feibion Israel drigo yno.

³A Salomon a aeth i Hemath Sobah: ac ai gorchfygodd hi.

⁴Ac efe a adailadodd Tadmor yn yr anialwch: a holl ddinasoedd y tryssorau y rhai a adailadodd efe yn Hemath.

⁵Efe hefyd a adailadodd Beth-horon vchaf, a Beth-horon isaf: dinasoedd cedyrn o furiau, pyrth, a barrau.

⁶Baalath hefyd, a holl ddinasoedd y tryssorau y rhai oeddynt gan Salomon, a holl ddinasoedd y cerbydau, a dinasoedd y marchogion: a’r hyn oedd ewyllys gan Salomon a fynnodd efe ei adailadu yn Ierusalem, ac yn Libanus, ac yn holl dir ei arglwyddiaeth ef.

⁷Yr holl bobl y rhai a adawyd o’r Hethiaid a’r Amoriaid, a’r Phereziaid, a’r Hefiaid, a’r Iebusiaid y rhai nid oeddynt o Israel:

⁸Oi meibion hwynt y rhai a drigasant ar eu hôl hwynt yn y wlâd, y rhai ni ddifethase meibion Israel: Salomon ai gwnaeth hwynt yn drethawl hyd y dydd hwn.

⁹Ond o feibion Israel ni roddodd Salomon [neb] yn weision yn ei waith ef: canys hwynt [oeddynt] ryfel-wŷr, a thywysogion ei gapteniaid ef, a thywysogion ei gerbydau, ai wŷr meirch ef.

¹⁰Ac dymma dywysogion y swyddogion y rhai [oeddynt] gan y brenin Salomon, [sef] dau cant, a dêc a deugain yn arglwyddiaethu ar y bobl.

¹¹Yna Salomon a ddug ferch Pharao i fynu o ddinas Dafydd i’r tŷ’r hwn a adailadase efe iddi hi: canys efe a ddywedodd, ni thrig fyng-wraig i yn nhŷ Ddafydd brenin Israel, o herwydd sanctaidd yw, o blegit i Arch yr Arglwydd ddyfod i mewn iddo ef.

¹²Yna Salomon a offrymmodd boeth offrymmau i’r Arglwydd ar allor yr Arglwydd, yr hon a adailadase efe o flaen y porth,

¹³I boeth-offrymmu o ddydd i ddydd yn ôl gorchymyn Moses, ar y Sabbothau, ac ar y newydd loerau, ac ar y gŵyliau arbennic dair gwaith yn y flwyddyn: [sef] ar ŵyl y bara croiw, ac ar ŵyl yr wythnosau, ac ar ŵyl y pebyll.

¹⁴Ac efe a osododd’ (yn ôl trefn Dafydd ei dâd ef) ddosparthiadau’r offeiriaid yn eu gwasanaeth, a’r Lefiaid yn eu gorchwyliaeth i foliannu, ac i weini ger bron yr offeiriaid bob dydd yn ei ddydd, a’r porthorion yn eu dosparthiadau wrth bob porth: canys felly [’r oedd] gorchymyn Dafydd gŵr Duw.

¹⁵Ac ni throasant hwy oddi wrth orchymyn y brenin [yr hwn a roddwyd] i’r offeiriaid, a’r Lefiaid am bob peth, ac am y tryssorau.

¹⁶A Salomon a baratôdd yr holl waith er y dydd y seiliwyd tŷ’r Arglwydd nes ei orphen: [felly] y diweddwyd tŷ’r Arglwydd.

¹⁷Yna’r aeth Salomon i Esion-geber, ac i Eloth ar fin y môr yng-wlâd Edom.

¹⁸A Hiram a anfonodd gyd ai weision longau, a gweision cyfarwydd ar y môr, a hwy a aethant gyd a gweision Salomon i Ophir, ac a gymmerasant oddi yno bedwar cant a dêc a deugain talent o aur: ac ai dugasant [hwynt] ac y brenin Salomon.