Read William Morgan Bible 1588 original edition Nehemias 5 Bible Online

Nehemias 5 - William Morgan Bible 1588 original edition bible

Nehemias 5

¹Cwyn y bobl, a gwaharddiad Nehemias yn erbyn vsuriaeth. Ac yr oedd gweiddi mawr [gan] y bobl, ai gwragedd yn erbyn yr Iddewon eu brodyr.

²Canys yr oedd rhai yn dywedyd, [gwystlo y mae] llawer o honom ni ein meibion, a’n merched i gymmeryd ŷd, fel y bwytaom, ac y byddom byw.

³Yr oedd rhai hefyd yn dywedyd, ein meusydd, ein gwin-llannoedd hefyd a’n tai yr ydym ni yn eu gwystlo: fel y prynom ŷd rhac newyn.

⁴Ac yr oedd rhai [eraill] yn dywedyd, benthygiasom arian i [dalu] treth y brenin: [gan wystlo] ein meusydd a’n gwîn-llannoedd.

⁵Ac yn awr ein cnawd ni [sydd] fel cnawd ein brodyr, ein meibion ni fel eu meibion hwynt: ac wele ni yn darostwng ein meibion a’n merched yn weision, ac y mae [rhai] o’n merched ni wedi eu caethiwo, ac heb fodd gennym [iw rhyddhau,] canys gan eraill [y mae] ein meusydd, a’n gwin-llannoedd ni.

⁶Yna y llidiais ynof yn ddirfawr: pan glywais eu gwaedd hwynt, a’r geiriau hyn.

⁷Fyng-halon hefyd a feddyliodd ynof, a mi a ddwrdiais y pendefigion, a’r swyddogion, ac a ddywedais wrthynt, yr ydych chwi yn cymmeryd occreth bob vn gan ei gilydd: a rhoddais yn eu herbyn hwynt gynnulleidfa fawr.

⁸Dywedais hefyd wrthynt, nyni a brynasom ein brodyr yr Iddewon y rhai a werthasid i’r cenhedloedd yn ôl ein gallu, ac a ydych chwithau yn gwerthu eich brodyr? neu a werthir hwynt i ni? yna y tawsant, ac ni chawsant air [i atteb.]

⁹A mi a ddywedais nit da’r peth yr hwn yr ydych chwi yn ei wneuthur: oni ddylech chwi rodio mewn ofn ein Duw ni rhac gwradwydd y cenhedloedd ein gelynnion?

¹⁰Myfi hefyd [a’m] brodyr, a’m llangciau ydym yn echwyno iddynt arian, ac ŷd: peidiwn attolwg a’r occreth ymma.

¹¹Rhoddwch attolwg iddynt heddyw eu meusydd, eu gwin-llannoedd, ai oliwydd lannoedd, ai tai trachefn: a chanfed [rann] yr arian a’r ŷd, y gwîn, a’r olew, yr hon yr ydych chwi yn ei chymmeryd ganddynt.

¹²Hwyntau a ddywedasant, nyni ai rhoddwn trachefn, ac ni cheisiwn ddim ganddynt, felly y gwnawn fel yr ydwyt yn llefaru: yna y gelwais yr offeiriaid [drwy’r rhai] y tynghedais hwynt i wneuthur yn ôl y gair hwn.

¹³A mi a escydwais fy mraich, ac a ddywedais, felly’r escydwo Duw bob gŵr yr hwn ni chwplâo y gair hwn oi dŷ, ac oi lafur, ac felly y byddo efe yn escydwedic, ac yn wâg: a’r holl gynnulleidfa a ddywedasant Amen, ac a foliannasant yr Arglwydd, a’r bobl a wnaeth yn ôl y gair hwn.

¹⁴Ac o’r dydd [yn] yr hwn y gorchymynnase [’r brenin] i mi fod yn dywysog iddynt hwy yng-wlâd Iuda o’r vgainfed flwyddyn hyd y ddeuddecfed flwyddyn ar hugain i Artaxerxes y brenin [sef] deuddeng mhlynedd, ni fwyteais i na’m brodyr fara y tywysog.

¹⁵Canys y tywysogion cyntaf y rhai [a fuasent] o’m blaen i a fuasent drymmion ar y bobl, ac a gymmerasent ganddynt am fara a gwîn wedi deugain sicl o arian, eu llangciau hefyd a arglwyddiaethasent ar y bobl: ond ni wneuthum i felly rhag ofn Duw.

¹⁶Eithr myfi a gyweiriais [rann] yng-waith y mûr hwn, ac ni phrynasom [vn] maes: fy holl langciau hefyd a ymgynnullasant yno at y gwaith.

¹⁷Ac [yr oedd] ar fy mwrdd i o Iddewon, ac o swyddogion ddeng-ŵr a saith vgain, a rhai yn dyfod attom ni o’r cenhedloedd y rhai [oeddynt] o’n hamgylch.

¹⁸A’r hynn a arlwyid beunydd oedd vn ych, chwech o ddefaid etholedig, ac adar wedi eu paratoi i mi, a phob deng-nhiwrnod y rhoddid gwin i bawb yn ddiandlawd: ac er hyn ni cheisiais fara y tywysog, canys trwm oedd y gwasanaeth hwnnw ar y bobl.

¹⁹Cofia fi ô Arglwydd er llês [i mi: yn ôl] yr hyn oll a’r a wneuthum i’r bobl hyn?