Read William Morgan Bible 1588 original edition Iudith 2 Bible Online

Iudith 2 - William Morgan Bible 1588 original edition bible

Iudith 2

¹Nabuchodonosor yn gorchymyn gorchfygu a difetha y rhai nid vfuddhausent ef. 15 Holophernes yn byddino ei wyr, ac yn dechreu ei ryfel yn lwyddiannus AC yn y ddeunawfed flwyddyn, yr ail [dydd] ar hugain o’r mîs cyntaf yr oedd y gair yn nhŷ Nabuchodonosor brenin yr Assyriaid, yr ymddiale efe ar yr holl ddaiar fel y dywedase efe.

²Felly efe a alwodd atto ei holl weision, ai holl bendefigion, ac a ymddiddanodd â hwynt yng-hylch ei gyfrinach ddirgel ef: ac efe a osododd ger eu bron hwynt âi enau ei hun holl ddrygioni y ddaiar.

³Yna hwynt a gydunasant ddifetha pôb cnawd a’r na chanlynase orchymyn ei enau ef.

⁴A phan orphennodd efe ei gyfrinach, Nabuchodonosor brenin yr Assyriaid a alwodd am Holophernes tywysog ei filwriaeth, yr hwn oedd nessaf iddo ef, ac a ddywedodd wrtho,

⁵Fel hyn y dywed y brenin mawr arglwydd yr holl ddaiar, wele dos ti ymmaith o’m gŵydd i, a chymer di gyd â thi wŷr yn ymddyried yn eu nerth eu hunain, o wŷr traed cant ac vgain mîl, a rhifedi y meirch ai marchogiō deuddeng-mîl.

⁶A dos di yn erbyn holl wlâd y gorllewyn, o herwydd hwynt a anufyddhausant fyng-orchymyn i.

⁷A thi a fynegi iddynt, am baratoi o honynt hwy i mi y ddaiar, a’r dwfr: canys myfi a af allan yn fy llîd yn eu herbyn hwynt, ac a orchguddiaf holl wyneb y ddaiar â thraed fy llû i, ac mi ai rhoddaf hwynt yn sclyfaeth iddynt,

⁸Fel y llanwo eu rhai archolledig hwy eu dyffrynnoedd, ai hafonydd hwynt, a’r llifeiriant a lifa trosodd wedi ei lenwi âi celaneddau hwynt.

⁹A mi a ddygaf eu caethiwed hwynt i eithafoedd yr holl ddaiar.

¹⁰Gan hynny dos di ymmaith, a gorescyn imi eu holl wlâd hwynt: ac os ymroddant hwy i ti, ti ai cedwi hwynt i mi, hyd y dydd y ceryddwyf hwynt.

¹¹Ond am y rhai a fuant anufydd, nac arbeded dy lygad hwynt, eithr dyro hwynt i farwolaeth, ac yn yspail drwy dy holl dîr di.

¹²Canys fel yr ydwyfi yn fyw, a gallu fy mrenhiniaeth, beth bynnac a ddywedais myfi ai cwplaf a’m llaw fy hunan.

¹³Na throssedda dithe yr vn o orchymynnion dy arglwydd, eithr cwplha di hwynt yn llwyr, fel y gorchymynnais i ti, ac nac oeda di iw gwneuthur hwynt.

¹⁴Yna Holophernes a aeth allan o ŵydd ei arglwydd, ac a alwodd am yr holl bennaethiaid, a thywysogion, a swyddogion llû yr Assyriaid,

¹⁵Ac efe a gyfrifodd y gwŷr etholedig i ryfel, fel y gorchymynnase ei arglwydd iddo ef, hyd yn gant, [ac] vgain mîl, a deuddeng-mîl o saethyddion ar feirch.

¹⁶Ac efe ai gosododd hwynt mewn trefn, fel y mae yr arfer o osod llû mawr mewn trefn,

¹⁷Ac efe a gymmerth fintai fawr iawn o gamelod, ac assynnod i [ddwyn] eu beichiau hwynt, a defaid, ac ŷchen, a geifr yn llynniaeth iddynt, ar y rhai nid oedd rifedi.

¹⁸Ac ymborth i bôb gŵr o’r fyddin, a llawer iawn o aur, ac arian allan o dŷ yr brenin.

¹⁹Yna yr aeth efe âi holl lu i ffordd, fel yr aent hwy o flaen brenin Nabuchodonosor, ac y gorch-guddient holl ŵyneb y ddaiar tua’r gorllewyn âi cerbydau, ac âi gwŷr meirch, ac âi gwŷr traed detholedig.

²⁰A llawer o gymmysc ddynion a ddaethant gyd â hwynt fel y ceiliogod rhedyn, ac fel tyfod y ddaiar: canys nid oedd rifedi arnynt rhag cymmaint oedd o honynt.

²¹A hwynt a aethant o Ninife daith tri diwrnod tua gwlad Bectileth, ac a werssyllasant oddi wrth Bectileth yn gyfagos i’r mynydd yr hwn sydd ar y llaw asswy i Cilicia vchaf.

²²Yna efe a gymmerth ei holl lu ef, ei wŷr traed, ai wŷr meirch a’r cerbydau, ac a aeth oddi yno i’r mynydd-dîr.

²³Ac efe a ddinistriodd Phud, a Lud, ac a anrheithiodd holl feibion Rasses, a meibion Ismael y rhai oeddynt tua ’r anialwch o du yr deau i chelon.

²⁴Yna efe a aeth tros Euphrates, ac a aeth trwy Mesopotamia, ac a ddinistriodd yr holl ddinasoedd vchel y rhai oeddynt ar afon Arbonai, hyd oni ddeuir hyd y môr.

²⁵Ac efe a orescynnodd derfynau Cilicia, ac a ddestruwiodd yr holl rai a’r ai gwrthwynebent ef, ac efe a ddaeth i ardaloedd Iapheth y rhai oeddynt tua ’r deau, ac ar gyfer Arabia.

²⁶Efe a amgylchodd hefyd holl feibion Madian, ac a loscodd eu pebyll hwynt, ac a anrheithiodd ei lluestai hwynt.

²⁷Yna efe a aeth i wared i wlâd Damascus, yn nyddiau cynhaiaf y gwenith, ac a loscodd eu holl feusydd hwynt, ac a roddes eu defaid, ai gwartheg hwynt i ddinistr: efe a anrheithiodd eu dinasoedd bwynt, ac a yspeiliodd eu gwledydd, ac a laddodd eu holl wŷr ieuaingc hwynt â min y cleddyf.

²⁸Am hynny ofn a dychryn a syrthiodd ar holl drigolion y mor-dir, y rhai oeddynt yn Sidon, ac yn Tyrus, ac yn trigo yn Sur, ac Ocina, a’r holl rai oeddynt yn presswylio yn Iemnaan: a phresswyl-wŷr Azot, ac Ascalon a ofnasant rhagddo ef yn ddirfawr.