Read William Morgan Bible 1588 original edition 1.Esdras 4 Bible Online

1.Esdras 4 - William Morgan Bible 1588 original edition bible

1.Esdras 4

¹Rhai yn rhwystro gwaith y deml, eu llythyrau hwynt at Artaxerxes, ai atteb yntef. Yna gwrthwyneb-wŷr Iuda, a Beniamin a glywsant fod meibion y gaeth-glud yn adailadu teml i Arglwydd Dduw Israel.

²Ac a ddaethant at Zorobabel, ac at y pennau cenedl, ac a ddywedasant wrthynt, adailadwn gyd a chwi: canys fel chwithau i ceisiwn eich Duw chwi, ac iddo ef yr ydym ni yn aberthu er dyddiau Esarhadon brenin Assyria’r hwn a’n dûg ni i fynu ymma.

³Yna y dywedodd Zorobabel, ac Iesua, a’r rhan arall o bennau cenedl Israel wrthynt: nid [yw] i chwi ac i ninne adailadu tŷ ein Duw ni: eithr nyni a gyd adailadwn i Arglwydd Dduw Israel megis i’n gorchymynnodd y brenin Cyrus brenin Persia.

⁴A phobl y wlâd oedd yn anghysuro pobl Iuda, ac yn eu rhwystro hwynt i adailadu,

⁵Ac yn cyflogi cynghor-wŷr yn eu herbyn hwynt i ddiddymmu eu cyngor hwynt holl ddyddiau Cyrus brenin Persia: ac hyd deyrnasiad Darius brenin Persia.

⁶Ac yn nheyrnasiad Ahasferus, yn nechreuad ei deyrnasiad ef yr scrifennasant achwyn yn erbyn trigolion Iuda, ac Ierusalem.

⁷Ac yn nyddiau Artaxerzes yr scrifennodd Bislam, Mithridates, Tabeel, a’r rhan arall oi gyfeillion ef at Artaxerxes brenin Persia, ac scrifen y llythr a scrifennwyd yn Syrian-aec, ac a eglurwyd yn Syrian-aec.

⁸Rehum y cofiadur, a Simsai yr scrifennydd a scrifennasant vn llythr yn erbyn Ierusalem at Artaxerxes y brenin fel hyn.

⁹Yna [yr oedd] Rehum y cofiadur, a Simsai yr scrifennydd, a’r rhan arall oi cyfeillion: y Dinaaid, yr Apharsatheaid, y Tharpeliaid, y Persiaid, yr Archeaid, y Babiloniaid, y Susanniaid, y Dehafeaid, yr Elamiaid,

¹⁰A’r rhan arall o’r bobl y rhai a ddugase Asnapper mawr ac enwoc, ac a osodase efe yn ninasoedd Samaria, a’r rhan arall tu hwnt i’r afon yn anfon annerch.

¹¹Dymma ystyr y llythr yr hwn a anfonasant atto ef [sef] at Artaxerxes y brenin.DY WASANAETH-WYR o’r tu hwnt i’r afon, yn anfon annerch.

¹²Fel y byddo hyspys i’r brenin fod yr Iddewon y rhai a ddaethant i fynu oddi wrthit ti, wedi dyfod attom ni i Ierusalem [ac] yn adailadu y ddinas wrthryfelgar ddrygionus, a’r muroedd a sylfaenasant hwy, ac a gyweiriasant y sylfaenau.

¹³Yn awr bydded hysbys i’r brenin, os adailedir y ddinas honuo a gorphen ei chaer, na roddant doll, deyrnged, na thrêth, felly y drygi dryssor y brenhinoedd.

¹⁴Ac yn awr o herwydd ceisio o honom ddinistrio y deml, ac nad oedd weddaidd gweled gwarth y brenin, am hynny’r anfonasom, ac yr yspysasom i’r brenin.

¹⁵Fel y ceisier yn llyfr hystoriâu dy dadau, a thi a gei yn llyfr yr hystoriâu, ac a elli ŵybod fod y ddinas hon yn ddinas wrthryfelgar, niweidiol i frenhinoedd, a thalaithau: a bod yn gwneuthur brâdfwriad o fewn hon erioed, am hynny y dinistriwyd y ddinas hon.

¹⁶Yr ydym yn yspysu i’r brenin, os y ddinas hon a adailedir, ai murau a sylfaenir, o herwydd hynny na fydd eiddo ti y rhan [sydd] o’r tu hwnt i’r afon.

¹⁷Anfonodd y brenin air at Rehum y cofiadur, a Simsai’r scrifennydd, a’r rhan arall oi cyfeillion hwynt y rhai a drigent yn Samaria: a’r rhan arall tu hwnt i’r afon [gan erchi] tangneddyf, ac annerch.

¹⁸Y llythr yr hwn a anfonasoch attaf a ddarllenwyd yn eglur ger fy mron.

¹⁹Yna y gosodais orchymyn, a cheisiwyd a chafwyd fod y ddinas honno erioed yn ymdderchafu yn erbyn brenhinoedd, a gwneuthur ynddi anufydd-dod, a gwrthryfel,

²⁰A brenhinoedd cryfion a fuant ar Ierusalem, yn llywodraethu ar bawb o’r tu hwnt i’r afon, ac iddynt hwy y rhoddid toll, teyrnged, a thrêth.

²¹Yn awr rhoddwch orchymyn i beri i’r gwŷr hynny beidio, ac nad adailader y ddinas honno hyd oni roddwyf orchymyn.

²²A gwiliwch wneuthur yn ymryfus yn hyn, pa ham y tŷf llwgredigaeth yn niwed i’r brenin?

²³Yna pan ddarllenwyd ystyr llythr Artaxerxes y brenin o flaen Rehum, a Simsai’r scrifennydd, ai cyfeillion, hwyntau a aethant ar frŷs i Ierusalem yn erbyn yr Iddewon, ac a wnaethant iddynt beidio drwy fraich, a chryfdwr.

²⁴Yna y peidiodd gwaith tŷ Dduw’r hwn [oedd] yn Ierusalem, ac y bu yn sefyll hyd yr ail flwyddyn o deyrnasiad Darius brenin Persia.