Read William Morgan Bible 1588 original edition Nehemias 3 Bible Online

Nehemias 3 - William Morgan Bible 1588 original edition bible

Nehemias 3

¹Y rhai oeddynt yn adailadu caerau Ierusalem. Yna Eliasib yr arch-offeiriad a gyfododd, ai frodyr yr offeiriaid, ac a adailadasant borth y defaid, hwynt ai cyssegrasant ef, ac a godasant ei ddorau ef: îe hyd dŵr Meah y cyssegrasant ef, [ac] hyd dŵr Hananeel.

²A cher llaw iddo ef gwŷr Iericho a adailadasant: ger llaw iddo ef hefyd yr adailadodd Zaccur mab Imri.

³A meibion Hasenah a adailadasant borth y pyscod: hwynt hwy ai styllennasant ef, ac a osodasant ei ddorau, ei glôau, ai farrau.

⁴A cher eu llaw hwynt y cyweiriodd Meremoth mab Uria fab Haccos, a cher eu llaw hwynt y cyweiriodd Mesulam mab Bereciah fab Mesezabel: a cher eu llaw hwynt Zadoc mab Baana a gyweiriodd.

⁵A cher llaw iddynt hwy y cyweiriodd y Thecoaid: ond y gwŷr mawr ni osodasant eu gwddf yng-wasanaeth eu Harglwydd.

⁶Ac Iehoiada mab Paseach, a Mesulam mab Besodeiah a gyweiriasant yr hên borth, hwynt ai styllennasant ef, ac a osodasant i fynu ei ddorau, ai glôau, ai farrau.

⁷A cher eu llaw hwynt y cyweiriodd Melathia y Gibeoniad, ac Iadon y Meronothiad, gwŷr Gibeon a Mispa, hyd orseddfa y duwc [yr hwn oedd] tu hwynt i’r afon.

⁸Ger llaw iddo ef y cyweiriodd Uzziel mab Harhoiah [gyd a’r] eurŷchod, a cher llaw iddo ef y cyweiriodd Hanamah mab [vn] o’r apothecariaid: a hwynt a gyweiriasant Ierusalem hyd mûr llydan.

⁹A cher eu llaw hwynt y cyweiriodd Rephaiah mab Hur (tywysog hanner taiaith Ierusalem)

¹⁰A cher llaw iddynt hwy y cyweiriodd Iedaiah mab Harumaph ar gyfer ei dŷ: a Hattus mab Hasabina a gyweiriodd ger llaw iddo yntef.

¹¹Malciah mab Harim, ac Aasub mab tywysog Moab a gyweiriasant yr ail mesur: a thŵr y ffyrnau.

¹²A cher llaw iddo ef y cyweiriodd Salum mab Haloches (tywysog hanner talaith Ierusalem) efe ai ferched.

¹³Porth y glynn a gyweiriodd Hanun, gyd a thrigolion Zanoah, hwynt hwy ai hadailadasant ef, ac a osadasant ei ddorau ef, ei glôau, ai farrau: a mîl o gufyddau [oedd] yn y mûr hyd borth y domm.

¹⁴Ond porth y domm a gyweiriodd Malciah mab Rechab tywysog talaith Bethhaccarem: efe ai hadailadodd, ac a osododd ei ddorau, ei glôau, ai farrau.

¹⁵A Salun mab Col-hosah tywysog talaith Mispa a gyweiriodd borth y ffynnon, efe ai hadailadodd, ac ai tôdd, ac a osododd ei ddorau ef, ei glôau, ai farrau: a mûr pyscod-lynn Selah yng-ardd y brenin, ac hyd y grissiau y rhai ydynt yn descyn o ddinas Dafydd.

¹⁶Ar ei ôl ef y cyweiriodd Nehemiah mab Azbub tywysog hanner talaith Beth-zur: hyd ar gyfer beddrod Dafydd, ac hyd y pyscod-lynn yr hwn a wnelsid, ac hyd dŷ y cedyrn.

¹⁷Ar ei ôl ef y Lefiaid a gyweiriasant, Rehum mab Bani: [a] cher llaw iddo ef y cyweiriodd Hasabiah tywysog hanner talaith Ceilah yn ei frô ei hun.

¹⁸Ar ei ôl ef eu brodyr hwynt a gyweiriasant, Bafai mab Henadad tywysog hanner talaith Ceilah.

¹⁹A cher llaw iddo ef y cyweiriodd Ezer mab Iesua tywysog Mispa yr ail mesur, ar gyfer y ddringfa i gongl yr arfau.

²⁰Ar ei ôl ef Baruc mab Zabbai yn awyddus a gyweiriodd y mesur arall, o’r ystym hyd ddrws tŷ Eliasib yr arch-offeiriad.

²¹Ar ei ôl ef Meremoth mab Uria fab Haccos a gyweiriodd y mesur arall, o ddrws tŷ Eliasib hyd dalcen tŷ Eliasib.

²²Ac ar ei ôl ef yr offeiriaid, [a] gwyr y gwastadedd a gyweiriasant.

²³Ar ei ôl ef y cyweiriodd Beniamin, a Hassub gyferbyn ai dŷ: wedi yntef Azaria mab Maaseiah fab Ananiah a gyweiriodd wrth ei dy yntef.

²⁴Ar ei ôl yntef Binnui mab Henadad a gyweiriodd fesur arall: o dŷ Azaria hyd yr ystym, ac hyd y gongl.

²⁵Palal mab Uzai [a adnewyddodd] ar gyfer yr ystym, a’r tŵr vchel yr hwn sydd yn myned allan o dŷ’r brenin i gyntedd y carchar: ar ei ôl ef Pedaia mab Pharos.

²⁶A’r Nethiniaid y rhai oeddynt yn trigo yn y tŵr [a gyweiriasant] hyd ar gyfer porth y dwfr tua’r dwyrain, a’r tŵr yr hwn oedd yn myned allan.

²⁷Ar ei ôl yntef y Thecoiaid a gyweiriasant fesur arall, ar gyfer y tŵr mawr yr hwn sydd yn myned allan hyd fûr yr amddeffynfa.

²⁸Oddi ar borth y meirch yr offeiriaid a gyweiriasant bôb vn gyferbyn ai dŷ ei hun.

²⁹Ar ôl hynny Zadoc mab Immer a gyweiriodd ar gyfer ei dŷ ei hun, ac ar ei ôl yntef y cyweiriodd Semaiah mab Secaniah ceidwad porth y dwyrain.

³⁰Ar ei ôl ef y cyweiriodd Hanania mab Selomia, a Hanun chweched mab Zalaph y mesur arall: ar ei ôl yntef Mesulam mab Bereciah a gyweiriodd ar gyfer ei stafell.

³¹Ar ei ôl yntef Malciah mab yr eurych a gyweiriodd hyd dŷ y Nethiniaid, a’r marchnadyddion ar gyfer porth Miphcad, hyd stafell y gongl.

³²A rhwng stafell y gongl a phorth y defaid yr eurychod, a’r marchnadyddion a gyweiriasant.