Read William Morgan Bible 1588 original edition 3.Esdras 5 Bible Online

3.Esdras 5 - William Morgan Bible 1588 original edition bible

3.Esdras 5

¹Rhifedi y rhai a ddychwelasant o’r caethiwed. 44 Eu haddunedau hwynt. 57 Dechreuad ail adailadu y Deml. 68 Eu gelynion mewn malis yn cynnig help. Wedi y pethau hyn y detholwyd pennaethiaid tai eu tadau, yn ôl eu llwythau, ai gwragedd, ai meibion, ai merched, ai gweision, ai morwynion, ai hanifeiliaid.

²[A’r brenin] Darius a anfonodd fil o wŷr meirch gyd â hwynt, iw hebrwng hwynt yn ddiogel i Ierusalem, yng-hyd ag [offer] gerddgar, tympanau a phibellau.

³Ai holl frodyr hwynt oeddynt yn chware: felly y gwaneth efe iddynt fyned i fynu gyd â hwynt.

⁴Ac dymma henwau y gwŷr y rhai a aethant i fynu yn ôl eu teuluoedd wrth eu llwythau, [ac] yn ôl eu rhagor-fraint.

⁵Yr offeiriaid, meibion Phinees fab Aaron, Iesus [mab] Iosedec, [fab] Saraias, ac Ioacim [mâb] Zorobabel [fab] Salathiel o dylwyth Dafydd, o genhedlaeth Phares, o lwyth Iuda.

⁶Yr hwn a lefarodd eiriau doethion wrth Ddarius brenin y Persiaid yn yr ail flwyddyn oi deyrnasiad ef ar y mis Nisan, hwnnw yw y mîs cyntaf.

⁷Ac dymma hwynt o Iuda y rhaî a ddaethant i fynu o gaethiwed y gaeth-glud y rhai a gaeth-gludase Nabuchodonosor brenin Babilon i Babilon,

⁸Ac a ddychwelasant i Ierusalem, ac at y rhann arall o Iuda, pob vn iw ddinas ei hun, y rhai a ddaethent gyd â Zorobabel, ac Iesus, Nehemias, Zacharias, Resaias, Enenius, Mardocheus, Beelsarus, Aspharasus, Reelius, Roimus, [a] Baana eu blaenoriaid hwynt.

⁹Eu rhifedi hwynt o’r genedl, ai blaenoriaid: methion Phares, dwy fil. a chant [a] deuddec a thrugain, meibion Saphat, pedwar cant, [a] deuddec a thrugain.

¹⁰Meibion Areh, saith gant, vn ar bymthec a deugain.

¹¹Meibion Paath Moab, dwy fil, wyth gant, a dec.

¹²Meibion Elā, mîl, deucant, pedwar ar ddec a deugain: meibion Zathui, naw cant, pump a deugain: meibion Corbe saith gant a phump: meibion Bani, chwe chant, wyth a deugain.

¹³Meibion Bibai, chwe chant, tri ar hugain: meibion Asgad, tair mil, dau cant, dau ar hugain

¹⁴Meibion Adonican, chwe chant, saith a thrugain: meibion Bagoi, dwy fîl, chwech a thrugain: meibion Adim, pedwar cant, pedwar ar ddec a deugain.

¹⁵Meibion Aterhezetia, deuddec a phedwar vgain: meibion Ceilan, ac Azota, saith a thrugain: meibion Azuram, pedwar cant, deuddec ar hugain.

¹⁶Meibion Ananias, cant ac vn: meibion Arom, a meibion Bassa, try-chant, tri ar hugain: meibion Arsiphurith, cant a dau.

¹⁷Meibion Meterus, tair mîl, a phump: meibion Bethleem, cant a thri ar hugain.

¹⁸Hwynt hwy o Netopha, pymthec a deugain: hwyntau o Anathoth, cant, tri ar bymthec a deugain: hwynt o Bethsamos, dau a deugain

¹⁹Hwynt o Ciriathiarim, pump ar hugain: hwynt o Caphiras, a Beroth, saith gant, tri a deugain: hwynt hwy o Pirath saith gant.

