Read William Morgan Bible 1588 original edition 1.Esdras 8 Bible Online

1.Esdras 8 - William Morgan Bible 1588 original edition bible

1.Esdras 8

¹Rhifedi y rhai a ddaethant gyd ag Esdras i Ierusalem, 21 Eu hympryd hwynt. 24 Pwys y llestri y rhai a ddug efe i Ierusalem: a swydd yr offeiriaid yn eu cadw hwynt. Ac dymma eu pennau cenedl hwynt ai hachau hwynt, y rhai a ddaethant i fynu gyd a mi (yn nheyrnasiad Artaxerxes y brenin) o Babilon.

²O feibion Phinehes Gersom, o feibion Ithamar Daniel, o feibion Dafydd Hattus.

³O feibion Zechaniah, o feibion Pharos Zachariah, a chyd ag ef y rhifwyd wrth eu hachau gant, a dêc a deugaiu o wŷr.

⁴[Ac] o feibion tywysog Moab, Eliohenai mab Zerahia, a chyd ag ef ddau cant o wŷr.

⁵O feibion Iecania, mab Iahasiel, a chyd ag ef dry-chant o wŷr.

⁶O feibion Adin, Abed mab Ionathan a chyd ag efddêc a deugain o wŷr.

⁷Ac o feibion Elam, Isai mab Athalia, a chyd ag ef ddêc a thrugain, o wŷr.

⁸Ac o feibion Saphatia, Zebadia mab Michael: a chyd ag ef bedwar vgain o wŷr.

⁹O feibion Ioab, Obadia mab Iehiel: a chyd ag ef ddau cant a deunaw o wŷr.

¹⁰Ac o feibion Selomith, mab Iosiphiah, a chyd ag ef wyth vgain o wŷr.

¹¹Ac o feibion Bebai, Zachari mab Bebai: a chyd ag ef ŵyth ar hugain o wŷr.

¹²Ac o feibion Asgad, Iohanan mab Haccatan: a chyd ag ef ddeng-wr a chant.

¹³Ac o feibion Adonicam y rhai olaf, dymma hefyd eu henwau hwynt Eliphelet, ac Iehiel, a Samaiah: a chyd a hwynt orugain o wŷr.

¹⁴Ac o feibion Biguai, Uthai, a Zabud: a chyd a hwynt ddêc a thrugain o wŷr.

¹⁵A chesclais hwynt wrth yr afon yr hon sydd yn myned i Ahafa, ac yno y gwerssyllasom ni dridiau: ac mi a ystyrriais y bobl, a’r offeiriaid, ond ni chefais yno [neb] o feibion Lefi.

¹⁶Yna’r anfonais at Eliezer, [ac] at Ariel, [ac] at Semeiah, ac at Elnathan, ac at Iarib, at Elnathan, ac at Nathan, ac at Zacharia, ac at Mesulam y pennaethiaid: at Ioiarib hefyd, ac at Elnathan y rhai doethion.

¹⁷A rhoddais orchymynnion gyd a hwynt at Ido pennaeth yn y fann [a elwir] Casphia: a gosodais yn eu pennau hwynt eiriau iw traethu wrth Ido, ai frodyr y Nethiniaid yn y fann [a elwir] Casphia, am ddwyn attom ni wenidogion i dy ein Duw.

¹⁸A hwy a ddugasant attom (fel[yr oedd] daionus law Dduw gyd ani) ŵr deallgar o feibion Mahali fab Lefi, fab Israel, sef Serabiah ai feibion, ai frodyr yn ddau-naw.

¹⁹A Hasabia, a chyd ag ef Isai o feibion Merari ai frodyr, ai meibion [sef] vgain.

²⁰Ac o’r Nethiniaid y rhai a roddase Dafydd, a’r tywysogion yng-wasanaeth y Lefiaid [sef] dau cant, ac vgain o Nethiniaid: hwynt oll a yspyssasyd erbyn [eu] henwau.

