Read William Morgan Bible 1588 original edition Tobias 11 Bible Online

Tobias 11 - William Morgan Bible 1588 original edition bible

Tobias 11

¹Dyfodiad Tobias adref. 11 Ei dâd yn cael ei olwg, ac yn moliannu Duw. Yn ôl hynny yr aeth Tobias ymmaith, gan foliannu Duw (o achos iddo lwyddo ei daith ef) ac efe a fendithiodd Raguel, ac Edna ei wraig. Ac yna efe a gerddodd rhagddo, oni ddaethant yn agos i Ninife.

²Yna Raphael a ddywedodd wrth Tobias, ti a ŵyddost fy mrawd pa fodd y gadewaist dy dad.

³Brysiwn o flaen dy wraig a threfnwn y tî.

⁴A chymmer yn dy law fustl y pyscodyn, ac felly yr aethant, a’r cî ai canlynodd hwynt.

⁵Ac Anna oedd yn eistedd, ac yn disgwil am ei mab ar y ffordd.

⁶Ac ai adnabu ef yn dyfod, ac a ddywedodd wrth ei dad ef. Wele dy fab di yn dyfod, a’r gŵr a aeth gyd ag ef.

⁷Yna y dywedodd Raphael, mi a wn Tobias, y caiff dy dâd ei olwg.

⁸Am hynny ira ei lygaid ef â’r bustl, a phan ferwinant efe ai crafa hwynt, ac a fwrw yr huchen ymmaith, ac a’th wêl di.

⁹Yna y rhedodd Anna allan, ac hi a syrthiodd ar wddf ei mab, gan dywedyd wrtho, mi a’th welais fy mab, ac weithian bodlon ydwyf i farw, ac hwy a wŷlasant ill dau.

¹⁰Tobit hefyd a aeth allan i’r drws, ac a syrthiodd, ai fab a redodd atto,

¹¹Ac a ymaflodd yn ei dad, ac a daenellodd beth o’r bustl ar lygaid ei dad, gan ddywedyd, bydd gyssurus fy nhad.

¹²Ac wedi iw lygaid ddechreu merwîno, efe ai dwys rwbbiodd hwynt,

¹³A’r rhuchen a ddirisclodd ymmaith oddi wrth gilieu ei lygaid ef, ac wedi iddo weled ei fab, efe a syrchiodd ar ei wddf ef,

¹⁴Ac a ŵylodd gan ddywedyd, bendigedic wyt ô Dduw, a bendigedic yw dy enw yn dragywydd, dy holl angelion sanctaidd ydynt fendigedic.

¹⁵Canys ti a’m ffrewyllaist, ac a dosturiaist wrthif, wele fi yn gweled fy mab Tobias: yna yr aeth ei fab ef i mewn yn llawen, ac a ddangosodd iw dâd y mawr bethau a ddigwyddasent ym Media.

¹⁶Yna ’r aeth Tobit allan i gyfwrdd ai waudd hyd ym mhorth Ninife, gan ymlawenhau a moliannu Duw: a rhyfedd oedd gan y rhai oeddynt yn edrych arno ef yn myned, am ei fod yn gweled.

¹⁷Ac Tobit a destiolaethodd yn eu gŵydd hwynt oll, ddarfod i Dduw dosturio wrtho, ac wedi, iddo nesau at Sarra ei waudd, efe ai bendithiodd hi gan ddywedyd, croeso wrthit fy merch: bendigaid fyddo Duw yr hwn a’th ddug di attom ni, a bendigedic fyddo dy dâd a’th fam: a llawenydd mawr oedd ym mysc ei holl frodyr ef, y rhai oeddynt yn Ninife.

¹⁸Ac Achiacharus a ddaeth yno, a Nasbas ei nai ef fab ei frawd.

¹⁹A neithior Tobias a gadwyd mewn llawenydd mawr saith niwrnod.