²⁰Hwynt o Chadias, ac Ammidioi, pum cant, dau ar hugain: hwynt o Cyrama, a Gabdes, chwe chant, vn ar hugain.

²¹Hwynt o Macamos, cant, dau ar hugain: hwynt o Bethel, deuddec a deugain: meibion Nebus cant, dêc a deugain, a chwech.

²²Meibion Calamolan, ac Onus, saith gant, pump ar hugain: meibion Ierechus, trŷ chant, pump a deugain.

²³Meibion Saanah, tair mîl, try chant, a dec ar hugain.

²⁴Yr offeiriaid meibion Iedu fâb Iesus [y rhai a gyfrifir] ym mhlith meibion Sanasib, naw cant, deuddec a thrugain: meibion Meruth mîl deuddec a deugain.

²⁵Meibion Pashur, mîl, a saith a deugain: meibion Charim, mîl, a dêc a thrugain.

²⁶Y Lefiaid, meibion Iesue, Cadmiel, Banua, a Suia, pedwar ar ddêc a thrugain.

²⁷Y meibion [y rhai oeddynt] gantorion sanctaidd, meibion Asaph, cant, wyth a deugain.

²⁸Y porthorion, meibion Salum, meibion Iattal, meibion Tolman, meibion Dacobi, meibion Teta, meibion Sami, y cwbl [oeddynt,] gant, pedwar ar bymthec, ar hugain.

²⁹Gwenidogion y Deml, meibion Esau, meibion Asipha, meibion Taboath, meibion Ceras, meibion Sud, meibion Phalen, meibion Labana, meibion Hagabe.

³⁰Meibion Acub, meibion Vta, meibion Cetab, meibion Agab, meibion Sibe, meibion Anan, meibion Cathua, meibion Gedur.

³¹Meibion Raia, meibion Diasan, meibion Neroda, meibion Chasaeba, meibion Gazema, meibion Azias, meibion Phinees, meibion Asara, meibion Basthai, meibion Asana, meibion Meunim, meibion Naphison, meibion Bacubub, meibion Acupha, meibion Assur, meibion Pharacim, meibion Baraloth.

³²Meibion Mehida, meibion Coutha, meibion Charesca, meibion Bareus, meibion Aserar, meibion Thomoth, meibion Nasib, meibion Atiphan.

³³Meibion gwesion Salomon, meibion Hazophereth, meibion Pharuda, meibion Geelah, meibion Lozon, meibion Isdael, meibion Staphelia.

³⁴Meibion Agia, meibion Pharareth, meibion Sabin, meibion Spartia, meibiō Masias, meibion Gar, meibion Adu, meibion Subah, meibion Apherra, meibion Adu, meibion Subah, meibion Apherra, meibion Barodis, meibion Sabat, meibion Alon.

³⁵Holl wenidogion y Deml, a meibiō gweision Salomon: try chant, a deuddec a thrugain.

³⁶Y rhai hyn a ddaethant i fynu o Thelmiah, a Thelharsa: Caralathar, ac Alar yn eu harwain hwynt.

³⁷Ac ni fedrent hwy ddangos eu teuluoedd, nai bônedd, pa fodd yr oeddynt o Israel: meibion Dalais, meibion Thuba, meibion Necodan, chew chant, [a] deuddec a deugain.

³⁸Ac o’r offeiriaid y rhai oeddynt yn offeiriadu, ac heb eu cael, meibion Hobia, meibion Hacoz, meibion Adus yr hwn a gymmerase [iddo] yn wraig Augia [vn] o ferched Barzeleus.

³⁹A hi a alwyd ar ei enw ef: ac scrifen y genhedlaeth hon a geisiwyd ym mysc yr achau, ond ni’s cafwyd, ac am hynny y gwaharddwyd iddynt offeiriadu.

