Read William Morgan Bible 1588 original edition 3.Esdras 6 Bible Online

3.Esdras 6 - William Morgan Bible 1588 original edition bible

3.Esdras 6

¹1 Aggeus a Zacharias yn prophwydo. 2 Adailadaeth y Deml. 3 Sisinnes yn gadel iddynt. 7 Ei lythr ef at frenin Darius. 23 Atteb y brenin. AC yn yr ail flwyddyn o deyrnasiad Darius, Aggeus a Zacharias mab Ido y prophwydi a brophwydasant i’r Iddewon, ac i’r rhai [oeddynt] in Iuda, ac yn Ierusalem, [îe] yn enw Arglwydd Dduw Israel wrthynt hwy.

²Yna Zorobabel mab Salathiel, ac Iesus mab Iosedec a safasant i fynu, ac a ddechreuasant adailadu tŷ yr Arglwydd yr hwn sydd yn Ierusalem, prophwydi yr Arglwydd oeddynt gyd â hwynt yn eu cynnorthwyo.

³Yn y cyfamser hwnnw Sisinnes llywawdr Syria a Phenice, a Sathrabuzanes ai gyfeillion a ddaethant attynt hwy, ac a ddywedasant wrthynt,

⁴Drwy orchymyn pwy ’r ydych chwi yn adailadu y tŷ hwn, a’r adailadaeth ymma: ac yn defnyddio yr holl bethau eraill ymma: a phwy yw ’r adailad-wŷr y rhai ydynt yn bwriadu y fâth bethau:

⁵Onid henuriaid yr Iddewon a gawsent ffafor gan yr Arglwydd wedi iddo ef ymweled a’r caethiwed,

⁶Fel na rwystrwyd hwynt i adailadu nes hyspyssu i Ddarius y pethau hynn, a chael atteb [oddi wrtho ef.]

⁷Coppi o’r llythr yr hwn a scrifennodd efe ac a anfonodd at Ddarius. Sisinnes llywiawdr Syria a Phenice, a Sathrabuzanes ai cyfeillion pennaethiaid Syria a Phenice yn annerch brenin Darius.

⁸Bydded hyspys oll i’n harglwydd frenin mai pan ddaethom ni i wlad Iuda, a myned i mewn i ddinas Ierusalem nyni a gawsom yn ninas Ierusalem henuriaid yr Iddewon y rhai oeddynt o’r gaeth-glud,

⁹Yn adailadu tŷ i’r Arglwydd, mawr a newydd, o gerric nâdd gwerthfawr, a’r coed wedi eu gosod eusus ar y magwyrydd.

¹⁰Ac yr ydys yn gwneuthur y gwaith hwn ar frŷs, ac y mae y gwaith yn myned yn llwyddiannus yn eu dwylo hwynt, a thrwy ogoniant, ac astudrwydd y gorphennir ef:

¹¹Yna nyni a ofynnasom iw henuriaid gan ddywedyd: drwy orchymyn pwy yr ydych chwi yn adailadu y tŷ hwn, ac yn sylfaenu y gwaith ymma:

¹²Nyni a ofynnasom y pethau hyn iddynt hwy, ar fedr eu hyspyssu hwynt i ti, ac scrifennu attat ti [enwau] y gwŷr y rhai ydynt yn lwyodraeth-wŷr arno: am hynny nyni a ofynnasom iddynt enwau y llywawd-wŷr yn scrifennedic.

¹³Ond hwynt a’n hattebasant gan ddywedyd: gweision ydym ni i’r Arglwydd yr hwn a greawdd y nefoedd a’r ddaiar.

¹⁴A’r tŷ hwnn a adailadwyd er ys llawer o flynyddoedd drwy frenin Israel, mawr a chadarn, ac a orphennwyd.

¹⁵Ond pan annogodd ein tadau ni [Dduw] i ddigllonedd, [a phan] bechasant yn erbyn Arglwydd Israel [yr hwn sydd] yn y nefoedd, efe ai rhoddes hwynt yn nwylo Nabuchodonosor brenin Babilon, a’r Caldeaid.

¹⁶[Y rhai] a ddrylliasant y tŷ, [ac] ai lloscasant ef, ac a gaeth-gludasant y bobl i Babilon,

¹⁷Ond yn y flwyddyn gyntaf o deyrnasiad Cyrus ar wlad Babilon, y brenin Cyrus a scrifennodd [orchymyn] am adailadu y tŷ hwll [eil-waith.]

