Read William Morgan Bible 1588 original edition Iudith 3 Bible Online

Iudith 3 - William Morgan Bible 1588 original edition bible

Iudith 3

¹Y bobl yn ddarostyngedic i Holophernes. 8 Efe yn dinistrio eu duwiau hwynt fel yr addolid Nabuchodonosor yn vnic. Felly hwynt a anfonasant gennadau, a geiriau heddychlon atto ef: gan ddywedyd,

²Wele gweision ydym ni i Nabuchodonosor y brenin mawr, yr ydym ni yn sefyll yn dy ŵydd di, gwna di i ni fel y gwelech di yn ddâ.

³Wele ein tai ni, a’n holl leoedd, a’n holl feusydd gwenith a’n defaid, a’n gwartheg, a’n holl luestai ni, a’n pebyll yn sefyll o’th flaen di: gwna di iddynt fel y gwelech yn dda.

⁴Wele hefyd ein dinasoedd ni a’r rhai sy yn trigo ynddynt ydynt dy weision, tyret ti a chymmer hwynt, fel y gwelech di yn dda.

⁵Felly y gwŷr a ddaethant at Holophernes, ac a fynegasant wrtho ef yn ôl y geiriau hynn.

⁶Yna efe a ddaeth i wared tua ’r mor-dîr, efe ai lu, ac a gadwodd y dinasoedd vchel, ac a gymmerth allan o honynt wŷr etholedig yn gynhorthwy [iddo.]

⁷Felly hwynt hwy a’r holl wlâd o amgylch ai croesawasant ef â choronau, â dawnsiau, ac â thympanau.

⁸Er hynny efe a ddifwynodd eu holl frôoedd hwynt, ac a dorrodd i lawr eu llwynau hwynt: canys fe a orchymynnasid iddo ef ddinistrio holl dduwiau y tîr, fel yr addole yr holl genhedloedd Nabuchodonosor yn vnic, ac y galwe pôb tafod a llwyth arno ef megis ar Dduw.

⁹Ac efe a ddaeth ar gyfer Esdraelon, yn gyfagos at Dothea, gyferbyn a’r gyfyng fawr i Iuda.

¹⁰Ac efe a wersyllodd rhwng Geba, a dinas y Scythiaid, ac efe a fu yno fîs o ddyddiau: fel y cascle efe wehilion ei lu ef.