⁴⁰Canys Nehemias, ac Atharias a ddywedasant wrthynt na chaent hwy fod yn gyfrannogion o’r pethau cyssegredic, oni gyfode archoffeiriad dyscedic o addysc a gwirionedd.

⁴¹Felly hwynt oll o Israel, o’r rhai oeddynt ddeuddeng-mlwydd, ac yn blant bychain oeddynt o gyfrif dwy fîl a deugain, try chant a thri vgain heb law gweision a morwynion.

⁴²Eu gweision ai llaw-forwyniō[oeddynt] saith mîl, try chant, a saith a deugain: a’r cantorion, a’r cantoresau, dau cant, pump a deugain.

⁴³pedwar cant, a phymthec a’r hugain o gamelod, saith gant ac vn a’r bymthec a’r hugain o feirch, dau cant a phump a deugain o fulod, pum mil a phum cant, a phump a’r hugain o anifeiliaid arferol o’r iau.

⁴⁴Ac [rhai] oi llywawd-wŷr hwynt yn ôl eu teuluoedd, pan ddaethant i Deml Dduw yn Ierusalem, a addunasant adailadu y tŷ yn ei le ei hun yn ôl eu gallu.

⁴⁵A rhoddi i dryssor y gwaith fil o bunnau o aur, a phum mîl o bunnau o arian, a chant o offeiriadaidd wiscoedd.

⁴⁶Felly yr offeiriaid, a’r Lefiaid, a’r bobl a drigasant yn Ierusalem, ac yn y wlad [o amgylch,] a’r cantorion sanctaidd, a’r porthorion, a holl Israel yn eu pentrefydd.

⁴⁷Ond pan ddaeth y seithfed mis, pan oedd pawb o feibion Israel ar ei eiddo ei hun, hwynt a ymgasclasant eu gyd o vn frŷd mewn lle amlwg wrth y porth cyntaf yr hwn sydd tua yr dwyrain.

⁴⁸Ina Iesus mab Iosedec, ai frodyr yr offeiriaid, a Zorobabel mab Salathiel ai frodyr, gā godi i fynu a baratoasant allor Duw Israel,

⁴⁹I offrymmu poeth offrymmau arni hi, megis y mae yn scrifennedic yn llyfr Moses gŵr Duw.

⁵⁰Ac yno yr ymgasclodd yn eu herbyn hwynt [rai] o holl genhedloedd y wlad, ond hwynt hwy a dresnasant yr alor yn ei chyfle er bod holl gēhedloedd y wlad yn elynnion iddynt: a hwynt a offrymmasant ebyrth wrth yr amser, a phoeth offrymmau i’r Arglwydd borau a hwyr

⁵¹Hwynt hefyd a gadwasant ŵyl y pebyll, fel y mae yn orchymynnedic yn y gyfraith, ac [a offrymmasant] ebyrth beunydd fel yr oedd yn ddyledus.

⁵²Ac wedi hynny yr offrymmau gwastadol, ac offrymmau y Sabbothau, a’r newydd loerau, a’r holl vchel-wyliau sanctaidd.

⁵³A’r rhai oll a’r a wnaethent adduned i Dduw a ddechreuasant offrymmu aberthau i Dduw yn y dydd cyntaf o’r seithfed mis, er nad adailadasyd etto Deml Duw.

⁵⁴A hwynt a roddasant i’r seiri maen, ac i’r seiri prenn arian, a bwyd, a diod yn llawen.

⁵⁵A [hwynt a roddasant] geir i’r Sidoniaid, ac i’r Tyriaid i ddwyn cedr-wydd o Libanus, y rhai a gludid yn fflodiau i borthladd Ioppe, fel y gorchymynnasid iddynt hwy drwy Cyrus frenin y Persiaid.

⁵⁶Ac yn yr ail flwyddyn, ar yr ail mîs y daeth i Deml Duw yn Ierusalem Zorobabel mab Salathiel, ac Iesus mab Iosedec, ai brodyr, a’r offeiriaid, a’r Lefiaid, a’r holl rai a’r a ddaethent i Ierusalem allan o gaethiwed [Babilō]

⁵⁷A hwynt a sylfaenasant dŷ Dduw ar y dydd cyntaf o’r ail mis, yn yr ail flwyddyn ar ôl eu dychweliad hwynt i Iuda, ac Ierusalem.