²¹Ac yna wrth Afon Ahafa y cyhoeddais ympryd, i ymgystuddio ger bron ein Duw ni, gan geisio ganddo ef ffordd inion i ni, ac i’n plant ac i’n golud oll.

²²Canys cywilydd oedd gennif geisio gan y brenin fyddin, a gwŷr meirch i’n cynnorthwyo rhag y gelyn ar hyd y ffordd: canys llefarasem wrth y brenin gan ddywedyd: llaw ein Duw ni [fydd] ar bawb ai ceisiant ef mewn daioni, ai gryfdwr, ai ddigter yn erbyn pawb ai gadawant ef.

²³Am hynny yr ymprydiasom, ac yr ymbiliasom a’n Duw am hyn: ac efe a wrandawodd arnom.

²⁴Yna y nailltuais ddeuddec o bennaethiaid yr offeiriaid: Sarabia, Hasabia, a dêc oi brodyr gyd a hwynt.

²⁵Yna y pwysais i attynt hwy yr arian, a’r aur, a’r llestri, [sef] offrwm tŷ ein Duw ni, yr hyn a offrymmase’r brenin, ai gynghoriaid, ai dywysogion, a holl Israel y rhai a gawsid [yno.]

²⁶Ie pwysais iw dwylo hwynt, chwe-chant a dêc a deugain talent o arian, a llestri arian o gant talent, [a] chant talent o aur.

²⁷A dêc o orflychau aur, o fil o ddracmonau, a dau o lestri o brês melyn dâ morr brydferth ag aur.

²⁸A dywedais wrthynt, sanctaidd [ydych] chwi i’r Arglwydd, a’r llestri [ydynt] sanctaidd: yr arian hefyd, a’r aur [sydd] yn offrwm gwirfodd i Arglwydd Dduw eich tadau.

²⁹Gwiliwch, a chedwch hyd oni phwysoch [hwynt] o flaen pennaethiaid yr offeiriaid, a’r Lefiaid, a phennau cenedl Israel yn Ierusalem, [yn] nhryssorau tŷ’r Arglwydd.

³⁰Felly’r offeiriaid, a’r Lefiaid a gymmerasant bwys yr arian, a’r aur, a’r llestri, iw dwyn i Ierusalem i dŷ ein Duw ni.

³¹A chychwnnasom oddi wrth afon Ahafa ar y deuddecfed [dydd] o’r mis cyntaf, i fyned i Ierusalem: a llaw ein Duw oedd gyd a ni, ac a’n gwaredodd o law y gelyn, a’r rhai oeddynt yn brâd-fwriadu ar y ffordd.

³²Daethom hefyd i Ierusalem, ac arhosasom yno dridiau.

³³Ac ar y pedwerydd dydd y pwyswyd yr arian, a’r aur, a’r llestri yn nhŷ ein Duw ni i law Meremoth fab Uria’r offeiriad: ac Eleazar mab Phinehes gyd ag ef: ac Iosabad mab Iesua, a Noadia mab Bennoi y Lefiaid [oeddynt] gyd a hwynt.

³⁴[Yr oeddynt]yn y rhifedi, [ac] yn y pwys [y rhoddasid] hwynt at bob vn, a’r holl bwysau a scrifennwyd y pryd hynny.

³⁵Meibion y gaeth-glud y rhai a ddaethant o’r caethiwed a offrymmasant boeth offrymmau i Dduw Israel, [sef] deuddec o fustych dros holl Israel, onid pedwar pum hugain o hyrddod, amyn tri pedwar vgain o ŵyn, [a] deuddec o fychod yn bech-aberth: y cwbl [oedd] yn offrwm poeth i’r Arglwyydd.

³⁶A rhoddasant orchymyn y brenin at bendefigion y brenin, a’r tywysogion tu hwnt i’r afon: a hwynt a gynnorthwyasant y bobl, a thŷ Dduw.