¹⁸A’r llestri sanctaidd o aur, ac o arian, y rhai a ddugase Nabuchodonosor allan o’r tŷr yn Ierusalem, ac ai cyssegrase hwynt yn ei Deml ei hun, Cyrus y brenin ai dug hwynt allan o’r Deml yn Abilon, ac ai rhoddodd hwynt i Zorobabel, ac i Sanabassarus y llywawdr:

¹⁹Gan orchymyn iddo ef ddwyn ymmaith y llestri hynny, ai gosod hwynt o fewn y Deml yn Ierusalem, ac adailadu Teml yr Arglwydd yn ei chyfle.

²⁰A phan ddaeth Sanabassarus ymma, efe a sylfaenodd dŷ yr Arglwydd yn Ierusalem, ac er y pryd hynny hyd yr awr hon yr ydys yn ei adailadu, [ac] ni’s gorphennawyd ef [etto.]

²¹Ac yn awr o rhynga bodd i’r brenin, ceisier allan yn nhŷ llyfrau y brenin [siccrwydd] am [yr hyn a wnaeth] Cyrus.

²²Ac o cheir, fod adailadaeth tŷr yr Arglwydd yn Ierusalē, wedi ei gwneuthur drwy gyd tundeb brenin Cyrus, ac os rhynga bodd i’r arglwydd ein brenin attebed efe i ni am y pethau hyn.

²³Yna y brenin Darius a orchymynnodd chwilio tŷ llyfrau y brenin yr hwn oedd yn Babilon, ac fe a gafwyd yn Echatane, yr hon sydd yn y tŵr yng-wlad Media fann lle y byddid yn gosod y fath bethau a hynny yn goffadwriaeth.

²⁴Yn y flwyddyn gyntaf o deyrnasiad Cyrus, y brenin Cyrus a orchymynnodd adailadu tŷ yr Arglwydd yn Ierusalem lle yr aberthent â thân gwastadol.

²⁵Vchter yr hwn [fydde] drugain cufydd, ai lêd yn drugain cufydd, a thair rhês o gerric nâdd, ac vn rhês o goed newydd o’r wlad honno, a’r draul a roddid o dŷ brenin Cyrus.

²⁶A’r llestri sanctaidd o dŷ yr Arglwydd, yn aur ac yn arian y rhai a ddugase Nabuchodonosor ymmaith o’r tŷ yn Ierusalem, ac ai eludase i Babilon a roddid trachefn i’r tŷ yn Ierusalem ac a osodid yn y fann lle yr oeddynt.

²⁷Hefyd efe a orchymynnodd i Sisiones llywawdr Syria a Phenice, ac i Sathrabuzanes ai cyfeillion, ac i eraill y rhai oeddynt wedi eu gosod yn lywodraeth-wŷr yn Syria a Phenice ochelyd gorafyn y fann honno, eithr gadel i Zorobabel gwâs yr Arglwydd a llywydd Iuda, ac i henuriaid yr Iddewon adailadu tŷ yr Arglwydd yn y fann honno.

²⁸Ac mi a orchymynnais hefyd ei adailadu ef yn gyfan eil-waith, ac iddynt hwy fod yn astud i gynnorthwyo y rhai oeddynt o gaeth-glud yr Iddewon nes gorphenn tŷ yr Arglwydd,

²⁹A rhoddi dogn allan o deyrn-ged Coelosyria a Phenice yn ddyfal i’r gwŷr hynn tu ag at ebyrth i’r Arglwydd, ac i Zorobabel y llywydd tu ag at deirw, hyrddod, ac ŵyn.

³⁰Yd hefyd, a hâlen, a gwîn, ac olew yn oestadol bob blwyddyn heb ballu, fel y testiolaetho yr offeiriaid y rhai ydynt yn Ierusalem fod yn ei dreulio beunydd,

³¹Fel yr offrymment beunydd i Dduw goruchaf tros y brenin, a thros ei blant ef, ac y gweddient gyd ai hennioes hwynt.

³²Efe a orchymynnodd hefyd am bwy bynnac a drossedde ddim a’r a ddywedpwyd o’r blaen, neu a’r a scrifennwyd vchod, neu a ddiddymme ddim o hynny, gymmeryd prenn allan oi feddiant ef; ai grogi ef arno, a bod ei gyfoeth ef yn eiddo y brenin.

³³Am hynny yr Arglwydd yr hwn yr ydys yn galw ar ei enw yno a ddestruwio bob brenin, a chenhedl a’r a estynno ei law i luddies, neu i wneuthur niwed i dŷ yr Arglwydd yr hwn sydd yn Ierusalem.

³⁴Myfi y brenin Darius a orchymynnais drwy gyfraith yn ddyfal am gwblhau hynn oll.