⁵⁸A hwynt a osodasant y Lefiaid [y rhai oeddynt] tros vgain-mlwydd oed ar waith yr Arglwydd, ac Iesus ai fab, ai frodyr, a Chadmiel ei frawd, a meibion Madiabon gyd â meibion Ioda fâb Eliadon, ai meibion, ai brodyr, [sef] yr holl Lefiaid o vn frŷd a ddilynasant gan wneuthur y gwaith yn nhŷ Dduw: felly y gweithwŷr a adailadasant Deml yr Arglwydd.

⁵⁹A’r offeiriaid a safasant (wedi eu gwisco mewn gwiscoedd lleison) ag [offer] gerddgar, ac ag vdcyrn, a’r Lefiaid meibion Asaph â symbalau,

⁶⁰Yn canu, ac yn moliannu yr Arglwydd, fel yr ordeiniase Dafydd brenin Israel.

⁶¹A hwynt a ganasant ganiadau yn llafar er moliant i’r Arglwydd, o herwydd bod ei drugaredd ai ogoniant yn dragwydd ar holl Israel

⁶²Yna yr holl bobl leisiasant mewn vdcyrn, ac a waeddasant â llêf vchel, danu gyd foliannu yr Arglwydd, am godi i fnyu tŷ yr Arglwydd.

⁶³Rhai hefyd o’r offeiriaid a’r Lefiaid, a’r pennaethiaid [sef] yr henuriaid, y rhai a welsent y tŷ cyntaf,

⁶⁴A ddaethant [i edrych] adailadaeth hwn drwy ŵylofain a nâd fawr: llawer hefyd ag vdcyrn, ac â llawenydd [mawr a waeddasant] â llêf vchel,

⁶⁵Fel nad alle y bobl glywed yr vdcyrn gan nâd y bobl: etto yr oedd tyrfa fawr yn lleisio mewn vdcyrn, fel y clywyd hwynt ym mhell.

⁶⁶Am hynny pan glybu gelyniō llwythau Iuda, a Beniamin hynny, hwy a daethant i gael gwybod beth oedd sain yr vdeyrn [yn ei arwyddoccau.]

⁶⁷Yna y gwybuant hwy mai y rhai a ddaethent o’r caethiwed a adailadasent y Deml i Arglwydd Dduw Israel.

⁶⁸Am hynny hwy a aethant at Zorobabel, ac Iesus, a at benuaethiaid y teuluoedd gan ddywedyd wrthynt, a gawn ni adailadu gyd â chwi hefyd:

⁶⁹Canys yr ydym ni yn vfyddhau i’ch Arglwydd chwi fel yr ydych chwithau, ac yn aberthu iddo ef er dyddiau Asbazareth brenin Assyria, yr hwn a’n dug ni ymma.

⁷⁰Yna Zorobabel, ac Iesus, a phennaethiaid teuluoedd Israel a ddywedasant wrthynt hwy, ni pherthyn i chwi, ac i ni adailadu tŷ i’r Arglwydd ein Duw ni.

⁷¹Canys nyni ein hunain a adailadwn i Arglwydd Dduw Israel fel y mae yn weddus i ni, [ac fel] y gorchymynnodd Cyrus brenin Persia i ni.

⁷²Er hynny pobl y wlad a wnaethant i’r rhai oeddynt yn Iuda ddiogi, ac a rwystrasant iddynt adailadu y gwaith, a thrwy eu cynllwyn hwynt, ai terfyscoedd, ai bradwriaeth, hwynt hwy a luddiasant orphen yr adailadaeth,

⁷³Tra fu brenin Cyrus yn fyw: felly y rhwystrwyd hwynt rhac adailadu dros yspaid dwy flynedd, hyd deyrnasiad [brenin] Darius.