Read William Morgan Bible 1588 original edition 1.Esdras 7 Bible Online

1.Esdras 7 - William Morgan Bible 1588 original edition bible

1.Esdras 7

¹Esdras trwy gennad y brenin yn dyfod i Ierusalem. 27 Ac yn moliannu Duw yno. Ac wedi y pethau hyn yn nheyrnasiaid Artaxerxes brenin Persia [’r oedd] Esdras mab Saraia, fab Asaria, fab Helcia,

²Fab Salum, fab Zador, fab Ahitob.

³Fab Amaria, fab Asaria, fab Meraioth,

⁴Fab Zeraiah, fab Uzzi, fab Bucei,

⁵Fab Abusia, fab Phinehes, fab Eleazar, fab Aaron yr offeiriad pennaf.

⁶Yr Esdras hwn a aeth i fynu o Babilon, ac efe yn scrifennudd cyflym yng-hyfraith Moses yr hon a roddase Arglwydd Dduw Israel, a’r brenin a roddes iddo ef (fel yr [ydoedd] llaw’r Arglwydd ei Dduw arno ef) ei holl ddymuniad.

⁷A [llawer] a aethant i fynu o feibion 197 Israel, ac o’r offeiriaid, a’r Lefiaid, a’r cantorion, a’r porthorion, a’r Nethinaid, i Ierusalem, yn y seithfed flwyddyn o’r brenin Artaxerxes.

⁸Ac efe a ddaeth i Ierusalem yn y pummed mis, hynny [oedd] yn y seithfed flwyddyn i’r brenin.

⁹Canys ar y [dydd] cyntaf o’r mîs cyntaf [y bu] efe yn achos i ddyfod i fynu o Babilon, ac ar y [dydd] cyntaf o’r pummed mis y daeth efe i Ierusalem fel [yr oedd] daionus law ei Dduw gyd ag ef.

¹⁰Canys Esdras a osodase ei galon ar geisio cyfraith yr Arglwydd, ac ar wneuthur, a dyscu yn Israel ddeddfau, a barn.

¹¹Ac dymma ystyr y llythr yr hwn a roddodd y brenin Artaxerxes i Esdras yr offeiriad a’r scrifennudd, [sef] scrifennudd geriau gorchymynnion yr Arglwydd, ai ddeddfau ef i Israel.

¹²Artaxerxes brenin y brenhinoedd at Esdras yr offeiriad, scrifennudd deddf Duw y nefoedd yn anfon annerch.

¹³Myfi a osodais orchymyn, mai pwy bynnac yn fy nheyrnas i o bobl Israel, yr offeiriaid, a’r Lefiaid sydd ewyllyscar i fyned i Ierusalem, a gaiff fyned gyd a thi.

¹⁴Am hynny i’th yrryr oddi wrth y brenin a saith o gynghorriaid i ymweled ag Iuda, ac ag Ierusalem, wrth gyfraith dy Dduw yr hon [sydd] yn dy law di:

¹⁵Ac i ddwyn arian, ac aur yr hwn a offrymmodd y brenin ai gynghoriaid o honynt eu hunain i Dduw Israel, (yr hwn[y mae] ei bresswylfa yn Ierusalem)

¹⁶A’r holl arian, a’r aur yr hyn a geffech di yn holl dalaith Babilon o wirfodd y bobl a’r offeiriaid, y rhai a offrymmant o honynt eu hunain tu ag at dŷ eu Duw yn Ierusalem,

¹⁷Fel y prynech yn ebrwydd a’r arian hynny ychen, hyrddod, ŵyn, ai bwyd offrymmau, ai diod offrymmau, ac offrwm hwynt ar allor tŷ eich Duw yn Ierusalem.

¹⁸A’r hyn a fyddo dâ gennit ti, a chan dy frodyr wneuthur a’r rhan arall i’r arian, ac i’r aur, gwnewch yn ôl ewyllys eich Duw.

¹⁹A’r llestri y rhai a roddwyd it tua gwasanaeth tŷ dy Dduw, dod ti adref o flaen dy Dduw [yn] Ierusalem.

²⁰A’r rhan arall o anghenrhaid tŷ dy Dduw’r hyn a ddigwyddo it ei roddi, a roddi dio dryssor-dŷ’r brenin.

²¹A myfi y brenin Artaxerxes ydwyf yn gosod gorchymyn i holl dryssor-wŷr tu hwnt i’r afon, beth bynnac a geisio Esdras (offeiriad, [ac] scrifennydd Deddf Duw’r nefoedd) gennych, gwneler yn ebrwydd.

²²Hyd gant talent o arian, ac hyd gant Corus o wenith, ac hyd gant Bath o win, ac hyd gant Bath o olew, a hâlen heb fesur.

²³Beth bynnac [sydd] wrth gyfraith Duw yr nefoedd, gwneler yn ebrwydd i dŷ Duw’r nefoedd, fel na byddo ef lidiawgrwydd ef yn erbyn teyrnas y brenin ai feibion?

²⁴Yr ydym yn yspyssu i chwi hefyd [am] yr holl offeiriaid, Lefiaid, psalmyddion, porthorion, Nethiniaid, a gwenidogion y tŷ Duw hwn na ellir bwrw arnynt doll, teyrn-ged, na thrêth,

²⁵Tithe Esdras yn ôl doethineb dy Dduw yr hon [sydd] yn dy law, gosot farn-wŷr, ac ynadon i farnu’r holl bobl o’r tu hwnt i’r afon, o’r rhai oll a fedrant gyfraith dy Dduw: a dyscwch y rhai ni fedrant.

²⁶Pwy bynnac ni fyddo’n cadw cyfraith dy Dduw, a chyfraith y brenin, gwneler barn yn ebrwydd am dano ef, y naill ai i farwolaeth, ai i herwriaeth, ai i ddirwy o dda, neu i garchar.

²⁷Bendigedic yw Arglwydd Dduw ein tadau’r hwn a roddes fel hyn yng-halon y brenin, i adailadu tŷ’r Arglwydd yr hwn [sydd] yn Ierusalem.

²⁸Ac a barodd i mi drugaredd, o flaen y brenin, ai gynghoriaid, ac o flaen holl gedyrn dywysogion y brenin, a mi a gynnorthwywyd (fel [yr oedd] llaw yr Arglwydd fy Nuw arnafi) a chesclais bennaethiaid Israel i fyned i fynu gyd a mi.