Read William Morgan Bible 1588 original edition Tobias 8 Bible Online

Tobias 8 - William Morgan Bible 1588 original edition bible

Tobias 8

¹Y modd y diangodd Tobias oddi wrth y dinistr a gawse gwyr cyntaf Sarra. 9 Raguel yn gwneuthur bedd Tobias. 15 A phan wybu ei fod efe yn fyw yn diolchi Dduw. AC wedi iddynt swpperu, hwy a ddugant Tobias i mewn atti.

²Yr hwn wrth fyned a feddyliodd am eiriau Raphael, ac a gymmerth farwydos yr arogleuau, ac a roddes arnynt o galon y pyscodyn ai au, ac ai gwnaeth i fygu.

³Pan aroglodd y cythrael yr arogl hwnnw, efe a ffôdd i oruchafion yr Aipht, a’r angel ai rhwymodd ef.

⁴Ac fel yr oeddynt ill dau wedi eu cau i mewn, tobias a gyfododd oi wely, ac a ddywedodd [wrth Sarra,] cyfot fy chwaer a gweddiwn yr Arglwydd [ar iddo ef] fod yn drugarog wrthym.

⁵Yna y dechreuodd Tobias ddywedyd: Bendigedic wyt ô [Arglwydd] Dduw ein tadau, a bendigaid yw dy enw sanctaidd a gogoneddus yn dragywyddol. Bendiged y nefoedd a’th greaduriaid oll dy di.

⁶Tydi a wnaethost Adda, ac a roddaist Efa ei wraig yn gymmorth ac yn nerth iddo: o honynt y daeth pob cyfryw ddyn: ti a ddywedaist: Nid da bod gwr yn vnic, gwnawn iddo gymmorth cyffelyb iddo.

⁷Ac yr awran Arglwydd, nid er mwyn godineb yr wyf yn cymmeryd fy chwaer hon, eithr mewn iniawnfryd meddwl, pâr drugarhau wrthif, fel yr heneiddiwyf gydâ hi.

⁸A hi a ddywedodd gyd ag ef Amen.

⁹Ac felly y cyscasant ill dau y nôs honno, a phan gyfododd Raguel i fynu, efe a aeth, ac a gloddiodd fedd,

¹⁰Gan ddywedyd, oni bu hwnn farw hefyd?

¹¹Ac wedi dyfod Raguel iw dŷ,

¹²Efe a ddywedodd wrth Edna ei wraig, anfon vn o’r morwynion i edrych ai byw efe: os amgen, fel y gallwyf ei gladdu ef heb ŵybod i neb.

¹³A’r forwyn wedi iddi agoryd y drws a aeth i mewn, ac ai cafodd hwynt ill dau yn cyscu.

¹⁴A phan ddaeth allan, hi a ddangosodd iddynt, ei fod efe yn fyw.

¹⁵Yna Raguel a foliannodd Dduw, gan ddywedyd: Bendiger di ô Dduw â phob duwiol a sanctaidd fendith, bendiged dy sainct dy di a’th greaduraid oll, a chwbl o’th angelion a’th etholedig [bobl] a’th folant ti byth bythoedd.

¹⁶Bendigedic fych ô Arglwydd, am i ti fy llawenhau, ac na ddaeth i mi, fel yr oeddwn yn tybied, eithr ti a wnaethost i ni yn ôl dy fawr drugaredd.

¹⁷A bendigedic fyddech am i ti drugarhau wrth ddau vn blant [tad a mam,] gan ddangos iddynt ragorol drugaredd: diwedda eu bywyd mewn iechyd gyd â llawenydd a thrugaredd.

¹⁸Yna yr archodd efe iw weision lenwi ’r bedd.

¹⁹Ac efe a gadwodd y neithior bedwar diwrnod ar ddêc.

²⁰A Raguel a ymddiddanodd â Tobias, gan dyngu, nad ai efe ymmaith nes darfod cyflawni dyddieu ’r neithior, nid amgen pedwar diwrnod ar ddêc.

²¹Ac yna y cai efe ddychwelyd yn iach at ei dad, a chael hanner ei dda ef, a’r cwbl ar ei ôl ef ai wraig.