Read William Morgan Bible 1588 original edition Nehemias 8 Bible Online

Nehemias 8 - William Morgan Bible 1588 original edition bible

Nehemias 8

¹Esdras yn darllen y gyfraith i’r bobl. A’r Holl bobl a ymgasclasant o vn fryd i’r heol yr hon [oedd] o flaen porth y dwfr: a dywedasant wrth Esdras yr scrifennudd am ddwyn llyfr cyfraith Moses, yr hon a orchymynnase’r Arglwydd i Israel.

²Yna Esdras yr offeiriad a ddûg y gyfraith o flaen y gynnulleidfa yn wŷr, ac yn wragedd, a phawb a’r a oedd yn medru gwrando yn ddeallus, ar y dydd cyntaf o’r seithfed mîs.

³Ac efe a ddarlenodd ynddo ar wyneb yr heol (yr hon [oedd] o flaen porth y dwfr] o’r borau hyd hanner dydd ger bron y gwŷr, a’r gwragedd, a’r rhai oeddynt yn ddeall: a chlustiau’r holl bobl [oeddynt yn gwrando] ar lyfr y gyfraith.

⁴Ac Esdras yr scrifennudd a safodd ar bulpyd o goed yr hwn a wnelsid i’r peth [hynn,] a chyd ag ef y safodd Mattithia, a Semaa, ac Anania, ac Uria, Helcia hefyd, a Maaseiah ar ei law ddehau ef: a Phedaiah, a Misael, a Malciah, a Haium, Hasbadana hefyd, Zecariah, [a] Mesulam ar ei law asswy ef.

⁵Yna Esdras a agorodd y llyfr yng-ŵydd yr holl bobl, canys yr oedd efe oddi ar yr holl bobl: a phan yr agorodd, yr holl bobl a safasant.

⁶Ac Esdras a fendithiodd yr Arglwydd y Duw mawr: a’r holl bobl a attebasant Amen, Amen, gan dderchafu eu dwylo, a hwynt a ymgrymmasant, ac a addolasant yr Arglwydd [ai] hwynebau [tua]’r ddaiar.

⁷Iesua hefyd, a Bani, a Serebiah, Iamin, Accub, Sabbethai, Hodiiah Maaseiah, Celita, Azariah, Iozadad, Hanan, Pelaiah, a’r Lefiaid oeddynt yn dyscu y gyfraith i’r bobl, a’r bobl yn eu sefyll.

⁸A hwynt a ddarllenasant yn eglur yn llyfr cyfraith Dduw: gan osod [allan] y synnwyr fel y deallent wrth ddarllen.

⁹Yna Nehemias efe [yw] Hathirsatha, ac Esdras yr offeiriad [a’r] scrifennudd, a’r Lefiaid y rhai oeddynt yn dyscu’r bobl a ddywedasant wrth yr holl bobl, heddyw sydd sanctaidd i’r Arglwydd eich Duw, na alêrwch, ac na ŵylwch: canys yr holl bobl oeddynt yn ŵylo pan glywsant eiriau y gyfraith.

¹⁰Ac efe a ddywedodd wrthynt, ewch, bŵytewch y breision, ac yfwch y melysion, ac anfonwch rannau i’r hwn nid [oes] ganddo [ddim] yn barod, canys heddyw [sydd] sanctaidd i’n Harglwydd: am hynny na thristewch, canys llawenydd yr Arglwydd yw ein nerth ni.

¹¹A’r Lefiaid a ostegasant yr holl bobl gan ddywedyd, tewch, canys heddyw sydd sanctaidd: am hynny na thristêwch.

¹²Yna’r holl bobl a aethant i fwytta, ac i yfed, ac i anfon ymmaith rannau, ac i wneuthur llawenydd mawr: canys ddeallasent y geiriau y rhai a ddyscasent hwy iddynt.

¹³A’r ail dydd tadau pennaf yr holl bobl, yr offeiriaid, a’r Lefiaid a ymgynnullasant at Esdras yr scrifennudd, iw dyscu yng-eriau y gyfraith.

¹⁴A hwynt a gawsant yn scrifennedic yn y gyfraith, (yr hon a orchymynnase’r Arglwydd drwy law Moses) y dyle meibion Israel drigo mewn bythod ar yr wyl yn y seithfed mîs.

¹⁵Ac y dylent gyhoeddi, a gyrru gair trwy eu holl ddinasoedd, a thrwy Ierusalem gan ddywedyd, ewch i’r mynydd, a dygwch ganghennau oliwydd, a changau pîn-wŷdd, a changau y myrt-wŷdd, a changau y palm-wŷdd a changhennau o’r prennau caead-frig, i wneuthur bythod fel y mae yn scrifennedic.

¹⁶Felly y bobl a aethant allan, ac a ddugasant, ac a wnaethant iddynt fythod bob vn ar ei nenn, ac yn eu cynteddoedd, ac yng-hynteddoedd tŷ Dduw: ac yn heol porth y dwfr, ac yn heol porth Ephraim.

¹⁷A’r holl gynnulleidfa y rhai a ddychwelasent o’r caethiwed a wnaethant fythod, a thrigasant yn y bythod, canys er dyddiau Iosuah fab Nun hyd y dydd hwnnw ni wnaethe meibion Israel felly: ac yr oedd llawenydd mawr lawn.

¹⁸Ac [Esdras] a ddarllenodd yn llyfr cyfraith Dduw beunydd o’r dydd cyntaf hyd y dydd diweddaf: a hwynt a gynhaliasant yr ŵyl saith niwrnod, ac ar yr ŵythfed dydd [y bu] gymmanfa yn ôl y ddefod.