Read William Morgan Bible 1588 original edition 1.Esdras 3 Bible Online

1.Esdras 3 - William Morgan Bible 1588 original edition bible

1.Esdras 3

¹Adailadaeth yr allor. 6 Offrwm y bobl, tu ag at waith y deml. 11 Ai diolchgarwch i Dduw am gael ei hadailadu. Pan ddaeth y seithfed mîs, a meibion Israel yn eu dinasoedd: yna’r bobl a ymgasclasant i Ierusalem megis vn gŵr.

²Yna y cyfododd Iesua mab Iosadac, ai frodyr yr offeiriaid, a Zorobabel mab Salathiel, ai frodyr, ac a adailadasant allor Duw Israel i offrymmu arni offrymmau poeth, fel yr scrifennasid yng-hyfraith Moses gŵr Duw.

³A hwy a siccrhausant yr allor yn ei llê (canys [yr oedd] arnynt ofn pobl y wlâd) ac a offrymmasant arni boeth offrymmau i’r Arglwydd: borau, a hwyr [yr offrymmasant] boeth offrymmau.

⁴Cadwasant hefyd ŵyl y pebyll, fel y mae yn scrifennedic: a phoeth aberth beunydd tann rifedi, yn ôl y ddefod dogn dydd yn ei ddydd,

⁵Ac wedi hynny y poeth offrwm gwastadol, a’r [offrwm] yn y newydd loerau, a holl sanctaidd osedidic ŵyliau’r Arglwydd, offrwm ewyllyscar pob vn a offrymme o honaw ei hun [a offrymmasant] i’r Arglwydd.

⁶O’r dydd cyntaf i’r seithfed mis y dechreuasant offrymmu poeth offrymmau i’r Arglwydd, a theml yr Arglwydd ni sylfaenasid.

⁷Yna rhoddasant arian i gymmyn-wŷr, ac i seiri, a bwyd a diod, ac olew i’r Sydoniaid, ac i’r Tyriaid, am ddwyn coed cedr o Libanus hyd y môr i Ioppa: yn ôl cennadhâd Cyrus brenin Persia iddynt hwy.

⁸Ac yn yr ail flwyddyn wedi eu dyfod hwynt i dŷ Dduw i Ierusalem yn yr ail mis y dechreuodd Zorobabel mab Salathiel, ac Iesua mab Iosadac, a’r rhan arall oi brodyr hwynt, yr offeiriaid, a’r Lefiaid, a’r rhai oll a ddaethant o’r caethiwed i Ierusalem, ac a osodasant y Lefiaid o fab vgain-mlwydd ac vchod i oruwchwilio ar waith tŷ’r Arglwydd.

⁹Yna y safodd Iesua ai feibion, ai frodyr, Cadmiel hefyd, ai feibion, [sef] meibion Iuda yn gydtûn i oruchwilio ar weith-wŷr y gwaith yn nhŷ Dduw, [a] meibion Henadad, ai meibion hwythau, ai brodyr y Lefiaid.

¹⁰A’r seiri a sylfaenasant deml yr Arglwydd, ac a osodasant yr offeiriaid yn eu gwiscoedd, ag vdcyrn, a’r Lefiaid meibion Asaph a Symbalau i foliannu’r Arglwydd yn ôl dull Dafydd brenin Israel.

¹¹A chanâsant wrth foliannu, ac wrth glodfori yr Arglwydd, mai dâ oedd, mai yn dragywydd [yr ydoedd] ei drugaredd ef ar Israel: a’r holl bobl a floeddiasant a bloedd fawr, gan foliannu yr Arglwydd am sylfaenu tŷ’r Arglwydd.

¹²A llawer o’r offeiriaid, a’r Lefiaid, a’r pennau cenedl hynaf y rhai a welsent y tŷ cyntaf ar ei sylfaen [a’r] tŷ hwn yn eu glowg, a ŵylasant a llêf vchel: a llawer oeddynt yn derchafu llef mewn bloedd gorfoledd.

¹³Ac nid oedd y bobl yn anabod sain bloedd y llawenydd oddi wrth sain ŵylofain y bobl: canys y bobl oeddynt yn bloeddio a bloedd fawr, a’r sŵn glywid ym mhell.