Read William Morgan Bible 1588 original edition Nehemias 1 Bible Online

Nehemias 1 - William Morgan Bible 1588 original edition bible

Nehemias 1

¹Nehemias yn gofidio o herwydd dryg-fyd Ierusalem. 5 Yn cyfaddef anwiredd y bobl. 8 Ac yn gweddio trostynt hwy. Geiriau Nehemias mab Hacalia, ym mis Cisleu [ar] yr vgainfed flwyddyn, pan oeddwn i ym mrenhin-lys Susan,

²Yna y daeth Hanani vn o’m brodyr, efe a gwŷr o Iuda: a gofynnais iddynt am yr Iddewon a ddianghasent, y rhai a adawsid o’r caethiwed, ac am Ierusalem.

³A hwynt a ddywedasant wrthif, y gweddillion y rhai a adawyd o’r gaethglud yno yn y dalaith [ydynt] mewn blinder mawr, a gwradwydd: mûr Ierusalem hefyd a ddrylliwyd, ai phyrth a loscwyd a thân.

⁴A phan glywais y geiriau hyn, myfi a eisteddais, ŵylais hefyd, a galêrais ddyddiau [lawer:] a bum yn ymprydio, ac yn gweddio ger bron Duw y nefoedd,

⁵A dywedais, attolwg Arglwydd Dduw y nefoedd, (y Duw mawr, ac ofnadwy, yr hwn sydd yn cadw cyfammod a thrugaredd i’r rhai ai carant ef, ac a gadwant ei orchymynnion)

⁶Bydded attolwg dy glust yn clywed, a’th lygaid yn agored i wrando ar weddi dy wâs, yr hon yr ydwyfi yn ei gweddio ger dy fron di ddydd a nôs dros feibion Israel dy weision: ac yn cyffessu pechodau meibion Israel y rhai a bechasom i’th erbyn, mynne hefyd a thy-lwyth fy nhâd a bechasom.

⁷Gan lygru y llygrasom i’th erbyn: ac ni chadwasom y gorchymynnion, na’r barnedigaethau, y rhai a orchymynnaist i Moses dy wâs.

⁸Cofia attolwg y gair yr hwn a orchymynnaist wrth Moses dy wâs gan ddywedyd: chwi a drosseddwch, mynne a’ch gwascaraf chwi ym mysc y bobloedd.

⁹Ond [os] dychwelwch attafi, a chadw fyng-orchymynnion, ai gwneuthur hwynt: pe bydde eich gwthiad chwi hyd eithaf y nefoedd, [etto] mi a’ch casclaf chwi oddi yno, ac a’ch dygaf i’r lle’r hwn a etholais i drigo o’m henw ynddo.

¹⁰A hwynt [ydynt] dy weision, a’th bobl: y rhai a ryddhêaist a’th fawr allu, ac a’th law nerthol.

¹¹Attolwg Arglwydd bydded yn awr dy glust yn gwrando ar weddi dy wâs, ac ar weddi dy weision y rhai ydynt yn ewyllysio ofni dy enw, llwydda hefyd attolwg dy wâs heddyw, a chaniadhâ iddo [gael] trugâredd ger bron y gŵr hwn: canys myfi oeddwn drulliad i’r brenin.